ಈ ಬಗ್ಗೆ ಜನಪ್ರಿಯ ಸಾಮಾಜಿಕ ಮಾಧ್ಯಮ ಪ್ಲಾಟ್ಫಾರ್ಮ್ ರೆಡ್ಡಿಟ್ನಲ್ಲಿ ವಿವರಿಸಿರುವ ಅವರು, 2003ರಲ್ಲಿ ನಾಸಿಕ್ನಲ್ಲಿ ನಡೆದ ‘ಖಾಕಿ’ ಶೂಟಿಂಗ್ ಅಪಘಾತವನ್ನು ಮರೆಯಲು ಸಾಧ್ಯವಿಲ್ಲ. ಕಾರು ನಿಯಂತ್ರಣ ತಪ್ಪಿ ಐಶ್ವರ್ಯ ರೈ ಕುಳಿತಿದ್ದ ಕುರ್ಚಿಗೆ ಡಿಕ್ಕಿ ಹೊಡೆದಿದೆ. ಈ ಅಪಘಾತದಲ್ಲಿ ಆಕೆ ತೀವ್ರವಾಗಿ ಗಾಯಗೊಂಡಿದ್ದರಿಂದ ಆಕೆಯನ್ನು ಮುಂಬೈಗೆ ಕರೆದೊಯ್ಯಲು ಬಯಸಿದ್ದೆವು. ಕೂಡಲೇ ಐಶ್ವರ್ಯಾಳನ್ನು ಅನಿಲ್ ಅಂಬಾನಿ ಅವರ ಖಾಸಗಿ ವಿಮಾನದಲ್ಲಿ ಕರೆದುಕೊಂಡು ಹೋದೆವು. ನಾಸಿಕ್ನಲ್ಲಿ ರಾತ್ರಿ ಲ್ಯಾಂಡಿಂಗ್ ಸೌಲಭ್ಯವಿಲ್ಲದ ಕಾರಣ ಅಲ್ಲಿಂದ ಸ್ವಲ್ಪ ದೂರದಲ್ಲಿರುವ ಸೇನಾ ನೆಲೆಯಲ್ಲಿ ವಿಮಾನವನ್ನು ಇಳಿಸಲು ದೆಹಲಿಯಿಂದ ಅನುಮತಿ ಪಡೆದೆವು. ಆದರೆ ಅದೊಂದು ಸಣ್ಣ ಘಟನೆ ಎಂದು ಎಲ್ಲರೂ ತಳ್ಳಿ ಹಾಕಿದ್ದಾರೆ. ಅವಳ ಗಾಯಗಳನ್ನು ನೋಡಿ ನನ್ನ ಹೃದಯ ಒಡೆದುಹೋಯಿತು. ಎರಡು ದಿನ ನಿದ್ದೆ ಬರಲಿಲ್ಲ ಎಂದು ತಿಳಿಸಿದ್ದಾರೆ.
