ಟ್ವಿಸ್ಟ್​ ಮೇಲೆ ಟ್ವಿಸ್ಟ್​! ನಾಲ್ವರು ಮೊದಲ ಫಿನಾಲೆಗೆ, ಉಳಿದವರೆಲ್ಲ ಹೊರಕ್ಕೆ​; ಹೊಸ ಸ್ಪರ್ಧಿಗಳಿಗೆ ಸ್ವಾಗತ? | BBK12

BBK12: ಕನ್ನಡ ಕಿರುತೆರೆ ಲೋಕದ ಅತಿದೊಡ್ಡ ರಿಯಾಲಿಟಿ ಶೋ ಬಿಗ್​ಬಾಸ್ ಕನ್ನಡ ಸೀಸನ್ 12 ಶುರುವಾಗಿ ಇಂದಿಗೆ ಮೂರು ವಾರಗಳು ಕಳೆದಿದ್ದು, ಮೊದಲ ಫಿನಾಲೆಗೆ ದಿನಗಣನೆ ಆರಂಭಗೊಂಡಿದೆ. ಎಂದಿನಂತೆ ಕಾರ್ಯಕ್ರಮವನ್ನು ನಟ, ನಿರೂಪಕ ಕಿಚ್ಚ ಸುದೀಪ್ ಅವರೇ ನಡೆಸಿಕೊಡುತ್ತಿರುವುದು ನೋಡುಗರಿಗೆ ಖುಷಿ ನೀಡಿದ್ದೇ ಆದರೂ ಈ ಬಾರಿಯ ಬಿಗ್ ಬಾಸ್​ ಸಖತ್ ಟ್ವಿಸ್ಟ್​ಗಳಿಂದ ಕೂಡಿರುವುದು ಸದ್ಯ ಭಾರೀ ಗೊಂದಲಕ್ಕೆ ಕಾರಣವಾಗಿದೆ.

ಟ್ವಿಸ್ಟ್​ಗಳಿಂದ ಕೂಡಿದೆ ಸೀಸನ್​ 12

ಆರಂಭದಲ್ಲಿ ಮನೆಯೊಳಗೆ ಒಟ್ಟು 19 ಸ್ಪರ್ಧಿಗಳು ಎಂಟ್ರಿಕೊಟ್ಟರು. ಆದರೆ, ಆಟದ ಗತ್ತು, ಗಮ್ಮತ್ತು ಮಾತ್ರ ಇಂದಿಗೂ ಕಾಣಿಸಿಲ್ಲ. ಈ ಬಗ್ಗೆ ಕಳೆದ ವಾರವಷ್ಟೇ ಸುದೀಪ್ ತಮ್ಮ 'ವಾರದ ಕಥೆ ಕಿಚ್ಚನ ಜೊತೆ' ಪಂಚಾಯಿತಿಯಲ್ಲಿ ಸ್ಪರ್ಧಿಗಳಿಗೆ ಸ್ಪಷ್ಟವಾಗಿ ತಿಳಿ ಹೇಳಿದರು. ಇದೀಗ ಮೊದಲ ಫಿನಾಲೆ ಈ ಭಾನುವಾರ ನಡೆಯಲಿದ್ದು, ಕೇವಲ ನಾಲ್ಕು ಮಂದಿ ಮಾತ್ರ ಈ ವೇದಿಕೆಗೆ ಕಾಲಿಡಲಿದ್ದಾರೆ. ಇನ್ನುಳಿದ ಅಷ್ಟು ಮಂದಿ ಎಲಿಮಿನೇಷನ್​ ಎಂಬ ತೂಗುಗತ್ತಿಯಲ್ಲಿ ಸಿಲುಕಿದ್ದಾರೆ.

