ರಾಜ್ಯ ಬಜೆಟ್​ನಲ್ಲೂ ಕೃತಕ ಬುದ್ಧಿಮತ್ತೆ ಉಲ್ಲೇಖ! ಯಾವುದಕ್ಕೆ ಬಳಕೆ?

ಬೆಂಗಳೂರು: ವಿಶ್ವದಲ್ಲಿಯೇ ತಂತ್ರಜ್ಞಾನದ ಕೇಂದ್ರವಾಗಿ ಗುರುತಿಸಿಕೊಂಡಿರುವ ನಗರ ಬೆಂಗಳೂರು, ಅತ್ಯಂತ ವೇಗವಾಗಿ ಬೆಳೆಯುತ್ತಿದ್ದು ಇದೀಗ ಬಜೆಟ್​ನಲ್ಲೂ ಕೃತಕ ಬುದ್ಧಿಮತ್ತೆಯ ಪ್ರಸ್ತಾಪವಾಗಿದೆ.

ಇದರ ಬಳಕೆ ಯಾವುದಕ್ಕಪ್ಪಾ ಎಂದು ನೀವು ಆಲೋಚಿಸಿದರೆ ಅದಕ್ಕೆ ಉತ್ತರ ಟ್ರಾಫಿಕ್! ಹೌದು, ಸಂಚಾರ ದಟ್ಟಣೆಯಿಂದ ಬಳಲುತ್ತಿರುವ ಬೆಂಗಳೂರಿನಲ್ಲಿ ಸಿಗ್ನಲ್​ ನಿರ್ವಹಣೆಗಾಗಿ AI ಬಳಸುವ ಆಲೋಚನೆಗೆ ಸರ್ಕಾರ ಮುಂದಾಗಿದೆ.

ಬೆಂಗಳೂರು ನಗರದ ಸಂಚಾರ ದಟ್ಟಣೆಯನ್ನು ಕಡಿಮೆ ಮಾಡಲು, ಹೆಚ್ಚು ಸಂಚಾರ ದಟ್ಟಣೆ ಇರುವ ಪ್ರಮುಖ 75 ಜಂಕ್ಷನ್‌ಗಳನ್ನು 150 ಕೋಟಿ ರೂ. ವೆಚ್ಚದಲ್ಲಿ ಅಭಿವೃದ್ಧಿಪಡಿಸಲು ಉದ್ದೇಶಿಸಿದೆ.

ಇದಕ್ಕೆ ಪೂರಕವಾಗಿ ಕೃತಕ ಬುದ್ಧಿಮತ್ತೆಯ (Artificial Intelligence) ಬಳಕೆಯೊಂದಿಗೆ ಟ್ರಾಫಿಕ್ ಸಿಗ್ನಲ್‌ಗಳ ನಿರ್ವಹಣೆ ಮಾಡುವ ಮೂಲಕ Seamless Signalling ಅಳವಡಿಸಿಕೊಂಡು ಸಂಚಾರ ದಟ್ಟಣೆ ಕಡಿಮೆ ಮಾಡಲಾಗುವ ಆಲೋಚನೆ ಸರ್ಕಾರಕ್ಕಿದ್ದು ಈ ಬಗ್ಗೆ ಬಜೆಟ್​ನಲ್ಲೂ ಉಲ್ಲೇಖವಾಗಿದೆ.

https://www.vijayavani.net/plans-for-controlling-the-traffic-in-bangalore/

https://www.vijayavani.net/karnataka-budget-for-farmers/

https://www.vijayavani.net/largest-budget-ever-in-karntaka/