'ಘಾಟಿ' ನಾಯಕಿ 'ಸ್ವೀಟಿ' ಕೈಯಲ್ಲಿವೆ ಬರೋಬ್ಬರಿ 7 ಸಿನಿಮಾಗಳು!? ಯಾವ ಭಾಷೆಯ ಚಿತ್ರಗಳಿವು | Anushka Shetty

Anushka Shetty: ಕರಾವಳಿ ಬೆಡಗಿ, ನಟಿ ಅನುಷ್ಕಾ ಶೆಟ್ಟಿ ಅಭಿನಯದ ಬಹುನಿರೀಕ್ಷಿತ ‘ಘಾಟಿ’ ಚಿತ್ರದ ರಿಲೀಸ್​ ಕುರಿತು ನಟಿಯ ಅಭಿಮಾನಿಗಳು ಮತ್ತು ಸಿನಿಪ್ರಿಯರು ತೀವ್ರ ಕುತೂಹಲ ವ್ಯಕ್ತಪಡಿಸಿದ್ದಾರೆ. ಕ್ರಿಶ್ ನಿರ್ದೇಶನದ ಹಾಗೂ ಅನುಷ್ಕಾ ನಟಿಸಿರುವ ಈ ಚಿತ್ರದ ಚಿತ್ರೀಕರಣ ಸೇರಿದಂತೆ ಬಹುತೇಕ ಕೆಲಸಗಳು ಈಗಾಗಲೇ ಪೂರ್ಣಗೊಂಡಿದ್ದು, ಸಿನಿಮಾ ಇನ್ನೇನು ತೆರೆಗೆ ಅಪ್ಪಳಿಸುವುದು ಮಾತ್ರ ಬಾಕಿ ಉಳಿದಿದೆ. ಈ ಮಧ್ಯೆ ಕುತೂಹಲಕಾರಿ ಸುದ್ದಿಯೊಂದು ಹರಿದಾಡುತ್ತಿದ್ದು, ಪ್ರಸ್ತುತ ಅನುಷ್ಕಾ ಕೈಯಲ್ಲಿ 7 ಚಿತ್ರಗಳಿವೆ ಎಂದು ಹೇಳಲಾಗಿದೆ.

ಇದನ್ನೂ ಓದಿ: ಕಾಶ್ಮೀರದ ಬಂಡಿಪೋರಾದಲ್ಲಿ LeT ಕಮಾಂಡರ್​ ಅಲ್ತಾಫ್​ ಲಲ್ಲಿಯನ್ನು ಹೊಡೆದುರುಳಿಸಿದ ಭಾರತೀಯ ಸೇನೆ! LeT commander Altaf Lalli

'ಅರುಂಧತಿ', 'ಬಿಲ್ಲಾ', 'ವೇದಂ', 'ಪಂಚಾಕ್ಷರಿ', 'ಖಲೇಜಾ', 'ಮಿರ್ಚಿ', 'ಬಾಹುಬಲಿ', 'ಭಾಗಮತಿ', 'ಸೈಜ್ ಝೀರೋ' ಸೇರಿದಂತೆ ಮುಂತಾದ ಚಿತ್ರಗಳಲ್ಲಿ ಅನುಷ್ಕಾ ಮಿಂಚಿದ್ದಾರೆ. ಸೂಪರ್​ ಹಿಟ್​, ಬ್ಲಾಕ್​ಬಸ್ಟರ್​ ಸಿನಿಮಾಗಳನ್ನು ನೀಡಿರುವ ಸ್ವೀಟಿ, ಈಗ ತಮ್ಮ ಮುಂಬರುವ ಬಹುನಿರೀಕ್ಷಿತ ಘಾಟಿ ರಿಲೀಸ್​ಗೆ ಎದುರುನೋಡುತ್ತಿದ್ದಾರೆ. ಇದೆಲ್ಲದರ ನಡುವೆ ಸದ್ದಿಲ್ಲದ್ದಂತೆ ಬರೋಬ್ಬರಿ 7 ಸಿನಿಮಾಗಳಲ್ಲಿ ಸಖತ್ ಬಿಜಿಯಾಗಿರುವ ಅನುಷ್ಕಾ, ಇದ್ಯಾವುದರ ಮಾಹಿತಿಯನ್ನು ಬಿಟ್ಟುಕೊಡದೆ ಕೆಲಸ ಮಾಡುತ್ತಿರುವುದು ಗಮನಾರ್ಹ.

