ಫಿನಾಲೆಗೆ ನಾಲ್ವರ ನಡುವೆ ಟಫ್​ ಫೈಟ್​​; ಗೆದ್ದವರಿಗೆ ಟಿಕೆಟ್​ ಕೊಡಲು BiggBoss ಮನೆಗೆ ಎಂಟ್ರಿ ಕೊಟ್ಟ ಸೆಲೆಬ್ರಿಟಿಗಳು

ಬೆಂಗಳೂರು: ಕನ್ನಡದ ಜನಪ್ರಿಯ ರಿಯಾಲಿಟಿ ಶೋ ಬಿಗ್​ಬಾಸ್ (BiggBoss)​ ಮುಕ್ತಾಯದ ಹಂತ ತಲುಪಿದ್ದು, ಜನವರಿ 26ಕ್ಕೆ ಗ್ರ್ಯಾಂಡ್​ ಫಿನಾಲೆ ನಡೆಯಲಿದೆ. ಇನ್ನೂ ಟಾಸ್ಕ್​ ವಿಚಾರಕ್ಕೆ ಬರುವುದಾದರೆ ಸ್ಫರ್ಧಿಗಳು ಫಿನಾಲೆಯ ಟಿಕೆಟ್​ ಪಡೆಯಲು ನಾ ಮುಂದು, ತಾ ಮುಂದು ಎಂಬಂತೆ ಹೋರಾಡುತ್ತಿದ್ದು, ದಿನ ಕಳೆದಂತೆ ಶೋ ರೋಚಕತೆ ಹೆಚ್ಚಿಸುತ್ತಿದೆ.

ಇರುವ 9 ಸ್ಫರ್ಧಿಗಳ ಪೈಕಿ ನಾಲ್ವರು ಫಿನಾಲೆಯ ಟಿಕೆಟ್​ಅನ್ನು ಪಡೆದುಕೊಂಡಿದ್ದು, ಇದನ್ನು ಕೊಡಲು ಬಿಗ್​ಬಾಸ್​ ಮನೆಗೆ ಸೆಲೆಬ್ರಿಟಿಗಳು ಆಗಮಿಸಿದ್ದಾರೆ. ಟಿಕೆಟ್ ಟು ಫಿನಾಲೆ ಟಾಸ್ಕ್​ಗೆ ಕ್ಯಾಪ್ಟನ್ ರಜತ್, ಭವ್ಯ, ಹನುಮಂತು ಹಾಗೂ ತ್ರಿವಿಕ್ರಮ್​ ​ಆಯ್ಕೆಯಾಗಿದ್ದು, ಗೆದ್ದವರಿಗೆ ಫಿನಾಲೆ ಟಿಕೆಟ್​ ಕೊಡಲು ಅದಿತಿ ಪ್ರಭುದೇವ ಹಾಗೂ ಶರಣ್ ಬಿಗ್​ಬಾಸ್​ (BiggBoss) ಮನೆಗೆ ಆಗಮಿಸಿದ್ದಾರೆ. ಯಾರಾಗ್ತಾರೆ ನೇರವಾಗಿ ಫಿನಾಲೆ ತಲುಪೋ ಅದೃಷ್ಟಶಾಲಿ ಸ್ಪರ್ಧಿ? ಎಂಬ ಶೀರ್ಷಿಕೆಯಡಿ ಪ್ರೋಮೋವನ್ನು ರಿಲೀಸ್​ ಮಾಡಲಾಗಿದೆ.

