ಅಕ್ರಮ ಚಿನ್ನದ ಗಣಿಗಾರಿಕೆ: ಹಸಿವು, ಬಾಯಾರಿಕೆಯಿಂದ ಸತ್ತರು 100ಕ್ಕೂ ಹೆಚ್ಚು ಕಾರ್ಮಿಕರು...Illegal Gold Mine

ದಕ್ಷಿಣ ಆಫ್ರಿಕಾ: (Illegal Gold Mine ) ದಕ್ಷಿಣ ಆಫ್ರಿಕಾದ ಚಿನ್ನದ ಗಣಿಯೊಂದರಲ್ಲಿ ಸಿಲುಕಿ  100 ಕಾರ್ಮಿಕರು ಸಾವನ್ನಪ್ಪಿದ್ದಾರೆ. ಇನ್ನೂ ಹಲವು ಗಣಿ ಕಾರ್ಮಿಕರು ಗಣಿಯಲ್ಲಿ ಸಿಲುಕಿಕೊಂಡಿದ್ದಾರೆ. ಸ್ಟಿಲ್ಫಾಂಟೈನ್ ಪಟ್ಟಣದ ಸಮೀಪವಿರುವ ಬಫೆಲ್ಸ್‌ಫಾಂಟೈನ್‌ನಲ್ಲಿರುವ ಚಿನ್ನದ ಗಣಿಯಲ್ಲಿ ಈ ಅಪಘಾತ ಸಂಭವಿಸಿದೆ.

ರಕ್ಷಣಾ ಕಾರ್ಯಾಚರಣೆ ನಡೆಯುತ್ತಿದೆ. ಮೃತದೇಹಗಳೊಂದಿಗೆ ಬದುಕುಳಿದಿರುವ ಅಪ್ರಾಪ್ತರ ಸ್ಥಿತಿ ಚಿಂತಾಜನಕವಾಗಿದೆ. ಅವರಿಗೆ ಊಟ, ನೀರು ಸಿಗುತ್ತಿಲ್ಲ. ಸತ್ತವರು ಸಹ ಹಸಿವು ಮತ್ತು ಬಾಯಾರಿಕೆಯಿಂದ ಸತ್ತರು. ಘಟನಾ ಸ್ಥಳಕ್ಕೆ ಅಧಿಕಾರಿಗಳು ದೌಡಾಯಿಸಿ ಮೃತದೇಹಗಳನ್ನು ಹೊರತೆಗೆದಿದ್ದಾರೆ. ಯುನೈಟೆಡ್ ಇನ್ ಆಕ್ಷನ್ ಗ್ರೂಪ್‌ನ ವಕ್ತಾರರಾದ ಸಬೆಲೊ ಎಂಗುನಿ ಇದನ್ನು ದೃಢಪಡಿಸಿದ್ದಾರೆ.

26 ಜನರನ್ನು ಸುರಕ್ಷಿತವಾಗಿ ರಕ್ಷಿಸಲಾಗಿದೆ. ಸುಮಾರು 500 ಗಣಿ ಕಾರ್ಮಿಕರು ಚಿನ್ನ ಅಗೆಯಲು ಗಣಿ ಪ್ರವೇಶಿಸಿದ್ದು, ಹಲವು ವರ್ಷಗಳಿಂದ ಗಣಿ ಮುಚ್ಚಿರುವುದರಿಂದ ಅಕ್ರಮವಾಗಿ ಗಣಿಗಾರಿಕೆ ನಡೆಸುತ್ತಿರುವುದು ಬೆಳಕಿಗೆ ಬಂದಿದೆ.

ಹೊರತೆಗೆದ ಮೃತದೇಹಗಳ ಮರಣೋತ್ತರ ಪರೀಕ್ಷೆಯ ವರದಿ ಪ್ರಕಾರ,  ಹಸಿವು ಮತ್ತು ಬಾಯಾರಿಕೆಯಿಂದ ಮೃತಪಟ್ಟಿರುವುದು ದೃಢಪಟ್ಟಿದೆ. ಗಣಿಗಾರರ ದೇಹಗಳನ್ನು ಗಣಿಯಲ್ಲಿ ಪ್ಲಾಸ್ಟಿಕ್ ಹೊದಿಕೆಗಳಲ್ಲಿ ಸುತ್ತಿಡಲಾಗಿತ್ತು. ಬದುಕುಳಿದ ಅಪ್ರಾಪ್ತರ ಸ್ಥಿತಿಯೂ ತೀರಾ ಹದಗೆಟ್ಟಿದೆ. ಕಳೆದ ವರ್ಷ ನವೆಂಬರ್‌ನಿಂದ ಗಣಿಗಾರರು ಒಳಗೆ ಸಿಕ್ಕಿಹಾಕಿಕೊಂಡಿದ್ದಾರೆ. ಸುಮಾರು 500 ಗಣಿಗಾರರು ಅಗೆಯಲು ಗಣಿ ಪ್ರವೇಶಿಸಿದರು ಎನ್ನುವ ಮಾಹಿತಿ ಲಭ್ಯವಾಗಿದೆ.

 ಈ ಚಿನ್ನದ ಗಣಿಯ  ಆಳ ಸುಮಾರು ಎರಡೂವರೆ ಕಿಲೋಮೀಟರ್. ಅದರೊಳಗೆ ಸುರಂಗಗಳ ಜಟಿಲ. ದಕ್ಷಿಣ ಆಫ್ರಿಕಾದಲ್ಲಿ ಹಲವು ವರ್ಷಗಳಿಂದ ಅಕ್ರಮ ಗಣಿಗಾರಿಕೆ ಸಾಮಾನ್ಯವಾಗಿದೆ. ಚಿನ್ನದ ದುರಾಸೆಯಿಂದ ಗಣಿಗಾರಿಕೆಗೆ ಅಕ್ರಮ ಪ್ರವೇಶ ಮಾಡುತ್ತಿದ್ದಾರೆ. ಅವರು ತಮ್ಮೊಂದಿಗೆ ಆಹಾರ, ನೀರು ಮತ್ತು ಇತರ ವಸ್ತುಗಳನ್ನು ಸಹ ಒಯ್ಯುತ್ತಾರೆ.  

ಎರಡು ತಿಂಗಳ ಹಿಂದೆ ನವೆಂಬರ್‌ನಲ್ಲಿ ಸುಮಾರು 500 ಗಣಿ ಕಾರ್ಮಿಕರು ಗಣಿಗಾರಿಕೆಯಲ್ಲಿ ಅಕ್ರಮ ಗಣಿಗಾರಿಕೆ ನಡೆಸುತ್ತಿರುವ ಬಗ್ಗೆ ಪೊಲೀಸರಿಗೆ ಮಾಹಿತಿ ಸಿಕ್ಕಿತ್ತು. ಪೊಲೀಸರು ಅವರನ್ನು ಬಲವಂತವಾಗಿ ಗಣಿಯಿಂದ ಹೊರ ಹಾಕಲು ಯತ್ನಿಸಿದರು. ಆದರೆ ಎಲ್ಲರೂ ಹೊರಗೆ ಬರಲು ಸಾಧ್ಯವಾಗಲಿಲ್ಲ. ಪೊಲೀಸರ ಕ್ರಮದ ಭೀತಿಯಿಂದ ಅಪ್ರಾಪ್ತರು ಹೊರಗೆ ಬರಲಿಲ್ಲ  ಎನ್ನಲಾಗಿದೆ.