ಏಜೆಂಟರ ಸಹಕಾರ: ಕೋಲ್ಕತ, ಪಾಟ್ನಾ, ಲಖನೌ, ಚಿಕನ್ನೆಕ್, ದಿಸ್ಪುರ್ ಸೇರಿ ವಿವಿಧ ಮಹಾನಗರಗಳಲ್ಲಿ ಬಾಂಗ್ಲಾ ನುಸುಳುಕೋರರಿಗೆ ಏಜೆಂಟರ ಸಹಕಾರವಿದೆ. ಬಾಂಗ್ಲಾದಿಂದ ಭಾರತಕ್ಕೆ ನುಸುಳಿ ಬಂದ ಬಳಿಕ ಕೇಳಿದಷ್ಟು ಹಣ ಕೊಟ್ಟರೆ ಅಂಥವರಿಗೆ ಅಕ್ರಮವಾಗಿ ಆಧಾರ್ ಕಾರ್ಡ್, ಚುನಾವಣಾ ಗುರುತಿನ ಚೀಟಿಗಳನ್ನು ಏಜೆಂಟರು ಮಾಡಿಸಿಕೊಡುತ್ತಾರೆ. ಕೆಲವರು ಯಾವ ಗುರುತಿನ ಚೀಟಿಯೂ ಇಲ್ಲದೆ ವಾಸವಾಗಿದ್ದಾರೆ ಎನ್ನಲಾಗಿದೆ. ಭಾಷೆಯ ಆಧಾರದಲ್ಲಿ ಮೂಲ ಬಾಂಗ್ಲನ್ನರನ್ನು ಗುರುತಿಸಬಹುದು. ಆದರೆ, ಕ್ರಮೇಣ ಅವರು ಸ್ಥಳೀಯರಂತೆಯೇ ಮಾತನಾಡುವುದನ್ನು ರೂಢಿಸಿಕೊಂಡು, ಉತ್ತರ ಭಾರತ ಮೂಲದವರು ಎಂದು ಹೇಳಿಕೊಳ್ಳುತ್ತಾರೆ. ಹೀಗಾಗಿ, ಹತ್ತಾರು ವರ್ಷದಿಂದ ಒಂದು ಪ್ರದೇಶದಲ್ಲಿ ವಾಸವಿರುವವರನ್ನು ಬಾಂಗ್ಲಾ ಮೂಲದವರೆಂದು ಪತ್ತೆ ಮಾಡುವುದು ಸವಾಲಾಗುತ್ತಿದೆ.
