ಮಂಡ್ಯ ಜಿಲ್ಲೆ ನಾಗಮಂಗಲದ ದರ್ಗಾ ಬಳಿ ಗಣೇಶ ಮೂರ್ತಿ ಮೆರವಣಿಗೆ ತೆರಳುತ್ತಿದ್ದ ಸಂದರ್ಭದಲ್ಲಿ ನಡೆದ ಕಲ್ಲು ತೂರಾಟ ಘಟನೆಯಿಂದ ಹಿಂದು ಸಮಾಜ ಆತಂಕಗೊಂಡಿದೆ. ನಿಷೇಧಿತ ಸಂಘಟನೆಗಳು ಕೋಮು ಸೌಹಾರ್ದ ಕದಡುವ ದೃಷ್ಟಿಯಿಂದ ಕಲ್ಲು ತೂರಾಟ ನಡೆಸಿರುವ ಅನುಮಾನವಿದೆ. ಶಿವಮೊಗ್ಗದಲ್ಲೂ ಈ ರೀತಿ ಘಟನೆಗಳು ನಡೆಯುವ ಸಾಧ್ಯತೆಯಿದೆ. ಜಿಲ್ಲೆಯಲ್ಲಿ ರಕ್ಷಣಾ ಇಲಾಖೆ ಎಚ್ಚರಿಕೆಯಿಂದ ಕಾರ್ಯನಿರ್ವಹಿಸಬೇಕು ಎಂದು ಮನವಿಯಲ್ಲಿ ತಿಳಿಸಲಾಗಿದೆ.
ಕಳೆದ ವರ್ಷ ರಾಗಿಗುಡ್ಡದಲ್ಲಿ ಕೋಮು ಸೌಹಾರ್ದ ಕದಡುವ ಹುನ್ನಾರ ನಡೆಸಲಾಗಿತ್ತು. ಆ ಘಟನೆಯಿಂದ ಹಿಂದುಗಳ ಮನದಲ್ಲಿ ಭಯ ಸೃಷ್ಟಿಯಾಗಿತ್ತು. ಈ ವರ್ಷ ಯಾವುದೇ ಅಹಿತಕರ ಘಟನೆಗಳು ನಡೆಯಬಾರದು ಎಂದಾದಲ್ಲಿ ಈದ್ ಮಿಲಾದ್ ಮೆರವಣಿಗೆಗೆ ಅವಕಾಶ ನೀಡಬಾರದು ಎಂದು ಮನವಿಯಲ್ಲಿ ಆಗ್ರಹಿಸಲಾಗಿದೆ.
ಪ್ರಮುಖರಾದ ಸುರೇಶ್ ಬಾಬು, ರಾಜೇಶ್ ಗೌಡ, ಅಂಕುಶ್, ನಾಗೇಶ್, ಅರ್ಜುನ್ ಮುಂತಾದವರಿದ್ದರು.