ಬಿಡುಗಡೆಯಾಗಿರುವ ಪ್ರೋಮೋ ನೋಡುವುದಾದರೆ ರಜತ್, ಹನುಮಂತ, ಭವ್ಯ ಹಾಗೂ ತ್ರಿವಿಕ್ರಮ್ ಪೈಕಿ ಒಬ್ಬರಿಗೆ ಇಂದಿನ ಸಂಚಿಕೆಯಲ್ಲಿ ಗ್ರ್ಯಾಂಡ್ ಫಿನಾಲೆ ಟಿಕೆಟ್​ ಸಿಕ್ಕಿದೆ. ಸದ್ಯ ನೀಡಲಾಗಿರುವ ಟಾಸ್ಕ್​ ವಿಚಾರಕ್ಕೆ ಬರುವುದಾದರೆ ನಾಲ್ವರು ಸ್ಪರ್ಧಿಗಳು ಎಷ್ಟು ವೇಗವಾಗಿ, ಚೆನ್ನಾಗಿ, ಯಾವುದೇ ರೂಲ್ ಬ್ರೇಕ್ ಮಾಡದಂತೆ ಕಡಿಮೆ ಅವಧಿಯಲ್ಲಿ ಮುಗಿಸುತ್ತಾರೋ ಅವರಿಗೆ ಫಿನಾಲೆ ಬಾಗಿಲು ಓಪನ್ ಆಗಿರುತ್ತದೆ. ಇದಲ್ಲದೆ ಎಲಿಮಿನೇಷನ್​ ವಿಚಾರಕ್ಕೆ ಬರುವುದಾದರೆ ಈ ವಾರ ಇಬ್ಬರು ಮನೆಯಿಂದ ಎಲಿಮಿನೇಟ್​ ಆಗುತ್ತಾರೆ ಎಂದು ಹೇಳಲಾಗಿದ್ದು, ವಾರಾಂತ್ಯದಲ್ಲಿ ಸುದೀಪ್​ ಅವರು ನಡೆಸಿಕೊಡುವ ಕಿಚ್ಚನ ಪಂಚಾಯಿತಿಯಲ್ಲಿ ಅಂತಿಮ ಚಿತ್ರಣ ಹೊರಬೀಳಲಿದೆ.

ಭರಪೂರ ಮನರಂಜನೆಯ ಜೊತೆಗೆ ವಿವಾದಗಳನ್ನು ಹುಟ್ಟು ಹಾಕುವ ಬಿಗ್​ಬಾಸ್​ (BiggBoss), ಕಿರುತೆರೆ ಲೋಕದ ಜನಪ್ರಿಯ ಶೋಗಳಲ್ಲಿ ಒಂದೆಂದರೆ ತಪ್ಪಾಗಲಾರದು. ಪ್ರೀತಿ, ಸ್ನೇಹ ಸಂಬಂಧಗಳಿಗೆ ಈ ಶೋ ಬೆಸುಗೆಯಾಗುತ್ತದೆ. ಇಲ್ಲಿ ನಗು, ಕಣ್ಣೀರು, ಕೋಪ, ಮುನಿಸು ಮತ್ತು ಮನಸ್ತಾಪಗಳ ಮಿಶ್ರಣವು ಇದೆ. ಟಾಸ್ಕ್​ ನೀಡುವುದರ ಜೊತೆಗೆ ಜೀವನದ ಪಾಠವನ್ನು ಹೇಳಲಾಗುತ್ತದೆ. ಎಲ್ಲದಕ್ಕಿಂತ ಹೆಚ್ಚಾಗಿ ವಾರದ ಕೊನೆಯಲ್ಲಿ ನಟ ಕಿಚ್ಚ ಸುದೀಪ್​ ಸರಿ-ತಪ್ಪುಗಳ ತಿದ್ದುವಿಕೆ ಶೋಗೆ ಹೊಸ ಆಯಾಮವನ್ನು ತಂದುಕೊಡುತ್ತದೆ. ಈ ಎಲ್ಲ ಕಾರಣಗಳಿಂದ ಈ ಶೋ ವಿಶೇಷ ಎನಿಸಿಕೊಂಡಿದ್ದು, ಕಿರುತೆರೆ ಲೋಕದಲ್ಲಿ ಸಿಕ್ಕಾಪಟ್ಟೆ ಜನಪ್ರಿಯತೆ ಪಡೆದುಕೊಂಡಿದೆ.

https://www.vijayavani.net/after-chahal-manish-pandey-and-ashrita-shetty-stir-divorce-rumors-by-unfollowing-each-other-on-instagram

https://www.vijayavani.net/denied-salary-hike-employee-steals-%e2%82%b96-lakh-cash-wearing-helmet-arrested-after-police-scrutinise-over-100-cctv-cameras