ವಾರ್ಷಿಕ ರ್ಯಾಂಕಿಂಗ್ ಪ್ರಕಾರ, ಐಐಎಸ್ಸಿ ಬೆಂಗಳೂರು, ಜವಾಹರಲಾಲ್ ನೆಹರೂ ವಿಶ್ವವಿದ್ಯಾಲಯ (ಜೆಎನ್ಯುು) ಮತ್ತು ಬನಾರಸ್ ಹಿಂದು ವಿಶ್ವವಿದ್ಯಾಲಯ ಮೊದಲ ಮೂರು ಉನ್ನತ ವಿಶ್ವವಿದ್ಯಾಲಯಗಳಾಗಿವೆ. ಐಐಎಂ ಅಹಮದಾಬಾದ್ ಅತ್ಯುನ್ನತ ಬಿಜಿನೆಸ್ ಸ್ಕೂಲ್ ಎಂದು ಮಾನ್ಯವಾಗಿದ್ದು ನಂತರದ ಎರಡು ಸ್ಥಾನಗಳು ಐಐಎಂ ಬೆಂಗಳೂರು ಹಾಗೂ ಕೋಲ್ಕತಾ ಪಾಲಾಗಿವೆ. ಕಾಲೇಜುಗಳ ಪೈಕಿ ಮಿರಾಂಡಾ ಕಾಲೇಜ್, ಲೇಡಿ ಶ್ರೀರಾಮ್ ಮಹಿಳಾ ಕಾಲೇಜು ಮತ್ತು ಸೇಂಟ್ ಸ್ಟೀಫನ್ಸ್ ಕಾಲೇಜ್ ಮೊದಲ ಮೂರು ಸ್ಥಾನ ಗಳಿಸಿವೆ. ಎಂಜಿನಿಯರಿಂಗ್ ಶಿಕ್ಷಣ ವಿಭಾಗದಲ್ಲಿ ಮೊದಲ ಮೂರು ರ್ಯಾಂಕ್ ಐಐಟಿ-ಮದ್ರಾಸ್, ದೆಹಲಿ ಮತ್ತು ಮುಂಬೈ ಪಾಲಾಗಿವೆ. ಫಾರ್ಮಸಿ ಶಿಕ್ಷಣ ವಿಭಾಗದ ಮೊದಲ ಮೂರು ಸ್ಥಾನಗಳನ್ನು ದೆಹಲಿಯ ಹಮದರ್ದ್, ಚಂಡೀಗಢದ ಪಂಜಾಬ್ ವಿಶ್ವವಿದ್ಯಾಲಯ ಹಾಗೂ ಮೊಹಾಲಿ ರಾಷ್ಟ್ರೀಯ ಫಾರ್ವಸ್ಯುಟಿಕಲ್ ಸಂಶೋಧನಾ ಸಂಸ್ಥೆ ಪಡೆದಿವೆ.
