ಬಿಲ್ಗೇಟ್ಸ್ರ ಮೊದಲನೇ ಮಗಳು ಜೆನ್ನಿಫರ್ ಗೇಟ್ಸ್ ತನ್ನ ಸ್ನೇಹಿತ ನಯೆಲ್ ನಾಸೆರ್ ಜತೆ ನಿಶ್ಚಿತಾರ್ಥ ಮಾಡಿಕೊಂಡಿರುವ ವಿಚಾರವನ್ನು ಇನ್ಸ್ಟಾಗ್ರಾಂನಲ್ಲಿ ಹಂಚಿಕೊಂಡಿದ್ದಾರೆ. ತಮ್ಮ ಮತ್ತು ತಮ್ಮ ಪ್ರಿಯತಮ ಹಿಮಪರ್ವತಗಳ ನಡುವೆ ಕುಳಿತಿರುವ ಫೋಟೋಗಳನ್ನು ಹಾಕಿದ್ದು, "ಕಳೆದ ವಾರಾಂತ್ಯವನ್ನು ನಮ್ಮಿಬ್ಬರ ಇಷ್ಟದ ಜಾಗದಲ್ಲಿ ಅನೇಕ ಅಚ್ಚರಿಗಳ ಮೂಲಕ ಕಳೆದಿದ್ದೇವೆ. ಇನ್ನುಳಿದ ಜೀವನವನ್ನು ನಿನ್ನ ಜತೆಗೆ ಜೀವಿಸಲು ನಾನು ಬಹಳಷ್ಟು ಉತ್ಸುಕಿಯಾಗಿದ್ದೇನೆ" ಎಂದು ಬರೆದುಕೊಂಡಿದ್ದಾರೆ. ಪ್ರಿಯತಮ ವಜ್ರದ ಉಂಗುರವನ್ನು ತೊಡಿಸಿರುವ ಫೋಟೋವನ್ನು ಆಕೆ ಶೇರ್ ಮಾಡಿದ್ದು, ಅಭಿಮಾನಿಗಳಿಂದ ಶುಭ ಹಾರೈಕೆಗಳ ಹೊಳೆಯೇ ಹರಿದು ಬಂದಿದೆ.
