Bihar Election| ದಿಘಾ ಕ್ಷೇತ್ರದಿಂದ ನಟ ಸುಶಾಂತ್​ ಸಿಂಗ್​ ಸೋದರ ಸಂಬಂಧಿ ಕಣಕ್ಕೆ

ಬಿಹಾರ: ಮುಂಬರುವ ಬಿಹಾರ ಚುನಾವಣೆಯಲ್ಲಿ (Bihar Election) ದಿವಂಗತ ನಟ ಸುಶಾಂತ್​ ಸಿಂಗ್​ ಅವರ ಸೋದರ ಸಂಬಂಧಿ ದಿವ್ಯಾ ಗೌತಮ್​ ಕಮ್ಯುನಿಸ್ಟ್​ ಪಾರ್ಟಿ ಆಫ್​ ಇಂಡಿಯಾದಿಂದ ಕಣಕ್ಕಿಳಿಯಲಿದ್ದಾರೆ ಎಂದು ವರದಿಯಾಗಿದೆ.

ದಿಘಾ ಸ್ಥಾನಕ್ಕೆ ಚುನಾವಣಾ ಅಧಿಸೂಚನೆಯನ್ನು ಹೊರಡಿಸಲಾಗಿದ್ದು, ನವೆಂಬರ್ 6 ರಂದು ಪ್ರಥಮ ಹಂತದಲ್ಲಿ ಮತದಾನ ನೆರವೇರುವುದರಿಂದ, ದಿವ್ಯಾ ಅವರು ಅಕ್ಟೋಬರ್ 15 ರಂದು ನಾಮಪತ್ರ ಸಲ್ಲಿಸುವ ನಿರೀಕ್ಷೆಯಿದೆ.

ಇದನ್ನೂ ಓದಿ: ಕೆಮ್ಮಿನ ಸಿರಪ್​ನಿಂದ ಭಾರತದಲ್ಲಿ ಮಕ್ಕಳ ಸಾವು: ಜಾಗತಿಕ ಎಚ್ಚರಿಕೆ ನೀಡಿದ WHO!

ಮಹಾಘಟಬಹನ್ಹನ್​ ಅಭ್ಯರ್ಥಿಗಳ ಘೋಷಣೆ ಪ್ರಕ್ರಿಯೆ ಇನ್ನೂ ಮುಗಿದಿಲ್ಲ. ಆದರಿಂದ ಔಪಚಾರಿಕ ಪಟ್ಟಿ ಬಿಡುಗಡೆ ಆಗುವವರೆಗೂ ನಾವು ಕಾಯುತ್ತಿದ್ದೇವೆ. ಹಾಗೆಯೇ ದಿವ್ಯಾ ಅವರು ಬುಧವಾರ (ಅ.15) ನಾಮಪತ್ರ ಸಲ್ಲಿಸುವ ಎಲ್ಲಾ ಸಾಧ್ಯತೆಗಳಿವೆ ಎಂದು ಸಿಪಿಐನ ಹಿರಿಯ ನಾಯಕ ಕುಮಾರ್ ಪರ್ವೇಜ್ ತಿಳಿಸಿದ್ದಾರೆ ಎಂದು ಡೆಕ್ಕನ್​ ಹೆರಾಲ್ಡ್​ ವರದಿ ಮಾಡಿದೆ.

ದಿವ್ಯಾ ಅವರ ಹಿನ್ನಲೆ ಏನು?

ದಿವ್ಯಾ ಪಾಟ್ನಾ ವಿಶ್ವವಿದ್ಯಾಲಯದಲ್ಲಿ ಸಮೂಹ ಸಂವಹನ ಪದವಿ ಪಡೆದಿದ್ದಾರೆ. ಅವರು ಕಾಲೇಜು ದಿನಗಳಿಂದಲೂ ರಾಜಕೀಯದಲ್ಲಿ ಪ್ರೇರಿತರಾಗಿದ್ದರು. ಇವರು 2012 ರಲ್ಲಿ ಆಲ್ ಇಂಡಿಯಾ ಸ್ಟೂಡೆಂಟ್ಸ್ ಅಸೋಸಿಯೇಷನ್ ​​(AISA) ಟಿಕೆಟ್‌ನಲ್ಲಿ ಪಾಟ್ನಾ ವಿಶ್ವವಿದ್ಯಾಲಯದ ವಿದ್ಯಾರ್ಥಿ ಒಕ್ಕೂಟ (PUSU) ಅಧ್ಯಕ್ಷರ ಚುನಾವಣೆಯಲ್ಲಿ ಸ್ಪರ್ಧಿಸಿ ಎರಡನೇ ಸ್ಥಾನ ಪಡೆದಿದ್ದರು.

