ಎಂಎಸ್ಎಂಇ ಹಾಗೂ ಸ್ಟಾರ್ಟಪ್ಸ್ ಕೇಂದ್ರಿತವಾಗಿ ಈ ಸಮೀಕ್ಷೆ ನಡೆದಿದ್ದು, ಕೋವಿಡ್-19 ಹಾವಳಿ ಬಳಿಕದ ಸ್ಥಿತಿಗಳ ಕುರಿತು ಕೇಳಲಾಗಿದೆ. ಆ ಪೈಕಿ ಶೇ. 25 ಮಂದಿ ತಮ್ಮ ಸಂಸ್ಥೆಗಳನ್ನೇ ಮುಚ್ಚಿದ್ದು, ಶೇ. 15 ಮಂದಿ ಕೆಲಸಗಾರರ ಸಂಖ್ಯೆಯನ್ನು ಶೇ. 50ಕ್ಕೆ ಇಳಿಸಿದ್ದಾಗಿ ಹೇಳಿದ್ದಾರೆ. ಶೇ. 19 ಮಂದಿ ತಮ್ಮ ಕೆಲಸಗಾರರ ಸಂಖ್ಯೆಯನ್ನು ಶೇ. 25ರಿಂದ 50ರಷ್ಟು ಕಡಿತಗೊಳಿಸಿದ್ದಾಗಿ ಹಾಗೂ ಇನ್ನೊಂದು ಶೇ. 19 ಮಂದಿ ಶೇ. 25ರವರೆಗೆ ಕೆಲಸಗಾರರ ಸಂಖ್ಯೆಯನ್ನು ಇಳಿಸಿದ್ದಾಗಿ ಹೇಳಿದೆ. ಮತ್ತೊಂದೆಡೆ ಶೇ. 6 ಮಂದಿ ತಮ್ಮ ಕೆಲಸಗಾರರ ಸಂಖ್ಯೆ ಹೆಚ್ಚಿಸಿಕೊಂಡಿದ್ದರೆ, ಶೇ. 16 ಮಂದಿ ಕೋವಿಡ್ ಮುಂಚೆ ಇದ್ದಷ್ಟೇ ಕೆಲಸಗಾರರನ್ನು ಉಳಿಸಿಕೊಂಡಿದ್ದಾಗಿ ಹೇಳಿದ್ದಾರೆ.
