ಕೊಲೆ ಆರೋಪಿಗಳ ಬಂಧನ

ಕೋಲಾರ: ಅನೈತಿಕ ಸಂಬಂಧ ಹಿನ್ನೆಲೆಯಲ್ಲಿ ವ್ಯಕ್ತಿಯನ್ನು ಕೊಲೆ ಮಾಡಿ ತಲೆಮರಿಸಿಕೊಂಡಿದ್ದ ನಾಲ್ವರು ಆರೋಪಿಗಳನ್ನು 24 ಗಂಟೆಯಲ್ಲಿ ನಗರದ ಗಲ್​ಪೇಟ್​ ಪೊಲೀಸರ ಶುಕ್ರವಾರ ಬಂಧಿಸಿದ್ದಾರೆ.

ಬೆಂಗಳೂರಿನ ಹೊಸಕೋಟೆ ನಗರದ ಎಂ.ಡಿ.ಇಾರ್ನ್​ (35), ಕೋಲಾರದ ರಹಮತ್​ ನಗರದ ಮಹಮದ್​ ಸಾಕೀಬ್​ (22), ಜಾಕೀರ್​ ಪಾಷಾ(28), ಹೊಸಕೋಟೆ ಹುಸ್ನಾ ಬೇಗಂ (30) ಬಂಧಿತರು.

ನಗರದ ಪ್ರಶಾಂತ ನಗರದಲ್ಲಿನ ಅಸ್ಮಾತಾಜ್​ ಮನೆಯಲ್ಲಿ ನಾಲ್ವರು ಸೇರಿ ಕತ್ತಿಗಳಿಂದ ಹೊಡೆದು, ಚಾಕುವಿನಿಂದ ಚುಚ್ಚಿ ಅಮೀನ್​ನ್ನು ಕೊಲೆ ಮಾಡಿ ತಲೆ ಮರಿಸಿಕೊಂಡಿದ್ದರು. ಈ ಬಗ್ಗೆ ಹೊಸಕೋಟೆ ನಿವಾಸಿ ಮುಬಾರಕ್​ ಗಲ್​ಪೇಟೆ ಪೊಲೀಸರಿಗೆ ದೂರು ನೀಡಿದ್ದರು.

ಮೃತ ಅಮೀನ್​ ಜಿಮ್​ ಟೆನರ್​ ಆಗಿ ಕೆಲಸ ಮಾಡಿಕೊಂಡಿದ್ದು, ಜತೆಗೆ ಸ್ನೇಹಿತ ಇಾರ್ನ್​ ಜತೆ ಸೇರಿ ಮಟನ್​ ಸ್ಟಾಲ್​ ಇಟ್ಟುಕೊಂಡಿದ್ದರು. ಅಮೀನ್​ ತನ್ನ ಸ್ನೇಹಿತ ಇರ್ಫಾನ್​ ಹೆಂಡತಿ ಹುಸ್ನಾ ಬೇಗಂನೊಂದಿಗೆ ಅನೈತಿಕ ಸಂಬಂಧ ಇಟ್ಟುಕೊಂಡಿದ್ದ. ಈ ವಿಚಾರದಲ್ಲಿ ಇಬ್ಬರ ನಡುವೆ ಆಗಾಗ ಗಲಾಟೆಗಳಾಗಿದ್ದವು. ಇರ್ಫಾನ್​ ತಮ್ಮ ಹೆಂಡತಿಯ ಸಹವಾಸ ಮಾಡದಂತೆ ಅಮೀನ್​ಗೆ ಹಿಂದೆ ಎಚ್ಚರಿಕೆ ನೀಡಿದ್ದ.

ಆದರೂ ಕೂಡ ಅಮೀನ್​ ಮತ್ತು ಹುಸ್ನಾ ಬೇಗಂ ಇರ್ಫಾನ್​ನ ಮಾತು ಕೇಳದೇ ಇಬ್ಬರೂ ಹೆಚ್ಚಾಗಿ ಪೋನ್​ನಲ್ಲಿ ಮಾತನಾಡಿಕೊಳ್ಳುತ್ತಿದ್ದು, ಇದರಿಂದ ಇಬ್ಬರ ನಡುವೆ ದ್ವೇಷ ಬೆಳೆದಿದೆ. ಈ ಹಿನ್ನಲೆಯಲ್ಲಿ ಆರೋಪಿಗಳು ಸಂಚು ರೂಪಿಸಿ ಕೊಲೆ ಮಾಡಿ ಪೊಲೀಸರ ಬಂಧನಕ್ಕೆ ಒಳಗಾಗಿದ್ದಾರೆ. ತನಿಖಾ ತಂಡದ ಕಾರ್ಯವನ್ನು ಎಸ್ಪಿ ಬಿ.ನಿಖಿಲ್​ ಶ್ಲಾಘಿಸಿದ್ದಾರೆ.