ಟ್ರೊಪಿಕಲ್ ಐಲ್ಯಾಂಡ್​​​ ಟ್ರಿಪ್ ಮಿಸ್ ಆಯ್ತು ಅಂತ ಬೇಜಾರ್ ಮಾಡ್ಕೋಬೇಡಿ ಪ್ಲೀಸ್..

ಆಹಾರೋದ್ಯಮದಲ್ಲಿ ಪ್ರತಿದಿನವೂ ಹೊಸ ಟ್ರೆಂಡ್ ಪರಿಚಯವಾಗುತ್ತಿದೆ. ಆದರೆ ಅವೆಲ್ಲವೂ ಸಕ್ಸಸ್ ಆಗಿವೆ ಎಂದು ಹೇಳುವಂತಿಲ್ಲ. ಕೆಲವು ಭಕ್ಷ್ಯಗಳು ಹಠಾತ್ ಜನಪ್ರಿಯವಾಗಿದ್ದರೂ, ಸ್ವಾದ, ಮಿಶ್ರಣದಲ್ಲಿ ಹೊಂದಾಣಿಕೆ ಕಂಡುಬರದ, ಸುಲಭವಾಗಿ ಅರಗಿಸಿಕೊಳ್ಳಲಾಗದ ಹಲವು ಭಕ್ಷ್ಯಗಳು ಗ್ರಾಹಕರಿಂದ ಸಾರಾಸಗಟಾಗಿ ತಿರಸ್ಕೃತಗೊಂಡಿವೆ.

ಒಟ್ಟಿನಲ್ಲಿ ಹೇಳುವುದಾದರೆ, ಆಹಾರ ಪ್ರಯೋಗವೆಂಬುದು ಗ್ರಾಹಕರು ಮತ್ತು ಉತ್ಪಾದಕರಿಬ್ಬರಿಗೂ ಭಯಾನಕ ಕಥೆಯೇ ಆಗಿದೆ.

ಇತ್ತೀಚೆಗೆ ರಾಹುಲ್ ಪಾಸಿ ಎಂಬುವವರು ಮ್ಯಾಗಿ ಮತ್ತು ಚಾಕೊಲೇಟ್ ಮಿಶ್ರಣ ಮಾಡಿ ಹೊಸ ಖಾದ್ಯ ತಯಾರಿಸಿದ್ದರು. ‘ಚಾಕೊಲೇಟ್ ಮ್ಯಾಗಿ’ ಅಡುಗೆಯ ಚಿತ್ರವನ್ನು ಪೋಸ್ಟ್ ಮಾಡಿ ನೆಟ್ಟಿಗರ ತಾಳ್ಮೆ ಪರೀಕ್ಷಿಸಲು ಮುಂದಾಗಿದ್ದರು.

ಇದನ್ನೂ ಓದಿ:  ಸೆಷನ್ಸ್​ ನ್ಯಾಯಾಲಯ ನ್ಯಾಯಾಧೀಶರ ವಿರುದ್ಧ ಅಸಹಜ ಲೈಂಗಿಕಕ್ರಿಯೆ ಆರೋಪ

ಇತ್ತೀಚೆಗೆ ಅಮುಲ್ ಶುಂಠಿ, ತುಳಸಿ (ತುಳಸಿ), ಅರಿಶಿನ ಮುಂತಾದ ರೋಗನಿರೋಧಕ ಶಕ್ತಿಯನ್ನು ಹೆಚ್ಚಿಸುವ ಪದಾರ್ಥಗಳಿಂದ ತಯಾರಿಸಿದ ಉತ್ಪನ್ನಗಳನ್ನು ಬಿಡುಗಡೆ ಮಾಡಿತ್ತು. 'ಹಳದಿ ಐಸ್-ಕ್ರೀಮ್' ಗೆ ನೆಟ್ಟಿಗರಿಂದ ಮಿಶ್ರ ಪ್ರತಿಕ್ರಿಯೆಗಳನ್ನು ಗಳಿಸಿದೆ.

ಈಗ ಕೇಕ್​​ನ ಸರತಿ, ಉಷ್ಣವಲಯದ ದ್ವೀಪದ ಆಕಾರದ ಜೆಲ್ಲಿ ಕೇಕ್ ಈಗಷ್ಟೇ ಬಂದಿದೆ. ಇತರ ಟ್ರೆಂಡ್​​ಗಿಂತ ಭಿನ್ನವಾಗಿದ್ದು, ಈ ಸಂಯೋಜನೆಯ ಉತ್ಪನ್ನವು ರುಚಿಯಾಗಿರಬಹುದೇನೋ ಎನ್ನುತ್ತಾರೆ ನೆಟ್ಟಿಗರು.

