ಮಿಗ್​ಗೆ ವಿದಾಯ: ಶ್ರೀನಗರದ ಮಿಗ್ 51 ಸ್ಕ್ವಾಡ್ರನ್ ಸ್ವೋರ್ಡ್ ಆರ್ಮ್ಸ್​ 30ಕ್ಕೆ ನಿವೃತ್ತಿ

ಭಾರತೀಯ ವಾಯುಪಡೆಯ (ಐಎಎಫ್) ಆಧುನೀಕರಣದ ಭಾಗವಾಗಿ ಮಿಗ್-21 ವಿಮಾನಗಳನ್ನು ಹಂತ ಹಂತವಾಗಿ ಸೇವೆಯಿಂದ ತೆಗೆದು ಹಾಕಲಾಗುತ್ತಿದೆ. ಇದರ ಭಾಗವಾಗಿ ಶ್ರೀನಗರದಲ್ಲಿ ಕಾರ್ಯನಿರ್ವಹಿಸುತ್ತಿರುವ 51 ಸ್ಕ್ವಾಡ್ರನ್ ಸ್ವೋರ್ಡ್ ಆರ್ಮ್ಸ್​ ಸೆ. 30ರಂದು ನಿವೃತ್ತಿಯಾಗಲಿದೆ.

• ಉಳಿದ ಮೂರು ಸ್ಕ್ವಾಡ್ರನ್​ಗಳನ್ನು (ತಂಡಗಳನ್ನು) 2025ರ ವೇಳೆಗೆ ಸೇವೆಯಿಂದ ನಿವೃತ್ತಿಗೊಳಿಸುವ ಗುರಿಯನ್ನು ವಾಯುಪಡೆ ಹೊಂದಿದೆ.
• ಈಗ ನಿವೃತ್ತಿಯಾಗುತ್ತಿರುವ 51 ಸ್ಕ್ವಾಡ್ರನ್​, ಐಎಎಫ್​ನ ಪ್ರಮುಖ ಸ್ಕಾ್ವಡ್ರನ್​ಗಳಲ್ಲಿ ಒಂದಾಗಿದೆ. ಇದು ಪಾಕಿಸ್ತಾನದ ವಿರುದ್ಧ 1999ರ ಕಾರ್ಗಿಲ್ ಯುದ್ಧದ ‘ಅಪರೇಷನ್ ಸಫೇದ್ ಸಾಗರ್’ನಲ್ಲಿ ಕಾರ್ಯನಿರ್ವಹಿಸಿತ್ತು.
• ಮಿಗ್ -21 ವಿಮಾನವು ಸೋವಿಯತ್ ಕಾಲದ ಸಿಂಗಲ್ ಇಂಜಿನ್ ಯುದ್ಧ ವಿಮಾನವಾಗಿದೆ. 1960ರ ದಶಕದಲ್ಲಿ ಭಾರತೀಯ ವಾಯು ಪಡೆಗೆ ಸೇರ್ಪಡೆಗೊಂಡಿತ್ತು.
• ಇದು ಭೂಮಿ ಮತ್ತು ಆಗಸ ಎರಡೂ ಕಡೆಯಲ್ಲಿ ಶತ್ರು ವಿಮಾನಗಳನ್ನು ಹೊಡೆದು ಉರುಳಿಸಬಲ್ಲ ಸಾಮರ್ಥ್ಯ ಹೊಂದಿದೆ.
• 51 ಸ್ಕ್ವಾಡ್ರನ್​ ನೀಡಿರುವ ಗಮನಾರ್ಹ ಕೊಡುಗೆಗಾಗಿ ಒಂದು ವಾಯುಸೇನಾ ಪದಕ ಮತ್ತು ಮೂರು ಉಲ್ಲೇಖ ರವಾನೆಗಳನ್ನು ನೀಡಲಾಗಿದೆ. ಆಪರೇಷನ್ ಪರಾಕ್ರಮ್ ಸಮಯದಲ್ಲಿ ಸ್ಕ್ವಾಡ್ರನ್​​ಗೆ ಕಾಶ್ಮೀರ ಕಣಿವೆಯ ವಾಯು ರಕ್ಷಣಾ ಕಾರ್ಯ ವಹಿಸಲಾಗಿತ್ತು.
• 1980ರ ದಶಕದಿಂದ 400ಕ್ಕೂ ಹೆಚ್ಚು ಮಿಗ್-21 ಯುದ್ಧ ವಿಮಾನಗಳು ಅಪಘಾತಕ್ಕೀಡಾಗಿವೆ. 200ಕ್ಕೂ ಹೆಚ್ಚು ಪೈಲಟ್​ಗಳು ಮತ್ತು 60 ನಾಗರಿಕರನ್ನು ಬಲಿ ತೆಗೆದುಕೊಂಡಿವೆ.
• 2019ರ ಫೆಬ್ರವರಿಯಲ್ಲಿ ಪುಲ್ವಾಮಾ ದಾಳಿಯ ನಂತರ ಭಾರತೀಯ ವಾಯುಪಡೆ ಪಾಕ್​ನ ಉಗ್ರರ ಶಿಬಿರದ ಮೇಲೆ ವಾಯುದಾಳಿ ಮಾಡಿದಕ್ಕೆ ಪ್ರತಿಯಾಗಿ ಪಾಕ್​ನ ಯುದ್ಧ ವಿಮಾನಗಳು ಗಡಿ ನಿಯಂತ್ರಣ ರೇಖೆ ಮೀರಿ ಬಂದಿದ್ದವು. ಆಗ ವಿಂಗ್ ಕಮಾಂಡರ್ ಅಭಿನಂದನ್ ವರ್ಧಮಾನ್ ಅವರು ಮಿಗ್-21 ವಿಮಾನ ಬಳಸಿಯೇ ಪಾಕ್​ನ ಅತ್ಯಾಧುನಿಕ ಎಫ್-16 ವಿಮಾನವನ್ನು ಹಿಮ್ಮೆಟ್ಟಿಸಿದ್ದರು.

https://www.vijayavani.net/upendra-acting-kabzaa-teaser-at-no-1-trending-in-youtube-even-after-2-days/

https://www.vijayavani.net/objection-about-the-rule-at-temple-about-removing-shirt-and-banian/