Overcoming Embarrassment: ಎಲ್ಲರ ಮುಂದೆ ಸಣ್ಣ ತಪ್ಪಾದಾಗ ಮುಜುಗರಗೊಂಡು ಜನರು ನಮ್ಮನ್ನು ಹೇಗೆ ನೋಡುತ್ತಿದ್ದಾರೆ ಎಂದು ಯೋಚಿಸುವುದು ಮನುಷ್ಯನ ಸಹಜ ಸ್ವಭಾವ. ಮನೋವಿಜ್ಞಾನದ ಭಾಷೆಯಲ್ಲಿ ಇದಕ್ಕೆ 'ಸ್ಪಾಟ್‌ಲೈಟ್ ಎಫೆಕ್ಟ್' ಮತ್ತು ಸಾಮಾಜಿಕ ಭೀತಿಯೇ ಕಾರಣ.
ಸ್ಪಾಟ್‌ಲೈಟ್ ಎಫೆಕ್ಟ್ ಸ್ಟೇಜ್ ಮೇಲೆ ಇರುವ ನಟನ ಮೇಲೆ ಹೇಗೆ ದೊಡ್ಡ ಲೈಟ್ ಬೀರಿರುತ್ತದೆಯೋ, ಹಾಗೆಯೇ ಎಲ್ಲರೂ ನಮ್ಮನ್ನೇ ಗಮನಿಸುತ್ತಿದ್ದಾರೆ ಎಂದು ನಾವೇ ಕಲ್ಪಿಸಿಕೊಳ್ಳುತ್ತೇವೆ. ನಮ್ಮ ಸಣ್ಣ ತಪ್ಪು ಎಲ್ಲರಿಗೂ ಎದ್ದು ಕಾಣುತ್ತದೆ ಎಂದು ಭಾವಿಸಿದರೂ, ವಾಸ್ತವದಲ್ಲಿ ಬೇರೆಯವರು ಅದನ್ನು ಗಮನಿಸುವುದೇ ಇಲ್ಲ.
ಸ್ವಯಂ ಪ್ರಜ್ಞೆ: ಸಾರ್ವಜನಿಕ ಜಾಗಗಳಲ್ಲಿ ಎಲ್ಲರ ಮುಂದೆ ನಮ್ಮ ಇಮೇಜ್ ಕಡಿಮೆಯಾಗಬಾರದು ಎನ್ನುವ ಕಾಳಜಿ ಹೆಚ್ಚಿರುತ್ತದೆ. ಇದರಿಂದ ಸಣ್ಣ ತಪ್ಪೂ ಸಹ ನಮಗೆ ದೊಡ್ಡದಾಗಿ ಕಾಣುತ್ತದೆ.
ಬೇರೆಯವರೂ ಅವರದೇ ಯೋಚನೆಯಲ್ಲಿರುತ್ತಾರೆ: ನಮಗೆ ನಮ್ಮ ತಪ್ಪು ದೊಡ್ಡದಾಗಿ ಕಂಡರೂ, ಉಳಿದವರು ತಮ್ಮದೇ ಕೆಲಸ, ಚಿಂತೆ ಅಥವಾ ವೈಯಕ್ತಿಕ ಸಮಸ್ಯೆಗಳ ಯೋಚನೆಯಲ್ಲಿರುತ್ತಾರೆ. ನೀವು ಮಾಡಿದ ತಪ್ಪನ್ನು ಅವರು ಕೆಲವೇ ಸೆಕೆಂಡುಗಳಲ್ಲಿ ಮರೆತುಬಿಡುತ್ತಾರೆ.
ಸಾಮಾಜಿಕ ಒಪ್ಪಿಗೆಯ ಬಯಕೆ: ಸುತ್ತಮುತ್ತಲಿನ ಜನ ನಮ್ಮನ್ನು ಒಪ್ಪಿಕೊಳ್ಳಬೇಕು ಎಂಬ ಬಯಕೆ ಇರುವುದರಿಂದ, ತಪ್ಪು ಮಾಡಿದಾಗ ‘ಅವರು ನಮ್ಮನ್ನು ಕೀಳಾಗಿ ಕಾಣುತ್ತಾರೇನೋ’ ಎನ್ನುವ ಭಯ ಮೂಡುತ್ತದೆ.
