ಬ್ರಿಟಿಷ್ ಸರ್ಕಾರ & ಕಿಂಗ್ ಚಾರ್ಲ್ಸ್ 'ಕೇಸರಿ 2' ನೋಡಲೇಬೇಕು; ಅಕ್ಷಯ್​ ಕುಮಾರ್​ ಹೀಗೇಳಿದ್ದೇಕೆ? | Akshay Kumar

ಮುಂಬೈ: ಅಕ್ಷಯ್ ಕುಮಾರ್(Akshay Kumar) ಅಭಿನಯದ 'ಕೇಸರಿ 2' ಚಿತ್ರ ಶೀಘ್ರದಲ್ಲೇ ಬಿಡುಗಡೆಯಾಗಲಿದೆ. ಇತ್ತೀಚೆಗೆ ಈ ಸಿನಿಮಾ ಕುರಿತು ಮಾತನಾಡಿದ ನಟ, ಬ್ರಿಟಿಷ್ ಸರ್ಕಾರ ಮತ್ತು ಕಿಂಗ್ ಚಾರ್ಲ್ಸ್ ಕೂಡ ಈ ಚಿತ್ರವನ್ನು ನೋಡಬೇಕೆಂದು ಹೇಳಿದ್ದಾರೆ. 'ಕೇಸರಿ 2' ಚಿತ್ರವು ಸ್ವಾತಂತ್ರ್ಯ ಪೂರ್ವದಲ್ಲಿ ಬ್ರಿಟಿಷ್ ಜನರಲ್ ಡಯರ್ ನಡೆಸಿದ ಜಲಿಯನ್ ವಾಲಾ ಬಾಗ್ ಹತ್ಯಾಕಾಂಡವನ್ನು ಆಧರಿಸಿದೆ.

ಇದನ್ನು ಓದಿ: ‘ಕ್ರಿಶ್ 4’ ಸಿನಿಮಾದಲ್ಲಿ ಹೃತಿಕ್​ಗೆ ಜೋಡಿಯಾಗಲಿರುವ ಈ ನಟಿ ಯಾರು ಗೊತ್ತಾ?; ಆಕೆಯ ಆಯ್ಕೆಗೂ ಇದೆ ಒಂದು ಕಾರಣ | Krrish 4

ಬ್ರಿಟಿಷರ ಮನಸ್ಸಿನಲ್ಲಿ ಆ ಘಟನೆಯ ನೆನಪನ್ನು ರಿಫ್ರೆಶ್ ಮಾಡುವ ಮೂಲಕ ಏನನ್ನು ಸಾಧಿಸಲು ಆಶಿಸುತ್ತೀರಿ ಎಂದು ಅಕ್ಷಯ್​ ಕುಮಾರ್​ರನ್ನು ಕೇಳಲಾಯಿತು. ಅದಕ್ಕೆ ಉತ್ತರಿಸಿದ ಅವರು, ಬ್ರಿಟಿಷ್ ಸರ್ಕಾರ ಮತ್ತು ಕಿಂಗ್ ಚಾರ್ಲ್ಸ್ 'ಕೇಸರಿ 2' ಚಿತ್ರವನ್ನು ನೋಡಬೇಕೆಂದು ಬಯಸುತ್ತೇನೆ ಎಂದು ಹೇಳಿದರು.

ಇದು ಆ ಅವಧಿಯಲ್ಲಿ ಏನಾಯಿತು, ಭಾರತೀಯರಿಗೆ ಎಂತಹ ಅನ್ಯಾಯವಾಯಿತು ಎಂದು ಈ ಸಿನಿಮಾ ಅವರಿಗೆ ತಿಳಿಸುತ್ತದೆಯೇ? ಎಂದು ಕೇಳಿದಾಗ, ನಾನು ಅವರಿಂದ ಯಾವುದೇ ಕ್ಷಮೆಯಾಚನೆಯನ್ನು ಬಯಸುವುದಿಲ್ಲ. ಹೌದು, ಅವರು ಸಿನಿಮಾ ನೋಡಿದಾಗ ಅದು ಸ್ವಯಂಚಾಲಿತವಾಗಿ ಸಂಭವಿಸುತ್ತದೆ, ಅವರು ಇದನ್ನು ಸ್ವಯಂಚಾಲಿತವಾಗಿ ಅರಿತುಕೊಳ್ಳುವರು ಎಂದು ನಾನು ನಂಬುತ್ತೇನೆ ಎಂದು ಹೇಳಿದರು.

ಕೇಸರಿ 2 ಸಿನಿಮಾದಲ್ಲಿ ಅಕ್ಷಯ್ ಕುಮಾರ್ ವಕೀಲ ಶಂಕರನ್ ನಾಯರ್ ಪಾತ್ರವನ್ನು ನಿರ್ವಹಿಸಿದ್ದಾರೆ. ಜಲಿಯನ್ ವಾಲಾ ಹತ್ಯಾಕಾಂಡ ಪ್ರಕರಣದಲ್ಲಿ ಬ್ರಿಟಿಷ್ ಸರ್ಕಾರದ ವಿರುದ್ಧ ಹೋರಾಡಿದವರು ಶಂಕರನ್ ನಾಯರ್. ಅಕ್ಷಯ್ ಕುಮಾರ್ ಜತೆಗೆ ಆರ್ ಮಾಧವನ್, ಅನನ್ಯಾ ಪಾಂಡೆ ಈ ಚಿತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ಇವರೆಲ್ಲರೂ ಚಿತ್ರದಲ್ಲಿ ವಕೀಲರ ಪಾತ್ರವನ್ನೂ ನಿರ್ವಹಿಸುತ್ತಿದ್ದಾರೆ. ಚಿತ್ರದಲ್ಲಿ ಆರ್ ಮಾಧವನ್ ಪಾತ್ರವು ಬ್ರಿಟಿಷ್ ಸರ್ಕಾರದ ಪರವಾಗಿ ಪ್ರಕರಣದಲ್ಲಿ ಹೋರಾಡುತ್ತದೆ ಎನ್ನಲಾಗಿದೆ.(ಏಜೆನ್ಸೀಸ್​)

https://www.vijayavani.net/akshay-kumar-speaks-about-toilet-ek-prem-katha-after-jaya-bachchans-criticism