ಪಟ್ಟಣದ ಸೊಪ್ಪಿನಕೇರಿ ಬೀದಿಯ ನಿವಾಸಿ ಸುರೇಶ್ ಆತ್ಮಹತ್ಯೆಗೆ ಮುಂದಾದವರು. ಇವರು ಇ ಸ್ವತ್ತು ನಮೂನೆಯನ್ನು ಪಡೆದುಕೊಂಡಿದ್ದು, ಇದರಲ್ಲಿ 3ನೇ ವಾರ್ಡಿನ ಬದಲಾಗಿ 13ನೇ ವಾರ್ಡ್ ಹಾಗೂ ಕುವೆಂಪುನಗರ ಬೀದಿ ಎಂದು ತಪ್ಪಾಗಿ ನಮೂದಾಗಿದೆ. ಈತ ಆರ್ಥಿಕ ಸಂಕಷ್ಟಕ್ಕೆ ಒಳಗಾಗಿ ಆಸ್ತಿಯನ್ನು ಮಾರಾಟ ಮುಂದಾಗಿದ್ದು, ವಿವರದ ತಿದ್ದುಪಡಿಗಾಗಿ ಅಗತ್ಯ ದಾಖಲೆಯೊಂದಿಗೆ ಪಪಂಗೆ ಅರ್ಜಿ ಸಲ್ಲಿಸಿ 2 ವರ್ಷವಾಗಿತ್ತು. ಆದರೆ ಯಾವುದೇ ಕ್ರಮವಾಗಿರಲಿಲ್ಲ. ಇದರಿಂದ ಬೇಸತ್ತ ಸುರೇಶ್ ಬೆಳಗ್ಗೆ ಪಪಂ ಕಚೇರಿಗೆ ಪೆಟ್ರೋಲ್ನೊಂದಿಗೆ ಆಗಮಿಸಿ ತಿದ್ದುಪಡಿಯಾಗದಿರುವ ಬಗ್ಗೆ ತೀವ್ರ ಅಸಮಾಧಾನವನ್ನು ವ್ಯಕ್ತಪಡಿಸಿದರು. ಮೈಮೇಲೆ ಪೆಟ್ರೋಲ್ ಸುರಿದುಕೊಂಡು ಆತ್ಮಹತ್ಯೆ ಮಾಡಿಕೊಳ್ಳುವುದಾಗಿ ಅಧಿಕಾರಿಗಳು ಬರುವುದನ್ನೇ ಕಾದು ಕುಳಿತಿದ್ದರು.