ಸುಧೀ, ಅಶ್ವಿನಿ ಗೌಡ, ಮಾಳು ಮತ್ತು ರಾಶಿಕಾ ಫಿನಾಲೆ ಹಂತದಲ್ಲಿ ಸ್ಪರ್ಧಿಸಿದರೆ, ಚಂದ್ರಪ್ರಭ, ಅಶ್ವಿನಿ ಎಸ್​.ಎನ್​, ಕಾವ್ಯ, ಗಿಲ್ಲಿ, ಧ್ರುವಂತ್​, ಧನುಷ್​, ಸ್ಪಂದನ, ಮಂಜು ಭಾಷಿಣಿ, ರಕ್ಷಿತಾ ಶೆಟ್ಟಿ, ಸತೀಶ್​, ಮಲ್ಲಮ್ಮ, ಜಾಹ್ನವಿ ಮಿಡ್​ ವೀಕ್​ ಎಲಿಮಿನೇಷ್​ಗೆ ನಾಮಿನೇಟ್​ ಆಗಿದ್ದಾರೆ. ಇದರಲ್ಲಿ ಎಷ್ಟು ಜನ ಮನೆಯಿಂದ ಹೊರ ಹೋಗ್ತಾರೆ ಎಂಬುದು ಸ್ಪಷ್ಟವಿಲ್ಲ. ಕೆಲವೇ ಕೆಲವರು ಅಥವಾ ನಾಮಿನೇಟ್​ ಆದ ಅಷ್ಟೂ ಸ್ಪರ್ಧಿಗಳು ಎಲಿಮಿನೇಟ್​ ಆದರೂ ಅಚ್ಚರಿಯಿಲ್ಲ. ಇದಕ್ಕೆ ಕಾರಣ, ಈ ಹಿಂದೆಯೇ ಸುದೀಪ್​ ಅವರು ಕೊಟ್ಟಿರುವ ಮುನ್ಸೂಚನೆ.

ಹೊಸ ಸ್ಪರ್ಧಿಗಳು/ ವೈಲ್ಡ್​ ಕಾರ್ಡ್​ ಎಂಟ್ರಿ?

ಕಳೆದ ವಾರಗಳಲ್ಲಿ ಸುದೀಪ್​ ಮನೆ ಮಂದಿಗೆಲ್ಲ ತಮ್ಮ ದಿ ಬೆಸ್ಟ್ ಆಟವನ್ನು ಕೊಡಲು ಹೇಳಿದ್ದರು. ಕಾರಣ, ಇಲ್ಲಿ ನಿಮಗೆ ಹೆಚ್ಚಿನ ಸಮಯವಿಲ್ಲ. ಯಾರೂ ಯಾವಾಗ ಬೇಕಾದರೂ ಮನೆಯಿಂದ ಹೊರ ಹೋಗಬಹುದು, ಎಷ್ಟು ಸಂಖ್ಯೆಯಲ್ಲಿ ಬೇಕಾದ್ರೂ ಎಲಿಮಿನೇಟ್​ ಆಗಬಹುದು ಎಚ್ಚರಿಕೆ ಎಂದಿದ್ದರು.

ಅಂತೆಯೇ, ಫಿನಾಲೆ ಸ್ಪರ್ಧಿಗಳನ್ನು ಹೊರತುಪಡಿಸಿ, ಉಳಿದೆಲ್ಲರೂ ಎಲಿಮಿನೇಟ್​ ಆಗಬಹುದು. ಅವರ ಜಾಗಕ್ಕೆ ಹೊಸ ಎಂಟ್ರಿಗಳು ಬರಬಹುದು? ಎಂದು ಸುಳಿವು ನೀಡಿದ್ದರು. ಇದೆಲ್ಲವನ್ನೂ ಗಮನಿಸಿ, ನೋಡುವುದಾದರೆ ಈ ವಾರ ಹಲವು ಟ್ವಿಸ್ಟ್​ಗಳು ಬಿಗ್ ಮನೆಯ ಸದಸ್ಯರಿಗೆ ಮತ್ತು ವೀಕ್ಷಕರಿಗೆ ಕಾದಿದೆ ಎಂಬುದು ಖಚಿತ. ಏನಾಗಲಿದೆ ಎಂಬುದನ್ನು ಶನಿವಾರ ಮತ್ತು ಭಾನುವಾರ ನಡೆಯಲಿರುವ ಫಿನಾಲೆ ಸಂಚಿಕೆಯಲ್ಲಿ ಕಾದು ತಿಳಿಯೋಣ.

https://www.vijayavani.net/worlds-most-powerful-passport-index-released