ಏಳು ಸಿನಿಮಾಗಳ ಸುದ್ದಿ ವದಂತಿಯೇ?

ಸಿನಿ ವರದಿಗಳ ಪ್ರಕಾರ, ಪ್ರಸ್ತುತ ಅನುಷ್ಕಾ ಅವರು 'ಘಾಟಿ' ಮತ್ತು ಮಲಯಾಳಂನ 'ಕಥನಾರ್' ಚಿತ್ರದಲ್ಲಿ ಅಭಿನಯಿಸಿದ್ದಾರೆ. ಈ ಸಿನಿಮಾಗಳು ಶೀಘ್ರವೇ ತೆರೆಗೆ ಬರಲು ಸಜ್ಜಾಗಿವೆ. ಇದರೊಂದಿಗೆ ಅನುಷ್ಕಾ ಕೈಯಲ್ಲಿ ಈ ಎರಡು ಚಿತ್ರಗಳು ಸೇರಿದಂತೆ ಒಟ್ಟು ಏಳು ಸಿನಿಮಾಗಳಿವೆ. ಆದರೆ, ತಮ್ಮ ನಿರ್ದೇಶಕರು ಮತ್ತು ನಿರ್ಮಾಪಕರಿಗೆ ಸಿನಿಮಾ ಕುರಿತಂತೆ ಯಾವ ಮಾಹಿತಿಯನ್ನು ಬಹಿರಂಗಪಡಿಸದಂತೆ ತಿಳಿಸಿದ್ದಾರೆ ಎನ್ನಲಾಗಿದೆ.

ಇದನ್ನೂ ಓದಿ: ಬೇಸಿಗೆಯ ಸಮಯದಲ್ಲಿ ಫ್ರಿಡ್ಜ್​ಅನ್ನು 24 ಗಂಟೆ ಆನ್ ಮಾಡುತ್ತೀರಾ; ಹಾಗಾದ್ರೆ ಅದನ್ನು ಯಾವಾಗ ಆಫ್​ ಮಾಡಬೇಕು? Fridge

ತೆಲುಗಿನಲ್ಲಿ ಮೂರು, ತಮಿಳಿನಲ್ಲಿ ಎರಡು ಮತ್ತು ಮಲಯಾಳಂನಲ್ಲಿ ಎರಡು ಸಿನಿಮಾಗಳಲ್ಲಿ ಅನುಷ್ಕಾ ನಟಿಸುತ್ತಿದ್ದು, ಅವುಗಳ ಪೈಕಿ ಒಂದರಲ್ಲಿ ನಟ ಪ್ರಭಾಸ್ ಜೊತೆ ನಟಿಸುತ್ತಿದ್ದಾರೆ ಎಂಬ ವದಂತಿ ಇದೆ. ಅಸಲಿಗೆ ಇದು ಎಷ್ಟರ ಮಟ್ಟಿಗೆ ನಿಜ ಎಂಬುದು ಇನ್ನೂ ಸ್ಪಷ್ಟವಾಗಿಲ್ಲ. ಈ ಕುರಿತು ಅಧಿಕೃತ ಘೋಷಣೆ ಹೊರಬೀಳುವವರೆಗೂ ನಿರೀಕ್ಷಿಸಬೇಕಿದೆ,(ಏಜೆನ್ಸೀಸ್).

https://www.vijayavani.net/varun-aaron-wants-virat-to-say-this