ದಿಢೀರ್​ ಕುಸಿದ ಬಾಲ್ಕನಿ; ಕೂದಲೆಳೆ ಅಂತರದಲ್ಲಿ ಪತ್ನಿ ಪಾರು, ಪತಿ ಸಾವು!

ಪಾಣಿಪತ್‌, ಹರಿಯಾಣ: ಬೈಕ್​ನಲ್ಲಿ ಹೋಗುತ್ತಿದ್ದ ಪತಿ ಹಾಗೂ ಪತ್ನಿ ಮೇಲೆ 80 ವರ್ಷ ಹಳೆಯ ಪಾಳುಬಿದ್ದ ಮನೆಯ ಮೇಲಾವರಣವು ದಿಢೀರ್​ ಕುಸಿದ ಪರಿಣಾಮ ಕೂದಲೆಳೆ ಅಂತರದಲ್ಲಿ ಮಹಿಳೆ ಪಾರಾಗಿದ್ದು, ಪತಿ ಸ್ಥಳದಲ್ಲೇ ಮೃತಪಟ್ಟ ಘಟನೆ ಪಾಣಿಪತ್‌ನ ಪಚ್ರಂಗ ಬಜಾರ್‌ನಲ್ಲಿ ವರದಿಯಾಗಿದೆ.

ಇದನ್ನೂ ಓದಿ: ಲಾರಿ-ಬೈಕ್​ ಡಿಕ್ಕಿ; ಇಬ್ಬರು ಮಕ್ಕಳು ಸೇರಿದಂತೆ ಐವರು ಸ್ಥಳದಲ್ಲೇ ಸಾವು

ಅಪಘಾತ ಸಂಭವಿಸುವ ವೇಳೆ ಮನೆಯನ್ನು ಕೆಡವಲಾಗುತ್ತಿತ್ತು ಎನ್ನಲಾಗಿದೆ. ಅವಶೇಷಗಳಡಿ ಸಿಲುಕಿ ಸ್ಥಳದಲ್ಲೇ ಸಾವನ್ನಪ್ಪಿದ ವ್ಯಕ್ತಿಯನ್ನು ಸುತನ ಗ್ರಾಮದ ಸುಶೀಲ್ ಎಂದು ಗುರುತಿಸಲಾಗಿದೆ. ಕಟ್ಟಡದ ಬಾಲ್ಕನಿ ಕುಸಿಯುವ ಕೆಲವೇ ಸಕೆಂಡ್​ಗಳಿಗೂ ಮುನ್ನ ಬೈಕ್​ನಿಂದ ಪತ್ನಿ ಜಿಗಿದಿದ್ದಾರೆ. ಸಣ್ಣ-ಪುಟ್ಟ ಗಾಯಗಳೊಂದಿಗೆ ಪಾರಾದ ಮಹಿಳೆ ತನ್ನ ಪತಿಯನ್ನು ಕಳೆದುಕೊಂಡಿದ್ದಾರೆ.

ವಾಹನ ದಟ್ಟಣೆಯಿರುವ ಮಾರುಕಟ್ಟೆಯಲ್ಲಿ ತಲ್ಲಣ ಮೂಡಿಸಿದ ಈ ಅವಘಡ ಸ್ಥಳೀಯ ಸಿಸಿಟಿವಿ ಕ್ಯಾಮರಾದಲ್ಲಿ ಸೆರೆಯಾಗಿದೆ. ಕೆಡವುವ ಸಂದರ್ಭದಲ್ಲಿ ಕಾರ್ಮಿಕರ ನಿರ್ಲಕ್ಷ್ಯವೇ ದುರಂತಕ್ಕೆ ಕಾರಣ ಎಂದು ಸ್ಥಳೀಯ ಅಂಗಡಿಯ ಮಾಲೀಕರು ಆರೋಪಿಸಿದ್ದಾರೆ,(ಏಜೆನ್ಸೀಸ್).

https://www.vijayavani.net/monkey-plays-with-cobra-like-a-toy-video-goes-viral