ಕರೊನಾವೈರಸ್​​ನಿಂದಾಗಿ ಈ ವರ್ಷ ಜನರು ಬೇಸಿಗೆಯಲ್ಲಿ ಉಷ್ಣವಲಯದ ದ್ವೀಪಕ್ಕೆ ಭೇಟಿ ನೀಡಲು ಸಾಧ್ಯವಾಗಲಿಕ್ಕಿಲ್ಲ.

ಇದನ್ನೂ ಓದಿ:  ರಾಮಮಂದಿರ ಭೂಮಿ ಪೂಜೆಗಾಗಿ 151 ಪವಿತ್ರ ನದಿಗಳ ನೀರು ಸಂಗ್ರಹಿಸಿ, ಅಯೋಧ್ಯೆ ತಲುಪಿದ ಸಹೋದರರು

ಆದ್ದರಿಂದ, ಮನೆಯಲ್ಲೇ ರಜೆಯ ಮಜಾ ಅನುಭವಿಸಲು, ಜನರು ಉಷ್ಣವಲಯದ ಸಿಹಿತಿಂಡಿಗಳಂತೆ ಕಾಣುವ ಕೇಕ್​​ಗಳನ್ನು ತಿನ್ನಲು ಉತ್ಸುಕರಾಗುತ್ತಿದ್ದಾರೆ.

ನ್ಯೂಜಿಲೆಂಡ್‌ನಲ್ಲಿ ಬೇಕರಿ ಮಾಲೀಕರೊಬ್ಬರು ದ್ವೀಪವನ್ನು ಹೋಲುವ ಕೇಕ್ ತಯಾರಿಸಿದ್ದು, ಈ ಕೇಕ್, ಅವರು ಇದುವರೆಗೆ ಬುದ್ಧಿಯುಪಯೋಗಿಸಿ ಮಾಡಿದ ಕೇಕ್‌ಗಳಲ್ಲೇ ಭಿನ್ನವಾಗಿದೆ ಎಂದು ಹೇಳಿದ್ದಾರೆ. ರಷ್ಯಾದ ಬೇಕರ್ ಹಲವಾರು ವಿನ್ಯಾಸದ ಕೇಕ್ ಮಾಡಿ ಪ್ರಯತ್ನಿಸಿದ್ದಾರೆ ಮತ್ತು ಅವುಗಳಲ್ಲಿ ಪ್ರತಿಯೊಂದೂ ಪ್ರಭಾವಶಾಲಿಯಾಗಿದೆ ಎಂದು ಹೇಳಿದ್ದಾರೆ.

ಇನ್‌ಸ್ಟಾಗ್ರಾಮ್‌ನಲ್ಲಿ ಕೇಕ್​​ಐಲ್ಯಾಂಡ್ ಎಂಬ ಹ್ಯಾಶ್‌ಟ್ಯಾಗ್ ಅಡಿ ಉಷ್ಣವಲಯದ ದ್ವೀಪ ಬಿಂಬಿಸುವ ಕೇಕ್‌ಗಳ ವಿಭಿನ್ನ ಫೋಟೊಗಳು ಲಭ್ಯ ಇವೆ. ಇಲ್ಲಿಯವರೆಗೆ, ಇದು 1,000 ಕ್ಕೂ ಹೆಚ್ಚು ಪೋಸ್ಟ್​ ಮಾಡಿದೆ.

ಮೇಲ್ನೋಟಕ್ಕೆ, ಕೇಕ್​​ಗೆ ಸಮುದ್ರದಂತೆ ಕಾಣಲು ನೀಲಿ ಬಣ್ಣದ ಜಲೆಟಿನ್ ಬಳಸಲಾಗಿದ್ದು, ಅದರೊಂದಿಗೆ ಬೀಜಗಳು, ಕುಕೀಸ್ ಮತ್ತು ಚಾಕೊಲೇಟ್​​ ಕೂಡ ಸೇರಿಸಲಾಗಿದೆ. ಹೇಗಿದೆ ನೋಡಿ ಉಷ್ಣವಲಯದ ದ್ವೀಪದಂತಿರುವ ಕೇಕ್....?

https://www.vijayavani.net/s-soniagandhi-discharge-from-hospital/