ಸದ್ಯ ‘ಮೋಡ ಕವಿದ ವಾತಾವರಣ’:
‘ಕೋಟಿ’ ಸಿನಿಮಾದ ಮುಂಚೆಯೇ ಮೋಕ್ಷಾ, ಸಿಂಪಲ್ ಸುನಿ ನಿರ್ದೇಶನದ ‘ಮೋಡ ಕವಿದ ವಾತಾವರಣ’ ಚಿತ್ರದಲ್ಲಿ ನಟಿಸಿದ್ದರು. ಆದರೆ, ಕಾರಣಾಂತರಗಳಿಂದ ಶೂಟಿಂಗ್ ವಿಳಂಬವಾಗಿದೆ. ಇನ್ನು ಎರಡು ದೃಶ್ಯ ಹಾಗೂ ಒಂದು ಸಾಂಗ್ ಬಾಕಿಯಿದ್ದು, ಸದ್ಯದಲ್ಲಿ ಶೂಟಿಂಗ್ ಆರಂಭವಾಗಲಿದೆ. ಸಾಂಗ್ಗಾಗಿ ಪ್ರಾಕ್ಟಿಸ್ ಮಾಡುತ್ತಿರುವ ಅವರು, ‘ಮಹಿಳಾ ಪ್ರಧಾನ ಸೈಕಲಾಜಿಕಲ್ ಥ್ರಿಲ್ಲರ್ ಚಿತ್ರವಿದು. ನನ್ನ ಪಾತ್ರದ ಹೆಸರು ಸೌಪರ್ಣಿಕಾ. ಇನ್ನೂ ಹಲವು ಕಥೆಗಳನ್ನು ಕೇಳಿದ್ದೇನೆ. ಆದರೆ ಒಪ್ಪಿಕೊಂಡಿಲ್ಲ. ನನಗೆ ಐತಿಹಾಸಿಕ ಪಾತ್ರಗಳಲ್ಲಿ ಹಾಗೂ ರಗಡ್ ಲುಕ್ನಲ್ಲಿ ನಟಿಸುವ ಆಸೆ’ ಎಂದು ಮಾಹಿತಿ ಹಂಚಿಕೊಳ್ಳುತ್ತಾರೆ. ಫಿಟ್ನೆಸ್ ಬಗ್ಗೆ ಹೆಚ್ಚು ಕಾಳಜಿ ವಹಿಸುವ ಮೋಕ್ಷಾ ಪ್ರತಿದಿನ ಯೋಗಾಭ್ಯಾಸ, ಜಿಮ್ ಮಾಡುತ್ತಾರಂತೆ. ಊಟ ಹಾಗೂ ಜೀವನಶೈಲಿಯಲ್ಲಿ ಶಿಸ್ತು ರೂಢಿಸಿಕೊಂಡಿದ್ದಾರೆ.
