ಜೈಲಿನಲ್ಲಿ ಮೌನಕ್ಕೆ ಶರಣಾದ ಆರುದ್ರಾ; ಕೊಟ್ಟ ಅವಲಕ್ಕಿ, ಚಿತ್ರಾನ್ನ ತಿನ್ನುತ್ತಿಲ್ಲ..ಮಾಹಿತಿಯನ್ನೂ ನೀಡುತ್ತಿಲ್ಲ...

ಬೆಂಗಳೂರು: ಪಾಕ್ ಪರ ಘೋಷಣೆ ಕೂಗಿದ ಅಮೂಲ್ಯ ಲಿಯೋನಾಳ ವಿರುದ್ಧ ಟೌನ್​ಹಾಲ್​ ಬಳಿ ಪ್ರತಿಭಟನೆ ನಡೆಸುತ್ತಿದ್ದ ವೇಳೆ ಅಲ್ಲಿ ಹೋಗಿ ಫ್ರೀ ಕಾಶ್ಮೀರ ಪ್ಲಕಾರ್ಡ್ ಹಿಡಿದ ಆರುದ್ರಾಳನ್ನು ನಿನ್ನೆಯೇ ಬಂಧಿಸಿ ಜೈಲಿಗೆ ಹಾಕಲಾಗಿದೆ.

ಬೆಂಗಳೂರು ಹೊರವಲಯದಲ್ಲಿರುವ ಪರಪ್ಪನ ಅಗ್ರಹಾರ ಕಾರಾಗೃಹದ ಮಹಿಳಾ ವಿಭಾಗದ ಸಾಮಾನ್ಯ ಕೈದಿಗಳ ಕೊಠಡಿಯಲ್ಲಿರುವ ಆರುದ್ರಾ ಊಟ ಮಾಡುತ್ತಿಲ್ಲ, ಯಾರೊಂದಿಗೂ ಮಾತನಾಡುತ್ತಿಲ್ಲ ಎನ್ನಲಾಗಿದೆ.

ಜೈಲು ಸಿಬ್ಬಂದಿ ನೀಡಿದ ಅವಲಕ್ಕಿ, ಚಿತ್ರಾನ್ನವನ್ನು ತಿಂದಿಲ್ಲ. ಉಪಾಹಾರ ಸೇವಿಸುವಂತೆ ಹೇಳಿದರೂ ಅದಕ್ಕೆ ಯಾವುದೇ ಪ್ರತಿಕ್ರಿಯೆ ನೀಡುತ್ತಿಲ್ಲ ಎಂದು ಹೇಳಲಾಗಿದೆ.

ಆರುದ್ರಾ ಯಾರೊಂದಿಗೂ ಮಾತನಾಡುತ್ತಿಲ್ಲ. ನಿನ್ನೆ ಕೂಡ ಪೊಲೀಸರಿಗೆ ಸರಿಯಾಗಿ ಮಾಹಿತಿ ನೀಡಲಿಲ್ಲ ಎನ್ನಲಾಗಿದೆ. (ದಿಗ್ವಿಜಯ ನ್ಯೂಸ್​)