BBKS10: ಅವರವರ ಗತ್ತು ಅವರಿಗೆ ಗೊತ್ತು! ನಿಲ್ಲದ ಜಟಾಪಟಿಗೆ ಬೀಳುತ್ತ ಬ್ರೇಕ್?

ಬೆಂಗಳೂರು: ಬಿಗ್ ಬಾಸ್​ ಕನ್ನಡ ಸೀಸನ್​ 10 ಇದೀಗ 15ನೇ ವಾರದ ಅಂತ್ಯಕ್ಕೆ ತಲುಪಿದ್ದು, ಈ ಮಧ್ಯೆ ಮನೆಯೊಳಗೆ ಎಲಿಮಿನೇಟ್ ಆಗಿ ಹೋದ ಎಲ್ಲಾ ಸ್ಪರ್ಧಿಗಳು ಮರಳಿ ಬಂದಿದ್ದಾರೆ. ಈ ಮೂಲಕ ಫೈನಲ್ ಹಂತವನ್ನು ತಲುಪಿರುವ ಸದಸ್ಯರಿಗೆ ಪ್ರೋತ್ಸಾಹ ವ್ಯಕ್ತಪಡಿಸಿದ್ದಾರೆ. ಇದರ ಬೆನ್ನಲ್ಲೇ ಬಿಗ್ ಬಾಸ್​ ವಿಜೇತರಿಗೆ ಸಿಗಬೇಕಾದ 50 ಲಕ್ಷ ರೂ. ಹಣವನ್ನು ಪೂರ್ಣಗೊಳಿಸಲು ಒಂದೊಂದೇ ಕ್ಯಾಪ್ಟನ್ ಟಾಸ್ಕ್​ಗಳನ್ನು ಕೊಟ್ಟಿದ್ದಾರೆ. ಈ ನಡುವೆ ಆಯ್ಕೆ ಪ್ರಕ್ರಿಯೆಯಲ್ಲಿ ಉಂಟಾದ ಅಸಮಾಧಾನ ವಿಚಾರವಾಗಿ ವಿನಯ್ ಮತ್ತು ತುಕಾಲಿ ಮಧ್ಯೆ ಏಕವಚನದ ದಾಳಿ ನಡೆದಿದೆ.

ಇದನ್ನೂ ಓದಿ: Exclusive Face To Face With ಕಾಂಗ್ರೆಸ್ ವಕ್ತಾರೆ ಭವ್ಯ ನರಸಿಂಹಮೂರ್ತಿ! ಇಂದು ರಾತ್ರಿ 8 ಗಂಟೆಗೆ ವಿಜಯವಾಣಿ ಡಿಜಿಟಲ್​​ನಲ್ಲಿ ಮಾತ್ರ!

ವೋಟಿಂಗ್ ಎಂದು ಸ್ಟಾರ್ಟ್​ ಮಾಡ್ತೀರಾ, ಆ ನಂತರ ಯಾರಿಗೆ ಅವಕಾಶ ಸಿಕ್ಕಿಲ್ಲ ಅವರು ಆಡಲಿ ಎಂದು ಹೇಳ್ತೀರಾ, ಯಾಕಿಂಗೆ ಎಂದು ಸಂತೋಷ್ ಸಂಗೀತಾ ಅವರನ್ನು ನೇರವಾಗಿ ಪ್ರಶ್ನಿಸಿದ್ದಾರೆ. ಇದಕ್ಕೆ ಪ್ರತಿಕ್ರಿಯಿಸಿದ ವಿನಯ್​, ಜೋರಾಗಿ ಮಾತಾಡಬೇಡ ಎಂದು ಏರು ಧ್ವನಿಯಲ್ಲಿ ಹೇಳಿದ್ದಾರೆ.

ಮೊದಲ ದಿನದಿಂದ ನೀನು ಮಾಡಿಕೊಂಡು ಬಂದಿದ್ದೀಯಾ ಅಂತ ಗೊತ್ತಿದೆ ಎಂದು ವಿನಯ್ ಹೇಳಿದ್ದಾರೆ. ಇದಕ್ಕೆ ತಿರುಗೇಟು ಕೊಟ್ಟ ಸಂತೋಷ್, ವೋಟ್​ ಮೇಲೆ ಇದು ನಡೆಯಬೇಕು, ನೀನು ಏನ್ ಮಾಡ್ತಿಯಾ ಎಂದು ಕಿರುಚಿದ್ದಾರೆ. ಇದು ಮನೆಯ ವಾತಾವರಣವನ್ನು ಹಾಳು ಮಾಡಿದ್ದು, ಈ ಕಿತ್ತಾಟ ಯಾವ ಹಂತವನ್ನು ತಲುಪಿತು ಎಂಬುದನ್ನು ಇಂದಿನ ಸಂಚಿಕೆಯಲ್ಲಿ ತಿಳಿಯಬೇಕಿದೆ.

https://www.vijayavani.net/pregnant-women-requests-doc-to-get-delivered-on-jan-22