ಇನ್ನು ಪಿಪ್ಪಲಿ. ಇದು ಹಿಪ್ಪಲಿ ಎಂಬ ತ್ರಿಕಟು ವರ್ಗದಲ್ಲಿ ಬಳಸಲ್ಪಡುವ ಕಫಗ್ನ, ಕಾಸಹರ, ಶ್ವಾರಹರ ಮತ್ತು ಅಗ್ನಿಮಾಂದ ನಿವಾರಕವಾಗಿದೆ. ಇದು ಪುನರಾವರ್ತಿತ ಜ್ವರ, ವಿಷಮಜ್ವರ ಇತ್ಯಾದಿಗಳ ಚಿಕಿತ್ಸೆಗೆ ಬಳಸಲಾಗುತ್ತದೆ. ವೈರಾಣು ಸೋಂಕಿನಿಂದ ಉಂಟಾಗುವ ನೆಗಡಿ, ಕೆಮ್ಮು, ಕಫ ಇತ್ಯಾದಿ ಲಕ್ಷಣಗಳನ್ನು ನಿವಾರಿಸುವಲ್ಲಿ ಇದು ನಿರ್ಣಾಯಕ ಪಾತ್ರ ನಿರ್ವಹಿಸುತ್ತದೆ ಎಂದು ಹೇಳಿದ್ದಾರೆ.
ಯಷ್ಟಿಮಧು ಎಂದರೆ ಜೇಷ್ಠಮಧು. ಇದು ಗಂಟಲಿಗೆ ಸಂಬಂಧಿಸಿದ ರೋಗಗಳಾದ ಗಲಗ್ರಹ, ಗಂಟಲು ನೋವು, ಗಂಟಲು ಬಾವು, ನೆಗಡಿ, ಕೆಮ್ಮು, ಕಫ ಇತ್ಯಾದಿ ಲಕ್ಷಣಗಳಿಗೆ ಅತ್ಯಮೂಲ್ಯ ಔಷಧವಾಗಿದೆ. ಇದು ರೋಗನಿರೋಧಕ ಶಕ್ತಿಯನ್ನು ಹೆಚ್ಚಿಸುತ್ತದೆ. ಹೀಗಾಗಿ ಅಯುಷ್ ಸಚಿವಾಲಯ ಮತ್ತು ಸಿಎಸ್ಐಆರ್ ಕರೊನಾ ಸೋಂಕಿನ ಚಿಕಿತ್ಸೆಗೆ ಸಿದ್ಧಪಡಿಸಿರುವ ನಾಲ್ಕು ಔಷಧಗಳ ಪ್ರಯೋಗ ಯಶಸ್ವಿಯಾಗುವುದರಲ್ಲಿ ಅನುಮಾನವಿಲ್ಲ ಎಂದು ಡಾ. ಪ್ರಶಾಂತ್ ಎ.ಎಸ್. ಪುನರುಚ್ಚರಿಸಿದ್ದಾರೆ.
