Bigg Boss Kannada 13: ಬಿಗ್ ಬಾಸ್ ಕನ್ನಡ ಸೀಸನ್ 13ರ 6ನೇ ವಾರ ಮುಗಿದಿದ್ದು, ಅಗ್ನಿಪರೀಕ್ಷೆ ಟಾಸ್ಕ್ ಮೂಲಕ ವೈಲ್ಡ್ ಕಾರ್ಡ್ ಎಂಟ್ರಿ ಪಡೆದಿದ್ದ ಲಕ್ಷ್ಮಿ ಗೌಡ ಕಡಿಮೆ ವೋಟ್‌ಗಳಿಂದಾಗಿ ಎಲಿಮಿನೇಟ್ ಆಗಿದ್ದಾರೆ. ಸದ್ಯ ದೊಡ್ಮನೆಯಿಂದ ಆಚೆ ಬಂದಿರುವ ಲಕ್ಷ್ಮಿ ಗೌಡ, ಹೇಳಿಕೆ ಮೂಲಕ ಸಖತ್ ವೈರಲ್ ಆಗಿದ್ದಾರೆ.
ಬಿಗ್ ಬಾಸ್‌ನಿಂದ ಆಚೆ ಬಂದ ಮೇಲೆ ಸಿಗೋ ಕ್ರೇಜ್‌ಗೆ ತಕ್ಕಂತೆ ಲಕ್ಷ್ಮಿ ಕೂಡ ಸಾಲು ಸಾಲು ಮೀಡಿಯಾಗಳಿಗೆ ಇಂಟರ್ವ್ಯೂ ಕೊಡುತ್ತಿದ್ದು, ಹಲವು ರಹಸ್ಯಗಳನ್ನು ಬಿಚ್ಚಿಡುತ್ತಿದ್ದಾರೆ. ಇತ್ತೀಚೆಗೆ ಯೂಟ್ಯೂಬ್ ಚಾನೆಲ್‌ ಒಂದಕ್ಕೆ ನೀಡಿದ ಸಂದರ್ಶನದಲ್ಲಿ ಲಕ್ಷ್ಮಿ ಗೌಡ, ಬಿಗ್ ಬಾಸ್ ಮನೆಯ ಹೈಲೈಟ್ ಸ್ಪರ್ಧಿ ಕುಮಾರಿ ಬಗ್ಗೆ ಬಾಂಬ್ ಸಿಡಿಸಿದ್ದಾರೆ.
ಕುಮಾರಿ ಸ್ನಾನವೇ ಮಾಡಲ್ಲ, ಅನ್‌ಹೈಜಿನಿಕ್
ಸಂದರ್ಶನದಲ್ಲಿ ಆಂಕರ್ ‘ಮನೆಯಲ್ಲಿ ಅತ್ಯಂತ ಅನ್‌ಹೈಜಿನಿಕ್ (ಅಶುಚಿ) ವ್ಯಕ್ತಿ ಯಾರು?’ ಎಂದು ಕೇಳಿದ್ದಕ್ಕೆ ಲಕ್ಷ್ಮಿ ತಟ್ಟನೆ ಕುಮಾರಿ ಹೆಸರನ್ನು ಹೇಳಿದ್ದಾರೆ. ‘ಕುಮಾರಿ ಬಿಗ್ ಬಾಸ್ ಮನೆಯಲ್ಲಿ ಸರಿಯಾಗಿ ಸ್ನಾನವೇ ಮಾಡಲ್ಲ. ಆಕೆ ಅಪರೂಪಕ್ಕೊಮ್ಮೆ ಸ್ನಾನ ಮಾಡಿದರೆ ಮನೆಯವರೆಲ್ಲಾ ಹಬ್ಬದಂತೆ ಸಂಭ್ರಮಿಸುತ್ತಾರೆ. ಆಕೆಯ ನಡವಳಿಕೆ ನೋಡಿ ನನಗಂತೂ ಅಸಹ್ಯ ಅನಿಸಿತು’ ಎಂದು ಲಕ್ಷ್ಮಿ ಗೌಡ ಗಂಭೀರ ಆರೋಪ ಮಾಡಿದ್ದಾರೆ.
