ಬೆಲೆಬಾಳುವ ವಸ್ತುಗಳು ದೇವಾಲಯದಲ್ಲಿಲ್ಲ: ಅರ್ಕೇಶ್ವರಸ್ವಾಮಿ ದೇವಾಲಯದಲ್ಲಿ ಹಲವಾರು ಬಾರಿ ಕಳ್ಳತನ ಯತ್ನಗಳು ನಡೆದಿರುವುದರಿಂದ ಹಾಗೂ ದೇವಸ್ಥಾನದ ಅಭಿವೃದ್ಧಿ ಕೆಲಸ ಕಾರ್ಯಗಳು ನಡೆಯುತ್ತಿರುವುದರಿಂದ ಬೆಲೆ ಬಾಳುವ ವಿಗ್ರಹಗಳು, ದೇವರ ಉತ್ಸವ ಮೂರ್ತಿ, ಇನ್ನಿತರ ಪೂಜಾ ಸಾಮಗ್ರಿಗಳನ್ನು ತಾಲೂಕು ಆಡಳಿತ ತನ್ನ ಸುಪರ್ದಿಯಲ್ಲಿ ಇಟ್ಟುಕೊಂಡಿದೆ. ಜಾತ್ರೆ ಹಾಗೂ ಹಬ್ಬ ಹರಿದಿನಗಳು ನಡೆಯುವ ಸಂದರ್ಭದಲ್ಲಿ ಮಾತ್ರ ಅವುಗಳನ್ನು ದೇವಾಲಯಕ್ಕೆ ತಂದು ಪೂಜೆ ಪುರಸ್ಕಾರಗಳು ಮುಗಿದ ಮೇಲೆ ಮತ್ತೆ ಅಲ್ಲಿಂದ ತೆಗೆದುಕೊಂಡು ಹೋಗಿ ಸುಭದ್ರವಾಗಿ ಇಡಲಾಗುತ್ತದೆ. ಇದರಿಂದಾಗಿ ದರೋಡೆ ಮಾಡಲು ಯತ್ನಿಸಿರುವ ಖದೀಮರಿಗೆ ಯಾವುದೇ ಬೆಲೆ ಬಾಳುವ ವಸ್ತುಗಳು ಸಿಕ್ಕಿಲ್ಲ.
