ಆಕ್ಸಿಯಮ್-4 ಮಿಷನ್; ಭೂಮಿಯತ್ತ ಪ್ರಯಾಣ ಆರಂಭಿಸಿದ ಶುಭಾಂಶು ಶುಕ್ಲಾ ತಂಡ| Shubhanshu Shukla

ನವದೆಹಲಿ; ಗಗನಯಾತ್ರಿ ಶುಭಾಂಶು ಶುಕ್ಲಾ ಅವರು ಇತರ ಮೂವರು ಸದಸ್ಯರೊಂದಿಗೆ ಅಂತರರಾಷ್ಟ್ರೀಯ ಬಾಹ್ಯಾಕಾಶ ನಿಲ್ದಾಣದಲ್ಲಿ 18 ದಿನಗಳನ್ನು ಕಳೆದ ಬಳಿಕ ಆಕ್ಸಿಯಮ್-4 ಕಾರ್ಯಾಚರಣೆಯಿಂದ ಭೂಮಿಗೆ ಮರಳಲಿದ್ದಾರೆ. ಮಿಷನ್‌ನಲ್ಲಿ ಶುಭಾಂಶು ಶುಕ್ಲಾ ಪೈಲಟ್ ಆಗಿ ಕಾರ್ಯನಿರ್ವಹಿಸುತ್ತಿದ್ದು, ಇಂದು (14) ಸಂಜೆ 4:30ರ ಸುಮಾರಿಗೆ ಸ್ಪೇಸ್‌ಎಕ್ಸ್ ಡ್ರ್ಯಾಗನ್ ಬಾಹ್ಯಾಕಾಶ ನೌಕೆಯು ಐಎಸ್‌ಎಸ್‌ನಿಂದ ಬೇರ್ಪಟ್ಟಿದೆ.

ಇದನ್ನೂ ಓದಿ: ಹಿರಿಯ ನಟಿ ಬಿ. ಸರೋಜಾದೇವಿ ನಿಧನ; ನಾರಾಯಣ ನೇತ್ರಾಲಯಕ್ಕೆ 'ನೇತ್ರ' ದಾನ| b-saroja-devi

ಕಳೆದ ವರ್ಷ ಗಗನಯಾನದಲ್ಲಿ ಪ್ರಯಾಣಿಸಲು ಆಯ್ಕೆಯಾದ ನಾಲ್ವರು ಭಾರತೀಯ ವಾಯುಪಡೆಯ ಅಧಿಕಾರಿಗಳಲ್ಲಿ ಗ್ರೂಪ್ ಕ್ಯಾಪ್ಟನ್ ಶುಕ್ಲಾ ಕೂಡ ಒಬ್ಬರಾಗಿದ್ದಾರೆ.

ಶುಕ್ಲಾ ನೇತೃತ್ವದ ಡ್ರ್ಯಾಗನ್ ನಿಧಾನವಾಗಿ ನಿಲ್ದಾಣದಿಂದ ದೂರದಲ್ಲಿರುವ ಕಕ್ಷೆಯ ಹಳಿಯತ್ತ ಸಾಗುತ್ತಿದೆ. ಈ ನೌಕೆ ಅನೇಕ ಪ್ರಯೋಗ ಮಾದರಿಗಳನ್ನು ತರಲಿದ್ದು, ನಾಳೆ (15) ಸುಮಾರು ಮಧ್ಯಾಹ್ನ 3 ಗಂಟೆಗೆ ಕ್ಯಾಲಿಫೋರ್ನಿಯಾ ಕರಾವಳಿಯಲ್ಲಿ ನೌಕೆ ಲ್ಯಾಂಡ್‌ ಆಗಲಿದೆ. ವಾಪಸ್ ಆಗುವ ಪ್ರಯಾಣಕ್ಕೆ ಸುಮಾರು 22.5 ಗಂಟೆಗಳ ಸಮಯ ಬೇಕಾಗಲಿದೆ ಎಂದು ನಾಸಾ ಖಚಿತಪಡಿಸಿದೆ. ಡ್ರ್ಯಾಗನ್ ಬಾಹ್ಯಾಕಾಶ ನೌಕೆಯು 580 ಪೌಂಡ್‌ಗಳಿಗಿಂತ ಹೆಚ್ಚು ಸರಕುಗಳೊಂದಿಗೆ ಹಿಂತಿರುಗುತ್ತಿದೆ. ಇದರಲ್ಲಿ NASA ಹಾರ್ಡ್‌ವೇರ್ ಮತ್ತು ಕಾರ್ಯಾಚರಣೆಯ ಸಮಯದಲ್ಲಿ ನಡೆಸಲಾದ 60 ಕ್ಕೂ ಹೆಚ್ಚು ಪ್ರಯೋಗಗಳ ಡೇಟಾ ಸೇರಿದೆ.

