ಜಮ್ಮು-ಕಾಶ್ಮೀರದ ದೋಡಾದಲ್ಲಿ ಹಿಜ್ಬುಲ್ ಉಗ್ರ ಹರೂನ್ ಹಫಾಜ್​ ಎನ್​ಕೌಂಟರ್​ಗೆ ಬಲಿ: ಭಾರತೀಯ ಸೇನೆಯ ಮಹತ್ವದ ಕಾರ್ಯಾಚರಣೆ

ಶ್ರೀನಗರ: ಮಹತ್ವದ ಬೆಳವಣಿಗೆಯೊಂದರಲ್ಲಿ ಹಿಜ್ಬುಲ್ ಮುಜಾಹಿದ್ದೀನ್​ನ ಜಿಲ್ಲಾ ಕಮಾಂಡರ್​ ಹರೂನ್ ಹಫಾಜ್ ಎಂಬ ಉಗ್ರನನ್ನು ಭಾರತೀಯ ಸೇನಾ ಪಡೆ ಎನ್​ಕೌಂಟರ್ ಒಂದರಲ್ಲಿ ಹೊಡೆದುರುಳಿಸಿದೆ.

ಕಾಶ್ಮೀರದ ದೋಡಾದಲ್ಲಿ ಈ ಕಾರ್ಯಾಚರಣೆ ನಡೆದಿದ್ದು, ಹೆಚ್ಚಿನ ಮಾಹಿತಿ ಇನ್ನಷ್ಟೇ ಲಭ್ಯವಾಗಬೇಕಾಗಿದೆ. ಉಗ್ರ ನಿಗ್ರಹದ ಕಾರ್ಯಾಚರಣೆಯನ್ನು ಸೇನಾಪಡೆ ಮುಂದುವರಿಸಿದ್ದು, ದೇಶ ವಿರೋಧಿ ಕೃತ್ಯದಲ್ಲಿ ತೊಡಗಿರುವ ಉಗ್ರರ ಶೋಧ ಕಾರ್ಯ ತ್ವರಿತವಾಗಿ ನಡೆದಿದೆ.

ಪಾಕಿಸ್ತಾನ ನಡೆಸುತ್ತಿರುವ ಛಾಯಾ ಸಮರದ ವಿಚಾರದಲ್ಲಿ ಸೇನಾ ಮುಖ್ಯಸ್ಥ ಜನರಲ್ ಎಂ.ಎಂ.ನರವಣೆ ಹೇಳಿಕೆ ನೀಡಿದ್ದ ಬೆನ್ನಲ್ಲೇ ಈ ಕಾರ್ಯಾಚರಣೆ ನಡೆದಿದ್ದು, ಭಾರತೀಯ ಸೇನೆಯ ನಿಗಾ ಎಷ್ಟರಮಟ್ಟಿಗೆ ಇದೆ ಎಂಬುದು ಜಗತ್ತಿಗೆ ಒಂದಿಲ್ಲೊಂದು ವಿಚಾರದಲ್ಲಿ ವೇದ್ಯವಾಗುತ್ತಿದೆ.