Schoolಗೆ ಹೋಗುವುದು ಇಷ್ಟವಿರಲಿಲ್ಲ..ತಾಯಿ ಸೀರೆಯಲ್ಲೇ ಪ್ರಾಣ ಬಿಟ್ಟ 11 ವರ್ಷದ ಬಾಲಕ!

ಆಂಧ್ರಪ್ರದೇಶ: ಆಟವಾಡುತ್ತಾ, ಓದುತ್ತಾ ಶಾಲೆಗೆ ( School ) ಹೋಗಬೇಕಿದ್ದ ಬಾಲಕ ಪೋಷಕರಿಗೆ ಪ್ರಾಣ ಬೆದರಿಕೆ ಹಾಕಿದ ಆತನೇ ಪ್ರಾಣವನ್ನೇ ಕಳೆದುಕೊಂಡಿದ್ದಾನೆ.  ಗುಂಟೂರಿನ ಅನಂತವರಂನಲ್ಲಿ ಈ ಭಯಾನಕ ಘಟನೆ ನಡೆದಿದೆ.

ಗುಂಟೂರು ಜಿಲ್ಲೆಯ ಅನಂತವರಂ ಗ್ರಾಮದ ದಂಪತಿಗೆ ಇಬ್ಬರು ಮಕ್ಕಳಿದ್ದಾರೆ. ಪಾಲಕರು ಕಷ್ಟಪಟ್ಟು ದುಡಿದು ಮಕ್ಕಳಿಬ್ಬರಿಗೂ ಶಿಕ್ಷಣ ಕೊಡಿಸುತ್ತಿದ್ದಾರೆ. ಎರಡನೇ ಮಗ (11) ಗ್ರಾಮದ ಜಿಲ್ಲಾ ಪರಿಷತ್‌ ಶಾಲೆಯಲ್ಲಿ ಓದುತ್ತಿದ್ದಾನೆ. ಹುಡುಗನಿಗೆ ಶಾಲೆಗೆ ಹೋಗುವುದು ಇಷ್ಟವಿರಲಿಲ್ಲ. ಇದರಿಂದ ದಿನವೂ ಶಾಲೆಗೆ ಹೋಗದಂತೆ ಏನಾದರೂ ಕಾರಣ ನೀಡಿ ನಟಿಸುತ್ತಿದ್ದ. ನ.21ರಂದು ಬೆಳಗ್ಗೆ ಮನೆಯಲ್ಲಿ ಯಾರೂ ಇಲ್ಲದ ವೇಳೆ ಕೊಠಡಿಯೊಳಗೆ ಹೋಗಿ ಹಾಸಿಗೆ ಮೇಲೆ ಏರಿ ತನ್ನ ತಾಯಿಯ ಸೀರೆಯನ್ನು ಫ್ಯಾನುಗೆ ಕಟ್ಟಿದ್ದ. ನಂತರ ಅವನು ಅದನ್ನು ತನ್ನ ಕುತ್ತಿಗೆಗೆ ಬಿಗಿಯಾಗಿ ಬಿಗಿದುಕೊಂಡು ಪ್ರಾಣ ಬಿಟ್ಟಿದ್ದಾನೆ. ಆಟವಾಡಲು ಅಲ್ಲಿಗೆ ಬಂದ ಮತ್ತೊಬ್ಬ ಬಾಲಕ ಇದನ್ನು ಗಮನಿಸಿ ತಕ್ಷಣ ಕೂಗಿ ಸುತ್ತಲಿನ ಸ್ಥಳೀಯರಿಗೆ  ತಿಳಿಸಿದ್ದಾನೆ.

ಬಂದು ಬಾಲಕನನ್ನು ಕೆಳಗಿಳಿಸಿದಾಗ ಪ್ರಜ್ಞೆ ತಪ್ಪಿ ಬಿದ್ದಿರುವುದು ಗಮನಕ್ಕೆ ಬಂದಿದೆ. ತಕ್ಷಣ ಬಾಲಕನನ್ನು ತುಲ್ಲೂರು ಪಿಎಚ್‌ಸಿಗೆ ಚಿಕಿತ್ಸೆಗಾಗಿ ರವಾನಿಸಲಾಗಿದೆ. ಅಲ್ಲಿಂದ ಉತ್ತಮ ಚಿಕಿತ್ಸೆಗಾಗಿ ಗುಂಟೂರು ಸರ್ಕಾರಿ ಆಸ್ಪತ್ರೆಗೆ ಕರೆದೊಯ್ಯಲಾಯಿತು. ಅಲ್ಲಿ ಅವರು ಕಳೆದ 12 ದಿನಗಳಿಂದ ವೆಂಟಿಲೇಟರ್‌ನಲ್ಲಿ ಸಾವಿನೊಂದಿಗೆ ಹೋರಾಡಿದ ಬಾಲಕ  ನಿನ್ನೆ ಕೊನೆಯುಸಿರೆಳೆದಿದ್ದಾನೆ. ಮಾಹಿತಿ ಪಡೆದ ಪೊಲೀಸರು ಸ್ಥಳಕ್ಕಾಗಮಿಸಿ ಮೃತದೇಹವನ್ನು ಮರಣೋತ್ತರ ಪರೀಕ್ಷೆಯ ನಂತರ ಕುಟುಂಬಸ್ಥರಿಗೆ ಹಸ್ತಾಂತರಿಸಿದ್ದಾರೆ.

ಶಾಲೆಗೆ ಹೋಗದ ಕಾರಣ ಪೋಷಕರಿಗೆ ಬೆದರಿಕೆ ಹಾಕಲು ಸೀರೆಯಿಂದ ನೇಣು ಬಿಗಿದುಕೊಂಡು ಆತ್ಮಹತ್ಯೆ ಮಾಡಿಕೊಳ್ಳುವಂತೆ ಹೆದರಿಸಲು ಮುಂದಾಗಿದ್ದಾನೆ. ಆದರೆ ದುರಾದೃಷ್ಟವಶಾತ್ ಬಾಲಕನ ಕತ್ತು ಹಿಸುಕಿದ್ದರಿಂದ ಬಾಲಕ ಪ್ರಾಣ ಕಳೆದುಕೊಂಡಿರಬಹುದು ಎಂದು ಪೊಲೀಸರು ಹೇಳುತ್ತಿದ್ದಾರೆ.