ಈ ಬಗ್ಗೆ ಶುಭಾಂಶು ಶುಕ್ಲಾ ಅವರ ತಾಯಿ ಪ್ರತಿಕ್ರಿಯಿಸಿದ್ದು,  ಅನ್‌ಡಾಕಿಂಗ್ ಪ್ರಕ್ರಿಯೆ ಪೂರ್ಣಗೊಂಡಿರುವುದಕ್ಕೆ ನನಗೆ ಸಂತೋಷವಾಗಿದೆ. ಅವರು ಭೂಮಿಗೆ ಸುರಕ್ಷಿತವಾಗಿ ಮರಳಲಿ ಎಂದು ನಾನು ದೇವರಲ್ಲಿ ಪ್ರಾರ್ಥಿಸುತ್ತೇನೆ ಎಂದಿದ್ದಾರೆ.

ಬಾಹ್ಯಾಕಾಶಕ್ಕೆ ಹೋಗುವಾಗ ನಾನು ಉಪಕರಣಗಳನ್ನು ಮಾತ್ರ ಹೊತ್ತಿಲ್ಲ, ಶತಕೋಟಿ ಹೃದಯಗಳ ಭರವಸೆಗಳು ಮತ್ತು ಕನಸುಗಳನ್ನು ಹೊತ್ತಿದ್ದೇನೆ. ನಮ್ಮ ಕಾರ್ಯಾಚರಣೆಯ ಯಶಸ್ಸಿಗೆ ಎಲ್ಲಾ ಭಾರತೀಯರು ಪ್ರಾರ್ಥಿಸಬೇಕೆಂದು ನಾನು ವಿನಂತಿಸುತ್ತೇನೆ ಎಂದು ಅವರು ಹೇಳಿದ್ದರು.

ಇದನ್ನೂ ಓದಿ:ಹೊಸ ಸೇತುವೆಗೆ 'ಸಿಗಂದೂರು ಚೌಡೇಶ್ವರಿ' ಎಂಬ ಹೆಸರು ಘೊಷಿಸಿದ ನಿತಿನ್​ ಗಡ್ಕರಿ| sigandur-bridge

(ಏಜೆನ್ಸೀಸ್)

2027 ರಲ್ಲಿ ದೇಶದ ಮೊದಲ ಮಾನವ ಬಾಹ್ಯಾಕಾಶ ಹಾರಾಟವಾದ ಗಗನಯಾನವನ್ನು ಪ್ರಾರಂಭಿಸುವ ಯೋಜನೆಯನ್ನು ಇಸ್ರೋ ಘೋಷಿಸಿದೆ ಮತ್ತು 2035 ರ ವೇಳೆಗೆ ಬಾಹ್ಯಾಕಾಶ ನಿಲ್ದಾಣವನ್ನು ಸ್ಥಾಪಿಸುವ ಮತ್ತು 2040 ರ ವೇಳೆಗೆ ಚಂದ್ರನಿಗೆ ಗಗನಯಾತ್ರಿಯನ್ನು ಕಳುಹಿಸುವ ಮಹತ್ವಾಕಾಂಕ್ಷೆಯ ಯೋಜನೆಗಳನ್ನು ಹೊಂದಿದೆ.

https://www.vijayavani.net/accused-of-breach-of-etiquette-nitin-gadkari-responds-with-invitation-letter-to-cm-sigandur-bridge