ಇಂಡಿಗೋ ವಿಮಾನದ ಮೇಲೆ ಜೇನುನೊಣಗಳ ದಾಳಿ; ಟೇಕ್-ಆಫ್ ವಿಳಂಬ| Indigo Airlines

ಸೂರತ್‌ ವಿಮಾನ ನಿಲ್ದಾಣದಿಂದ ಸಂಜೆ 4:20ಕ್ಕೆ ಜೈಪುರಕ್ಕೆ ಹೊರಡಬೇಕಿದ್ದ ಇಂಡಿಗೋ ವಿಮಾನ 6E-7485 ಟೇಕ್‌ಆಫ್‌ಗೆ ಸಿದ್ಧವಾಗಿತ್ತು. ಪ್ರಯಾಣಿಕರು ವಿಮಾನವನ್ನು ಹತ್ತಿ ಕುಳಿತಿದ್ದರು. ಆದರೆ ವಿಮಾನದ ಹಿಂಭಾಗದ ಲಗೇಜ್ ಹೋಲ್ಡ್‌ನ ಸುತ್ತಲೂ ಜೇನುನೊಣಗಳ ದೊಡ್ಡ ಗುಂಪು ಕುಳಿತಿದ್ದನ್ನು ಅಲ್ಲಿನ ಸಿಬ್ಬಂದಿ ಗಮನಿಸಿದ್ದಾರೆ.

ಸೂರತ್ : ಸೋಮವಾರ (07) ಸಂಜೆ ಸೂರತ್​ನಿಂದ ಜೈಪುರಕ್ಕೆ ಹೋಗುತ್ತಿದ್ದ ಇಂಡಿಗೋ ವಿಮಾನದ ಮೇಲೆ ಜೇನುನೊಣಗಳ ಗುಂಪು ದಾಳಿ ಮಾಡಿದ ಪರಿಣಾಮ ವಿಮಾನ ಹಾರಟದಲ್ಲಿ ಒಂದು ಗಂಟೆ ವಿಳಂಬವಾಗಿದೆ.

ಇದನ್ನೂ ಓದಿ: ಲೈಂಗಿಕ ಕಿರುಕುಳ ಆರೋಪ; ಆರ್‌ಸಿಬಿ ಕ್ರಿಕೆಟಿಗ ಯಶ್ ದಯಾಳ್ ವಿರುದ್ಧ ಎಫ್‌ಐಆರ್ ದಾಖಲು| FIR

ಸದ್ಯ ಸ್ಥಳಕ್ಕೆ ಅಗ್ನಿಶಾಮಕದಳ ಸಿಬ್ಬಂದಿ ಧಾವಿಸಿ, ಜೇನು ನೊಣಗಳು ಕುಳಿತಿದ್ದ ಸ್ಥಳದ ಮೇಲೆ ನೀರನ್ನು ಸಿಂಪಡಿಸಿದ ಬಳಿಕ ಜೇನುನೊಣಗಳು ಆ ಸ್ಥಳದಿಂದ ಚದುರಿದವು ಎಂದು ಹೇಳಲಾಗಿದೆ.

ನಂತರ ಇಂಡಿಗೋ ಸಿಬ್ಬಂದಿ ಮತ್ತು ವಿಮಾನ ನಿಲ್ದಾಣದ ಅಧಿಕಾರಿಗಳು ಸಮನ್ವಯ ಸಾಧಿಸಿ, ಜೇನುನೊಣಗಳಿಗೆ ಹಾಗೂ ವಿಮಾನಕ್ಕೆ ತಾಂತ್ರಿಕ ಹಾನಿಯಾಗದಂತೆ ಅವುಗಳನ್ನು ಸುರಕ್ಷಿತವಾಗಿ ಸ್ಥಳಾಂತರಗೊಳಿಸಿದ್ದಾರೆ. ಸಂಜೆ 4:20 ಕ್ಕೆ ಹೊರಡಬೇಕಿದ್ದ ವಿಮಾನ, ಅಂತಿಮವಾಗಿ ಸಂಜೆ 5:26 ಕ್ಕೆ, ನಿಗದಿತ ಸಮಯಕ್ಕಿಂತ ಒಂದು ಗಂಟೆ ತಡವಾಗಿ ಹೊರಟಿದೆ.

ಇದನ್ನೂ ಓದಿ: ಪುರುಷರಿಗೆ ಹೋಲಿಸಿದರೆ ಮಹಿಳೆಯರಲ್ಲಿ ಹೃದಯಾಘಾತದ ಲಕ್ಷಣಗಳನ್ನು ಗುರುತಿಸುವುದೇಗೆ? Heart attack

(ಏಜೆನ್ಸೀಸ್)

ಇನ್ನೂ ಸೂರತ್ ವಿಮಾನ ನಿಲ್ದಾಣದಲ್ಲಿ ಜೇನುನೊಣಗಳ ಹಿಂಡಿನಿಂದಾಗಿ ಇಂಡಿಗೊ ವಿಮಾನದ ವಿಳಂಬವು ಅಪರೂಪದ ಘಟನೆಯಾಗಿದೆ. ಜೇನುನೊಣಗಳ ಹಿಂಡು ವಿಮಾನದ ಸರಕು ಬಾಗಿಲಿನ ಮೇಲೆ ಕುಳಿತಿರುವ ವೀಡಿಯೊ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದೆ.

ಈ ಘಟನೆಯ ಬಗ್ಗೆ ಇಂಡಿಗೋ ಸಂಸ್ಥೆ ಯಾವುದೇ ಅಧಿಕೃತ ಹೇಳಿಕೆಯನ್ನು ನೀಡಿಲ್ಲ. ಆದರೆ, ಮೂಲಗಳ ಪ್ರಕಾರ, ಮಳೆಗಾಲದ ತಿಂಗಳುಗಳಾದ್ದರಿಂದ ಜೇನುನೊಣಗಳ ಹಿಂಡುಗಳು ಸಾಮಾನ್ಯವಾಗಿ ಕಂಡುಬಂದಿವೆ ಎಂದು ಹೇಳಲಾಗಿದೆ.

https://www.vijayavani.net/two-nigerian-nationals-arrested-for-selling-drugs-narcotics-worth-rs-4-5-crore-seized-drug-sage