ಇಪಿಎಫ್​ಒ ಹಣ ವಾಪಸು ಪಡೆಯಲು ಸ್ವಯಂಚಾಲಿತ ವ್ಯವಸ್ಥೆ ಶುರು

ನವದೆಹಲಿ: ಉದ್ಯೋಗಿಗಳ ಭವಿಷ್ಯ ನಿಧಿ ಸಂಘಟನೆಯು (ಇಪಿಎಫ್​ಒ) ಶಿಕ್ಷಣ, ಮದುವೆ ಮತ್ತು ವಸತಿ ಉದ್ದೇಶಗಳಿಗಾಗಿ ಸದಸ್ಯರು ತಮ್ಮ ಖಾತೆಯಿಂದ ಹಣ ಹಿಂತೆಗೆದುಕೊಳ್ಳುವ ಪ್ರಕ್ರಿಯೆಯನ್ನು ತ್ವರಿತಗೊಳಿಸಲು ಸ್ವಯಂ ಕ್ಲೈಮ್‌ ಇತ್ಯರ್ಥ (ಅಟೋ ಕ್ಲೈಮ್​ ಸೆಟಲ್​ಮೆಂಟ್​) ವ್ಯವಸ್ಥೆಯನ್ನು ಘೋಷಿಸಿದೆ. ಹಣ ವಾಪಸಾತಿ ಕ್ಲೈಮ್​ಗಳ ಪ್ರಕ್ರಿಯೆಯನ್ನು ಐಟಿ ವ್ಯವಸ್ಥೆ ಮೂಲಕ ಸ್ವಯಂಚಾಲಿತವಾಗಿ ಮಾಡುವ ವ್ಯವಸ್ಥೆ ಇದಾಗಿದ್ದು, ಇದರಿಂದ 6 ಕೋಟಿ ಚಂದಾದಾರರಿಗೆ ಪ್ರಯೋಜನವಾಗಲಿದೆ.

ಅನಾರೋಗ್ಯ-ಸಂಬಂಧಿತ ಮುಂಗಡಗಳಿಗಾಗಿ ಏಪ್ರಿಲ್ 2020 ರಲ್ಲಿ ಈ ಸ್ವಯಂಚಾಲಿತ ವ್ಯವಸ್ಥೆಯನ್ನು ಪ್ರಾರಂಭಿಸಲಾಗಿದೆ. ಈಗ ಎಲ್ಲ ರೀತಿಯ ಕ್ಲೈಮ್‌ಗಳನ್ನು ನಿಭಾಯಿಸಲು ಈ ಸ್ವಯಂಚಾಲಿತ ವ್ಯವಸ್ಥೆಯನ್ನು ವಿಸ್ತರಿಸಲಾಗಿದೆ ಎಂದು ಇಪಿಎಫ್​ಒ ಹೇಳಿದೆ.

ಇದಲ್ಲದೆ, ಅನಾರೋಗ್ಯಕ್ಕೆ ಸಂಬಂಧಿಸಿದ ಕ್ಲೈಮ್‌ಗಳ ಮಿತಿಯನ್ನು 50,000 ರೂಪಾಯಿಯಿಂದ 1,00,000 ರೂಪಾಯಿಯವರೆಗೆ ಈಗ ಹೆಚ್ಚಿಸಲಾಗಿದೆ ಎಂದು ಇಪಿಎಫ್​ಒ ತಿಳಿಸಿದೆ.

ವಸತಿ, ಮದುವೆ ಮತ್ತು ಶಿಕ್ಷಣದ ಉದ್ದೇಶಗಳಿಗೆ ತಮ್ಮ ಖಾತೆಯಿಂದ ಹಣವನ್ನು ಕಡಿಮೆ ಸಮಯದಲ್ಲಿ ಪಡೆದುಕೊಳ್ಳಲು ಈ ಸ್ವಯಂಚಾಲಿತ ವ್ಯವಸ್ಥೆಯು ಸದಸ್ಯರಿಗೆ ನೆರವಾಗಲಿದೆ. ಶಿಕ್ಷಣ, ಮದುವೆ ಅಥವಾ ವಸತಿ ಸಂಬಂಧಿತ ಅವಶ್ಯಕತೆಗಳನ್ನು ತ್ವರಿತವಾಗಿ ಪೂರೈಸಲು ಈ ವ್ಯವಸ್ಥೆ ಗಣನೀಯವಾಗಿ ಸಹಾಯ ಮಾಡುತ್ತದೆ ಎಂದು ಇಪಿಎಫ್‌ಒ ಪ್ರಕಟಣೆಯಲ್ಲಿ ತಿಳಿಸಿದೆ.

https://www.vijayavani.net/rajinikanths-daughter-son-in-law-both-dated-someone-else-and-cheated-on-each-other-singers-shocking-statement

https://www.vijayavani.net/preity-zinta-and-my-husband-used-to-date-i-am-not-a-boyfriend-snatcher-this-is-the-actress-clarification

https://www.vijayavani.net/ranbir-kapoors-ramayana-is-the-most-expensive-film-in-indian-cinema-do-you-know-its-budget