ಪ್ಯಾರಿಸ್ನಿಂದ ಭಾರತಕ್ಕೆ ಮರಳಿದ ಪಂಜಾಬ್ ಸಿಎಂ ಭಗವಂತ್ ಮಾನ್ ಅವರನ್ನು ದೆಹಲಿಯ ಇಂದಿರಾ ಗಾಂಧಿ ಅಂತರರಾಷ್ಟ್ರೀಯ ವಿಮಾನ ನಿಲ್ದಾಣದಲ್ಲಿ ಮೂರು ಗಂಟೆಗಳ ಕಾಲ ತಡೆಹಿಡಿಯಲಾಗಿದೆ ಮತ್ತು 50 ಸಾವಿರ ದಂಡ ವಿಧಿಸಲಾಗಿದೆ ಎಂದು ಆಮ್ ಆದ್ಮಿ ಪಕ್ಷವು ಆರೋಪಿಸಿದೆ.
ಕೇಂದ್ರ ಸರ್ಕಾರದ 'ಮೇಲಿನ ಒತ್ತಡದಿಂದ' ಪಂಜಾಬ್ ಸಿಎಂ ಭಗವಂತ್ ಮಾನ್ ಅವರನ್ನು ದೆಹಲಿ ಏರ್ಪೋರ್ಟ್ನಲ್ಲಿ ತಡೆಹಿಡಿಯಲಾಗಿದೆ. ಅಲ್ಲದೆ ಭಗವಂತ್ ಮಾನ್ ಅವರಿಗೆ 50,000 ರೂಪಾಯಿಗಳ ಚಲನ್ (ದಂಡ) ವಿಧಿಸಿದ್ದಾರೆ ಎಂದು ಎಎಪಿ ಆರೋಪಿಸಿದೆ. ಪಂಜಾಬ್ ಸಿಎಂ ಅವರನ್ನು ತಡೆಹಿಡಿದಿದ್ಯಾಕೆ, ದಂಡ ವಿಧಿಸಿದ್ದು ಯಾಕೆ ಎನ್ನುವ ಬಗ್ಗೆ ಯಾವುದೇ ಮಾಹಿತಿಯನ್ನು ಪಕ್ಷ ಹಂಚಿಕೊಂಡಿಲ್ಲ.
ಬಲ್ತೇಜ್ ಪನ್ನು ಹೇಳಿದ್ದಿಷ್ಟು
ಪಂಜಾಬ್ ಎಎಪಿ ಮಾಧ್ಯಮ ಉಸ್ತುವಾರಿ ಬಲ್ತೇಜ್ ಪನ್ನು, ಸಿಎಂ ಭಗವಂತ್ ಮಾನ್ ಅವರು ಪ್ಯಾರಿಸ್ ಪ್ರವಾಸ ಮುಗಿಸಿ ದೆಹಲಿ ವಿಮಾನ ನಿಲ್ದಾಣಕ್ಕೆ ಬಂದಾಗ ನಿಮ್ಮ ಲಗೇಜ್ ಇನ್ನೂ ಬರುತ್ತಿದೆ. ಲಗೇಜ್ ಪರಿಶೀಲನೆ ನಡೆಯುತ್ತಿದೆ ಎಂಬ ಸಬೂಬು ಹೇಳಿ ಉದ್ದೇಶ ಪೂರ್ವಕವಾಗಿ ಅವರನ್ನು ಮೂರು ಗಂಟೆ ತಡೆಹಿಡಿದಿದ್ದಾರೆ. ಇದು ಶುದ್ಧ ಸುಳ್ಳು ಮತ್ತು ಪಂಜಾಬ್‌ಗೆ ಮಾಡಿದ ಅವಮಾನ ಎಂದು ಕಿಡಿಕಾರಿದರು.
