ಅಯೋಧ್ಯೆಯಲ್ಲಿ 54,000 ಚದರ ಅಡಿ ಭೂಮಿ ಖರೀದಿಸಿದ ಬಿಗ್​ಬಿ ಅಮಿತಾಭ್​ ಬಚ್ಚನ್; ಬೆಲೆ ಎಷ್ಟು ಗೊತ್ತಾ?​​ | Amitabh Bachchan

ಮುಂಬೈ: ಬಾಲಿವುಡ್​ ಬಿಗ್​ಬಿ ಅಮಿತಾಭ್​​​ ಬಚ್ಚನ್(Amitabh Bachchan) ಇತ್ತೀಚೆಗೆ ಆಸ್ತಿ ಖರೀದಿ ಮತ್ತು ಮಾರಾಟದ ಕಾರಣದಿಂದಾಗಿ ಸುದ್ದಿಯಲ್ಲಿದ್ದಾರೆ. ಅವರು ಕಳೆದ ವರ್ಷ 2024ರಲ್ಲಿ ಅಯೋಧ್ಯೆಯಲ್ಲಿ 14.5 ಕೋಟಿ ರೂಪಾಯಿಗೆ ಭೂಮಿಯನ್ನು ಖರೀದಿಸಿದ್ದರು. ಇದು 10,000 ಚದರ ಅಡಿಗಳಷ್ಟು ವಿಸ್ತಾರವಾಗಿದೆ ಮತ್ತು ರಾಮ ದೇವಾಲಯದಿಂದ ಕೇವಲ 15 ನಿಮಿಷಗಳ ದೂರದಲ್ಲಿದೆ.

ಇದನ್ನು ಓದಿ: ಖರೀದಿಸಿದ 4 ವರ್ಷದಲ್ಲಿ ₹ 83 ಕೋಟಿಗೆ ಡ್ಯೂಪ್ಲೆಕ್ಸ್ ಅಪಾರ್ಟ್‌ಮೆಂಟ್ ಮಾರಾಟ ಮಾಡಿದ ಬಿಗ್​​​ಬಿ ಅಮಿತಾಭ್; ಗಳಿಸಿದ ಲಾಭ ಎಷ್ಟು ಗೊತ್ತಾ? | Amitabh Bachchan

ಈಗ ಅಯೋಧ್ಯೆಯಲ್ಲಿಯೇ ಎರಡನೇ ಬಾರಿಗೆ ಬಾಲರಾಮ ಅವರ ಜನ್ಮಸ್ಥಳದಿಂದ 10 ಕಿಲೋಮೀಟರ್ ದೂರದಲ್ಲಿ 54,454 ಚದರ ಅಡಿ ಭೂಮಿಯನ್ನು ಖರೀದಿಸಿದ್ದಾರೆ. ಅಯೋಧ್ಯೆಯಲ್ಲಿ ಹರಿವಂಶ್ ರಾಯ್ ಬಚ್ಚನ್ ಟ್ರಸ್ಟ್ ಖರೀದಿಸಿದ ಭೂಮಿಯಲ್ಲಿ ಅಮಿತಾಭ್​​ ಅವರ ತಂದೆ ಮತ್ತು ಕವಿ ಹರಿವಂಶ್ ರಾಯ್ ಬಚ್ಚನ್ ಅವರ ಸ್ಮಾರಕವನ್ನು ನಿರ್ಮಿಸಬಹುದು ಎಂದು ಹೇಳಲಾಗುತ್ತಿದೆ. ಈಗ ಖರೀದಿಸಿರುವ ಭೂಮಿಯು ತಿಹುರಾ ಮಂಜಾದಲ್ಲಿದೆ ಮತ್ತು ಇದಕ್ಕಾಗಿ 86 ಲಕ್ಷ ರೂಪಾಯಿಗಳನ್ನು ಖರ್ಚು ಮಾಡಲಾಗಿದೆ. ಕಳೆದ ವರ್ಷ ಖರೀದಿಸಿದ ಭೂಮಿಯ ಬೆಲೆಗಿಂತ ಈ ಬಾರಿ ಕಡಿಮೆ ಬೆಲೆಗೆ ಖರೀದಿಸಲಾಗಿದೆ. ಈ ಎರಡೂ ಬಾರಿಯೂ ನಟ ಮತ್ತು ಟ್ರಸ್ಟ್ ಪರವಾಗಿ ರಾಜೇಶ್ ರಿಷಿಕೇಶ್ ಯಾದವ್ ಭೂಮಿಯನ್ನು ಖರೀದಿಸಿದ್ದಾರೆ.

ಈ ಭೂಮಿಯ ನೋಂದಣಿಯನ್ನು 2025 ಜನವರಿ 31ರಂದು ಮಾಡಲಾಗಿದ್ದು, ಇದನ್ನು ಮುಂಬೈ ಮೂಲದ ಡೆವಲಪರ್ ದಿ ಹೌಸ್ ಆಫ್ ಅಭಿನಂದನ್ ಲೋಧಾ (HoABL) ನಿಂದ ಖರೀದಿಸಲಾಗಿದೆ ಎಂದು ಡಿಎನ್‌ಎ ವರದಿ ಮಾಡಿದೆ. ಕಳೆದ ವರ್ಷವೂ ಸಹ ನಟ ಅದೇ ಕಂಪನಿಯಿಂದ ಭೂಮಿಯನ್ನು ಖರೀದಿಸಿದ್ದರು. ಈ ವಿಚಾರವನ್ನು ಆ ಕಂಪನಿಯೇ ದೃಢಪಡಿಸಿತ್ತು. ರಾಮ ಮಂದಿರದಿಂದ 15 ನಿಮಿಷಗಳ ದೂರದಲ್ಲಿದೆ ಮತ್ತು ವಿಮಾನ ನಿಲ್ದಾಣವು 30 ನಿಮಿಷಗಳ ದೂರದಲ್ಲಿದೆ ಎಂದು ಹೇಳಲಾಗಿತ್ತು.

ಅಮಿತಾಭ್​ ಬಚ್ಚನ್ ಮುಂಬೈನಲ್ಲಿ ಹಲವು ಆಸ್ತಿಗಳನ್ನು ಹೊಂದಿದ್ದಾರೆ. ಅವರ ಮರಣದ ನಂತರ ಎಲ್ಲವನ್ನೂ ಅವರ ಮಗ ಮತ್ತು ಮಗಳ ನಡುವೆ ಸಮಾನವಾಗಿ ಹಂಚಲಾಗುತ್ತದೆ. ಇಬ್ಬರೂ ಅದರ ಮೇಲೆ ಮಾಲೀಕತ್ವದ ಹಕ್ಕುಗಳನ್ನು ಹೊಂದಿರುತ್ತಾರೆ ಎಂದು ಸ್ವತಃ ಬಿಗ್​​ಬಿ ಅವರೇ ಸಂದರ್ಶನವೊಂದರಲ್ಲಿ ಹೇಳಿದ್ದರು.(ಏಜೆನ್ಸೀಸ್​​)

https://www.vijayavani.net/kareena-kapoor-khan-breaks-silence-on-avoiding-intimate-scenes-onscreen