BBKS10: ಫೇಕ್​ ವೋಟಿಂಗ್​ ಬಗ್ಗೆ ಇಶಾನಿ ಕೊಟ್ಟ ಉತ್ತರ ಹೀಗಿದೆ!; ಇಲ್ಲಿದೆ ವಿಡಿಯೋ

ಬೆಂಗಳೂರು: ಆರನೇ ವಾರ ನಡೆದ ಡಬಲ್​ ಎಲಿಮಿನೇಷನ್​​ನಲ್ಲಿ ಬಿಗ್​ ಮನೆಯಿಂದ ಹೊರಬಂದ ಗಾಯಕಿ ಇಶಾನಿ, ವಿಜಯವಾಣಿ ನಡೆಸಿದ ವಿಶೇಷ ಸಂದರ್ಶನದಲ್ಲಿ ಭಾಗಿಯಾಗಿ, ಬಿಗ್​ಬಾಸ್​ ಮನೆಯೊಳಗಿನ ಹಲವಾರು ವಿಚಾರಗಳನ್ನು ಬಹಿರಂಗವಾಗಿ ಹಂಚಿಕೊಂಡರು. ಈ ವೇಳೆ ನಟಿ ಚಿತ್ರಲ್​ ಅವರು ನೀಡಿದ್ದ ಫೇಕ್​ ವೋಟಿಂಗ್​ ಹೇಳಿಕೆಗೆ ಇಶಾನಿ ತಮ್ಮ ಅಭಿಪ್ರಾಯವನ್ನು ಈ ರೀತಿ ವಿವರಿಸಿದ್ದಾರೆ.

ಇದನ್ನೂ ಓದಿ: ತುಮಕೂರಿನಲ್ಲಿ ಒಂದೇ ಕುಟುಂಬದ ಐದು ಮಂದಿ ಆತ್ಮಹತ್ಯೆ ಪ್ರಕರಣ; ಐವರು ಪೊಲೀಸ್ ವಶಕ್ಕೆ: ಸಚಿವ ಪರಮೇಶ್ವರ್

ಮೊದಲಿಗೆ ಬಿಗ್​ ಬಾಸ್​ ಮನೆಯ ಜರ್ನಿ ಚೆನ್ನಾಗಿದೆ ಎಂದ ಇಶಾನಿ, "ನಾನು ಒಂದಷ್ಟು ಹಾಡುಗಳನ್ನು ಮನೆಯಲ್ಲಿ ಹಾಡಬೇಕಿತ್ತು, ಹೆಚ್ಚಿನ ದಿನ ಮನೆಯಲ್ಲಿ ಉಳಿಯಬೇಕಿತ್ತು. ವಾಪಸ್​ ಹೋಗಬೇಕು ಅನಿಸುತ್ತಿದೆ" ಎಂದರು. ತದನಂತರ ಬಿಗ್​ ಬಾಸ್​ ಕಂಟೆಸ್ಟೆಂಟ್​ ಆಯ್ಕೆ ಪ್ರಕ್ರಿಯೆಯಲ್ಲಿ ಫೇಕ್​ ವೋಟಿಂಗ್​ ಇದೆ, ಅಲ್ಲಿ ರಿಯಲ್ ಆಡಿಯನ್ಸ್​ ಇರಲಿಲ್ಲ, ಜೂರಿ ಮೆಂಬರ್ಸ್, ಪತ್ರಕರ್ತರನ್ನು ಕೂರಿಸಬೇಕಿತ್ತು ಎಂದು ನಟಿ ಚಿತ್ರಲ್ ರಂಗಸ್ವಾಮಿ ಹೇಳಿದ್ದರು. ಈ ಬಗ್ಗೆ ನೀವೇನು ಹೇಳ್ತೀರಾ ಎಂಬ ಪ್ರಶ್ನೆಗೆ ಇಶಾನಿ ಉತ್ತರ ಹೀಗಿದೆ.

"ನನ್ನ ಪ್ರಕಾರ ನನಗೆ ಹಾಗೇನು ಅನಿಸಲಿಲ್ಲ. ನಾನು ನೋಡೋವಾಗ ಎಲ್ಲರೂ ಬಂದಿದ್ದರು, ಜೆನ್ಯೂನ್​ ಇದ್ದರು, ಅಪ್ಪ-ಅಮ್ಮ ಕೂಡ ಅಲ್ಲೇ ಕುಳಿತ್ತಿದ್ದರು. ಎಲ್ಲರೂ ವೋಟಿಂಗ್​ ಮಾಡಿದ್ರು, 84% ಮತ ಸಿಕ್ತು, ಆ ನಂತರ ಮನೆಯೊಳಗೆ ಹೋಗಲು ಆಯ್ಕೆಯಾದೆ" ಎಂದು ಹೇಳಿದರು. ಈ ಬಗ್ಗೆ ಇನ್ನು ಹೆಚ್ಚು ತಿಳಿಯಲು ಕೆಳಗಿನ ಸಂದರ್ಶನದ ವಿಡಿಯೋ ಮೇಲೆ ಕ್ಲಿಕ್ ಮಾಡಿ.