ಇದನ್ನೂ ಓದಿ: ಫೋಟೋಶೂಟ್ ವೇಳೆ​ ಅಪ್ಪಿಕೊಂಡಿದ್ದಕ್ಕೆ ವರನಿಂದ 3 ಲಕ್ಷ ವಸೂಲಿ ಮಾಡಿದ ವಧು: ಕಾರಣ ಕೇಳಿದ್ರೆ ಹುಬ್ಬೇರೋದು ಖಚಿತ! Photoshoot

ರಾಜಕೀಯದ ಜೊತೆ ದಿವ್ಯಾ ಅವರ ಶೈಕ್ಷಣಿಕ ದಾಖಲೆಯು ಉತ್ತಮವಾಗಿದೆ. ತಮ್ಮ ಮೊದಲ ಪ್ರಯತ್ನದಲ್ಲೇ 64ನೇ ಬಿಹಾರ ಸಾರ್ವಜನಿಕ ಸೇವಾ ಆಯೋಗ (ಬಿಪಿಎಸ್‌ಸಿ) ಪರೀಕ್ಷೆಯಲ್ಲಿ ಉತ್ತೀರ್ಣರಾದರು. ಸರಬರಾಜು ನಿರೀಕ್ಷಕರ ಹುದ್ದೆಗೆ ಆಯ್ಕೆಯಾಗಿದ್ದರೂ ಕೂಡ ಆ ಕೆಲಸವನ್ನು ನಿರಾಕರಿಸಿದರು. ಪ್ರಸ್ತುತ ಅವರು ಪಿಎಚ್​ಡಿ ಪದವಿ ಪಡೆಯುತ್ತಿದ್ದಾರೆ.

ದಿಘಾ ಸ್ಥಾನ ಮತ್ತು ಚುನಾವಣಾ ಸಂದರ್ಭ

ದಿಘಾ ಕ್ಷೇತ್ರದಲ್ಲಿ ಪ್ರಸ್ತುತ ಎನ್​ಡಿಎದೊಳಗಿನ ಬಿಜೆಪಿ ವಶದಲ್ಲಿದೆ. 2020ರಲ್ಲಿ ನಡೆದ ಚುನಾವಣಾ ಸಂದರ್ಭದಲ್ಲಿ ಬಿಜೆಪಿಯ ಸಂಜೀವ್ ಚೌರಾಸಿಯಾ 97,044 ಮತಗಳನ್ನು ಗಳಿಸುವ ಮೂಲಕ ಈ ಸ್ಥಾನವನ್ನು ಪಡೆದುಕೊಂಡಿದ್ದರು. ಇನ್ನು ಸಿಪಿಐನ ಶಶಿ ಯಾದವ್ 50,971 ಮತಗಳನ್ನು ಗಳಿಸುವ ಮೂಲಕ ಎರಡನೇ ಸ್ಥಾನ ಪಡೆದಿದ್ದರು.

ಈ ವರ್ಷದ ಚುನಾವಣೆಗೆ ಎನ್‌ಡಿಎ ತನ್ನ ಸೀಟು ಹಂಚಿಕೆ ಸೂತ್ರವನ್ನು ಅಂತಿಮಗೊಳಿಸಿದ ನಂತರ, ಮಹಾಮೈತ್ರಿಕೂಟವು ಹಂಚಿಕೆಯಾದ ಸೀಟುಗಳ ಬಗ್ಗೆ ಮಾತುಕತೆ ನಡೆಸಿದೆ. ಇನ್ನು ಈ ವ್ಯವಸ್ಥೆಯೊಳಗೆ ಸಿಪಿಐ ದಿಘಾ ಸ್ಥಾನವನ್ನು ಪಡೆದುಕೊಂಡಿದ್ದು, ದಿವ್ಯಾ ಗೌತಮ್ ಅವರನ್ನು ತನ್ನ ಅಭ್ಯರ್ಥಿಯಾಗಿ ಕಣಕ್ಕಿಳಿಸಿದೆ.

ಬಿಹಾರ ಚುನಾವಣೆ ನವೆಂಬರ್ 6 ಮತ್ತು 11 ರಂದು ಎರಡು ಹಂತಗಳಲ್ಲಿ ನಡೆಯಲಿದ್ದು, ನವೆಂಬರ್ 14 ರಂದು ಮತ ಎಣಿಕೆ ನಡೆಯಲಿದೆ. (ಏಜೆನ್ಸೀಸ್​)

https://www.vijayavani.net/indian-army-foils-infiltration-bid-along-loc-in-kupwara-2-terrorists-neutralised