ಗುರು ಗ್ರಹದ ಮಾಸ್ಟರ್ ಪ್ಲಾನ್
ಬೆನ್ನು ಕ್ಷುದ್ರಗ್ರಹ ಸೌರಮಂಡಲದ ಹೊರಭಾಗದಲ್ಲಿ ಹುಟ್ಟಿರಬಹುದು ಎಂಬ ಹಳೆಯ ನಂಬಿಕೆಯನ್ನು ಈ ಸಂಶೋಧನೆ ಸುಳ್ಳಾಗಿಸಿದೆ. ಸೌರಮಂಡಲದ ಆರಂಭದಲ್ಲೇ ರೂಪುಗೊಂಡ ಬೃಹತ್ ಗುರು ಗ್ರಹವು ತನ್ನ ಅಗಾಧ ಗುರುತ್ವಾಕರ್ಷಣೆಯಿಂದ ದೊಡ್ಡ ಕಲ್ಲುಗಳನ್ನು ತಡೆದು, ಸಣ್ಣ ಧೂಳಿನ ಕಣಗಳನ್ನು 'ನೀರು-ಹಿಮದ ಗಡಿ' (Water-ice line) ಪ್ರದೇಶಕ್ಕೆ ತಳ್ಳಿತ್ತು. ಹೀಗೆ ಸೌರಮಂಡಲದ ವಿವಿಧ ಭಾಗಗಳ ಧೂಳಿನ ಕಣಗಳು ಒಂದಾಗಿ ಬೆನ್ನು, ರಷ್ಯೂಗು ಮತ್ತು ಸಿಐ ಉಲ್ಕಾಪಿಂಡಗಳು ಸೃಷ್ಟಿಯಾಗಿವೆ ಎಂದು ವಿಜ್ಞಾನಿಗಳು ಪತ್ತೆ ಹಚ್ಚಿದ್ದಾರೆ.
ಭೂಮಿಯ ಸೃಷ್ಟಿಗೆ ಬೆನ್ನು ಸಾಕ್ಷಿ
ಬೆನ್ನು ಕ್ಷುದ್ರಗ್ರಹದಲ್ಲಿ ನೀರಿನ ಕಣಗಳು ಮತ್ತು ಸೂರ್ಯನಲ್ಲಿ ಕಂಡುಬರುವ ಮೂಲ ಧಾತುಗಳ ರಾಸಾಯನಿಕ ಮಿಶ್ರಣವಿದೆ. ಅಂದರೆ, ಭೂಮಿ ಮತ್ತು ಇತರ ಗ್ರಹಗಳು ಸೃಷ್ಟಿಯಾಗಲು ಬೇಕಾದ ಮೂಲ ಸಾದನ ಸಂಪತ್ತು ಹೇಗೆ ಒಂದಾಯಿತು ಎಂಬುದನ್ನು ಅರ್ಥಮಾಡಿಕೊಳ್ಳಲು ಬೆನ್ನು ಸ್ಯಾಂಪಲ್ ನೆರವಾಗಿದೆ.
ಇದನ್ನೂ ಓದಿ: DRDO ರಹಸ್ಯ ಮಾಹಿತಿ ಲೀಕ್: ಹನಿಟ್ರ್ಯಾಪ್‌ ಬಲೆಗೆ ಬಿದ್ದನಾ ಮಾಜಿ ಆರ್ಮಿ ಕ್ಯಾಪ್ಟನ್? | DRDO Secret Leak
ಮುಂದಿನ ಹೆಜ್ಜೆ ಮಂಗಳನ ಚಂದ್ರನತ್ತ
ಈ ರೋಚಕ ಸಂಶೋಧನೆಯ ಬೆನ್ನಲ್ಲೇ ವಿಜ್ಞಾನಿಗಳ ದೃಷ್ಟಿ ಈಗ ಮಂಗಳ ಗ್ರಹದ ಚಂದ್ರ 'ಫೋಬೋಸ್' (Phobos) ಮೇಲಿದೆ. ಜಪಾನ್‌ನ 'ಜಾಕ್ಸಾ' (JAXA) ಬಾಹ್ಯಾಕಾಶ ಸಂಸ್ಥೆಯು 2026ರ ಕೊನೆಯಲ್ಲಿ ಫೋಬೋಸ್‌ಗೆ ನೌಕೆ ಕಳುಹಿಸುತ್ತಿದ್ದು, 2031ರ ವೇಳೆಗೆ ಅದರ ಸ್ಯಾಂಪಲ್ ಭೂಮಿಗೆ ಬರಲಿದೆ. ಆ ಮಾದರಿಗಳು ಲಭ್ಯವಾದರೆ ಸೌರಮಂಡಲದ ಸೃಷ್ಟಿಯ ಇನ್ನೂ ಹಲವು ರಹಸ್ಯಗಳು ಹೊರಬರಲಿವೆ. (ಏಜೆನ್ಸೀಸ್)
