ಪಾದಯಾತ್ರೆ ವೇಳೆ Arvind Kejriwal ಮೇಲೆ ಹಲ್ಲೆಗೆ ಯತ್ನ; ಇದು ಬಿಜೆಪಿಯ ಕುತಂತ್ರ ಎಂದ ಆಪ್

ನವದೆಹಲಿ: ಆಮ್​ ಆದ್ಮಿ ಪಕ್ಷದ ರಾಷ್ಟ್ರೀಯ ಸಂಚಾಲಕ, ದೆಹಲಿ ಮಾಜಿ ಸಿಎಂ ಅರವಿಂದ್​ ಕೇಜ್ರಿವಾಲ್​ (Arvind Kejriwal) ಅವರ ಮೇಲೆ ಹಲಲ್ಲೆ ಯತ್ನ ನಡೆದಿದ್ದು, ವ್ಯಕ್ತಿಯನ್ನು ವಶಕ್ಕೆ ಪಡೆದು ವಿಚಾರಣೆಗೆ ಒಳಪಡಿಸಲಾಗಿದೆ.

ಫೆಬ್ರವರಿ ತಿಂಗಳಲ್ಲಿ ನಡೆಯಲಿರುವ ವಿಧಾನಸಭೆ ಚುನಾವಣೆ ಗೆದ್ದು ದೆಹಲಿಯಲ್ಲಿ ಮತ್ತೊಮ್ಮೆ ತಮ್ಮ ಪಾರುಪತ್ಯವನ್ನು ಮುಂದುವರೆಸುವ ಸಲುವಾಗಿ ಕೇಜ್ರಿವಾಲ್​ ಪಾದಯಾತ್ರೆ ನಡೆಸುತ್ತಿದ್ದು, ತಮ್ಮ ಸರ್ಕಾರದ ಸಾಧನೆಗಳನ್ನು ಜನರ ಮುಂದಿಡುತ್ತಿದ್ದಾರೆ.

ಅದರಂತೆ ಪಾದಯಾತ್ರೆಯೂ ಶನಿವಾರ (ನವೆಂಬರ್​ 30) ದೆಹಲಿಯ ಗ್ರೇಟರ್ ಕೈಲಾಶ್​ ತಲುಪಿದಾಗ ವ್ಯಕ್ತಿಯೊಬ್ಬರು ಕೇಜ್ರಿವಾಲ್​ ಮೇಲೆ ಹಲ್ಲೆಗೆ ಮುಂದಾಗಿದ್ದು, ಅವರ ಮೇಲೆ ಸ್ಪಿರಿಟ್​ ಎಸೆದು ಬೆಂಕಿ ಹಚ್ಚಲು ಮುಂದಾಗಿರುವ ವಿಚಾರ ಬೆಳಕಿಗೆ ಬಂದಿದೆ. ಸದ್ಯ ವ್ಯಕ್ತಿಯನ್ನು ಪೊಲೀಸರು ಬಂಧಿಸಿದ್ದು, ವಿಚಾರಣೆಗೆ ಒಳಪಡಿಸಿದ್ದಾರೆ. ಹಲ್ಲೆಯ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್​ ಆಗಿದೆ.

ಘಟನೆಯ ಕುರಿತು ಮಾತನಾಡಿರುವ ಸಚಿವ ಸೌರಭ್​ ಭಾರಧ್ವಾಜ್​, ಹಲ್ಲೆ ನಡೆಸಿದ ವ್ಯಕ್ತಿಯು ಬಿಜೆಪಿ ಕಾರ್ಯಕರ್ತನಾಗಿದ್ದು, ಆತ ಸ್ಪಿರಿಟ್​ ಎಸೆದು ಕೇಜ್ರಿವಾಲ್​ರನ್ನು ಜೀವಂತವಾಗಿ ಸುಟ್ಟ ಹಾಕಲು ಯತ್ನಿಸಿದ. ಅರವಿಂದ್ ಕೇಜ್ರಿವಾಲ್ ಮೇಲೆ ನಿರಂತರವಾಗಿ ದಾಳಿಗಳು ನಡೆಯುತ್ತಿವೆ, ಬಿಜೆಪಿ ನೇತೃತ್ವದ ಕೇಂದ್ರ ಸರ್ಕಾರ ಸಂಪೂರ್ಣವಾಗಿ ವಿಫಲವಾಗಿದ್ದು, ಈ ಘಟನೆಯ ಸಾಕ್ಷಿಯಾಗಿದೆ ಎಂದು ಸೌರಭ್​ ಭಾರಧ್ವಾಜ್​ ಆರೋಪಿಸಿದ್ದಾರೆ.

https://www.vijayavani.net/u19-asia-cup-india-suffer-43-run-loss-to-pakistan-in-campaign-opener

https://www.vijayavani.net/bigg-boss-promo-out-kichcha-sudeep-class-to-contestants