ಕೇಂದ್ರದಿಂದ ಒತ್ತಡ
ಅವರು ಲಗೇಜ್ಗಳನ್ನು ಕಾರಿನಲ್ಲಿ ಇರಿಸಿ ಹೊರಡಲು ಸಿದ್ಧರಾದಾಗ ಅವರಿದ್ಧ ಸ್ಥಳಕ್ಕೆ ಓಡಿ ಬಂದ ಅಧಿಕಾರಿಗಳು ನಾವು ಮೇಲಿನಿಂದ ಭಾರಿ ಒತ್ತಡದಲ್ಲಿದ್ದೇವೆ ಎಂದು ಹೇಳಿ 50,000 ರೂ. ದಂಡ ವಿಧಿಸಿದರು. ಅಂದರೆ ಈ ಎಲ್ಲ ಹೈಡ್ರಾಮಾವು ಮೇಲಿನಿಂದ ಬಂದ ಆದೇಶದ ಮೇರೆಗೆ ನಡೆದಿದೆ ಎಂಬುದು ಸಾಬೀತಾಗಿದೆ' ಎಂದು ಪನ್ನು ಹೇಳಿದರು.
ಭಗವಂತ್ ಮಾನ್ ಅವರು ವಿಶ್ವದ ಎರಡನೇ ಅತಿದೊಡ್ಡ ಆಹಾರ ಉತ್ಸವದಲ್ಲಿ ಪಂಜಾಬ್‌ನ ಪ್ರಸಿದ್ಧ ಉತ್ಪನ್ನಗಳನ್ನು ಪರಿಚಯಿಸಲು ಪ್ಯಾರಿಸ್ಗೆ ತೆರಳಿದ್ದರು. ಹೈಕೋರ್ಟ್ ಸ್ಪಷ್ಟವಾಗಿ ನಿರ್ದೇಶನ ನೀಡಿದ್ದರೂ, ಮುಖ್ಯಮಂತ್ರಿ ವಿಚಾರದಲ್ಲಿ ಕಾನೂನು ಪಾಲನೆಯಾಗಿಲ್ಲ ಎಂದು ಆರೋಪಿಸಿದರು.
ಇದನ್ನೂ ಓದಿ: ಮುಂಬರುವ ಪಂಜಾಬ್ ಚುನಾವಣೆಯಲ್ಲಿ ಬಿಜೆಪಿಗೆ ಒಂದೆರಡು ಸ್ಥಾನಗಳು ಮಾತ್ರ ಸಿಗಲಿವೆ; ಸಿಎಂ ಭಗವಂತ್ ಮಾನ್ ಭವಿಷ್ಯ | CM Bhagwant Mann
ಸಿಎಂಗೆಎ ಅವಮಾನ
ಮುಖ್ಯಮಂತ್ರಿಯೊಬ್ಬರಿಗೆ 50 ಸಾವಿರ ದಂಡದ ಚಲನ್ ನೀಡಿ ಅವಮಾನ ಮಾಡಿರುವುದು ಇದೇ ಮೊದಲು. ದೇಶದ ಯಾವುದೇ ರಾಜ್ಯದ ಮುಖ್ಯಮಂತ್ರಿಯನ್ನು ಈ ರೀತಿ ವಿಮಾನ ನಿಲ್ದಾಣದಲ್ಲಿ ಮೂರು ಗಂಟೆಗಳ ಕಾಲ ತಡೆದಿರುವ ಉದಾಹರಣೆ ಇದೆಯೇ?. ಭಗವಂತ್ ಮಾನ್ ಅವರು ಪಂಜಾಬಿ ಆಗಿರುವುದು ಮತ್ತು ರಾಜ್ಯದ ಅಭಿವೃದ್ಧಿಗೆ ಶ್ರಮಿಸುತ್ತಿರುವುದು ಬಿಜೆಪಿಗರಿಗೆ ಸಹಿಸಲು ಆಗುತಿಲ್ಲ ಎಂದು ಎಎಪಿ ನಾಯಕರು ಗುಡುಗಿದ್ದಾರೆ.
