ಅಮುಲ್​ ಹಾಲಿನ ದರ ಲೀಟರ್​ಗೆ 2 ರೂಪಾಯಿ ಏರಿಕೆ; ನಾಳೆಯಿಂದಲೇ ಜಾರಿ..

ನವದೆಹಲಿ: ಹಾಲು ಹಾಗೂ ಹಾಲಿನ ಉತ್ಪನ್ನಗಳ ಮುಂಚೂಣಿ ಸಂಸ್ಥೆಗಳಲ್ಲಿ ಒಂದಾಗಿರುವ ಅಮುಲ್, ಹಾಲಿನ ದರವನ್ನು ನಾಳೆಯಿಂದಲೇ ಜಾರಿಗೆ ಬರುವಂತೆ ಹೆಚ್ಚಿಸಲಿದೆ. ಅಂದರೆ ನಾಳೆಯಿಂದ ಅಮುಲ್ ಹಾಲಿಗೆ ಲೀಟರ್​ಗೆ 2 ರೂಪಾಯಿ ಹೆಚ್ಚು ನೀಡಬೇಕಿದೆ.

ಹಾಲಿನ ಬೆಲೆಯನ್ನು ಲೀಟರ್​ಗೆ 2 ರೂಪಾಯಿಯಂತೆ ಹೆಚ್ಚಿಸುವುದಾಗಿ ಅಮುಲ್​ ಸೋಮವಾರ ಪ್ರಕಟಿಸಿದೆ. ದೇಶಾದ್ಯಂತ ಜಾರಿಗೆ ಬರಲಿರುವ ಈ ಪರಿಷ್ಕೃತ ದರ ಎಲ್ಲ ಥರದ ಹಾಲಿಗೂ ಅನ್ವಯಿಸಲಿದೆ.

ಇದನ್ನೂ ಓದಿ: ವೇದಿಕೆಯಲ್ಲಿ ಪತ್ನಿಯನ್ನು ಕೂರಿಸಿಕೊಂಡ ರೇಣುಕಾಚಾರ್ಯ; ಸರ್ಕಾರಿ ಕಾರ್ಯಕ್ರಮದಲ್ಲಿ ಶಿಷ್ಟಾಚಾರ ಉಲ್ಲಂಘನೆ

ಅರ್ಧ ಲೀಟರ್​ ಅಮುಲ್​ ಗೋಲ್ಡ್​ ಹಾಲಿನ ಬೆಲೆ ನಾಳೆಯಿಂದ ರೂ. 30 ಆಗಲಿದೆ. ಅಮುಲ್​ ತಾಜಾ (ಟೋನ್ಡ್​ ಮಿಲ್ಕ್​) ಅರ್ಧ ಲೀಟರ್​ಗೆ 24 ಹಾಗೂ ಅಮುಲ್ ಶಕ್ತಿ ಹಾಲು ಅರ್ಧ ಲೀಟರ್​ಗೆ 27 ರೂಪಾಯಿಯಂತೆ ನಾಳೆಯಿಂದ ಮಾರಾಟವಾಗಲಿವೆ. ಸದ್ಯ ಅಮುಲ್​ ಗೋಲ್ಡ್​ ಲೀಟರ್​ಗೆ 58 ಹಾಗೂ ಅಮುಲ್ ತಾಜಾ ಹಾಲು ಲೀಟರ್​ಗೆ 48 ರೂಪಾಯಿಯಂತೆ ಮಾರಾಟವಾಗುತ್ತಿದೆ.

https://www.vijayavani.net/sub-registrar-office-working-duration-extended/

https://www.vijayavani.net/fraud-by-police-constable-woman-gave-complaint/