ಟಾಮ್​ ಆ್ಯಂಡ್​ ಜೆರ್ರಿ ಹಾಸ್ಯಾಸ್ಪದವಲ್ಲ.. ಹಿಂಸಾತ್ಮಕ; ಹೀಗೆಳಿದ್ದೇಕೆ ಅಕ್ಷಯ್​ ಕುಮಾರ್​​

ಮುಂಬೈ: ಬಾಲಿವುಡ್​ ಕಿಲಾಡಿ ಅಕ್ಷಯ್​ ಕುಮಾರ್ ಆ್ಯಕ್ಷನ್​ ಸೀಕ್ವೆನ್ಸ್​​​​​​​ ಬಗ್ಗೆ ಹೇಳುವ ಅಗತ್ಯವೆ ಇಲ್ಲ. ಅಕ್ಷಯ್​ ತಮ್ಮ ಸಿನಿಮಾಗಳಲ್ಲಿ ಯಾವುದೇ ಬಾಡಿ ಡಬ್​ ಇಲ್ಲದೆ ಸಾಹಸ ದೃಶ್ಯಗಳ ಚಿತ್ರೀಕರಣದಲ್ಲಿ ಸ್ವತಃ ಭಾಗಿಯಾಗುತ್ತಾರೆ. ಸದ್ಯ ಅಕ್ಷಯ್​ ತಮ್ಮ ಮುಂದಿನ ಸಿನಿಮಾ ಖೇಲ್​ ಖೇಲ್​ ಮೇ ಸಿನಿಮಾದ ಪ್ರಚಾರದಲ್ಲಿ ಬಿಸಿಯಿದ್ದಾರೆ

ಇದನ್ನು ಓದಿ: ವಯನಾಡು ಭೂಕುಸಿತ ಸಂತ್ರಸ್ತರ ನೆರವಿಗೆ ಮುಂದಾದ ನಟ ಧನುಷ್​​

ಇತ್ತೀಚೆಗೆ ಖಾಸಗಿ ವಾಹಿನಿಗೆ ನೀಡಿದ ಸಂದರ್ಶನವೊಂದರಲ್ಲಿ ಅಕ್ಷಯ್​ ಕುಮಾರ್​​, ಸಿನಿಮಾಗಳಲ್ಲಿ ಆ್ಯಕ್ಷನ್​​ ಸೀಕ್ವೆನ್ಸ್​​​​​ ಮಾಡಲು ಅವರಿಗೆ ಏನು ಸ್ಫೂರ್ತಿ ಎಂಬುದನ್ನು ಬಹಿರಂಗಪಡಿಸಿದ್ದಾರೆ. ಟಾಮ್​ ಆ್ಯಂಡ್​ ಜೆರ್ರಿಯನ್ನು ಎಲ್ಲರೂ ನೋಡುವುದು ಕಾಮಿಡಿ ಎಂಬ ದೃಷ್ಟಿಕೋನದಲ್ಲಿ. ಆದರೆ ಅಕ್ಷಯ್​​ ಕುಮಾರ್​​​​ ಅವರು ಟಾಮ್​​ ಆ್ಯಂಡ್​ ಜೆರ್ರಿಯನ್ನು ಕಾಮಿಡಿ ಅಲ್ಲ, ಹಿಂಸೆ ಎಂದು ಹೇಳಿದ್ದಾರೆ.

ತಮ್ಮ ಸಾಹಸ ದೃಶ್ಯಗಳಿಗೆ ಟಾಮ್​ ಆ್ಯಂಡ್​​ ಜೆರ್ರಿಯೇ ಸ್ಫೂರ್ತಿ ಎಂದು ಅಕ್ಷಯ್​ ಹೇಳಿದ್ದಾರೆ. ಟಾಮ್ ಆ್ಯಂಡ್​​ ಜೆರ್ರಿ ಹಾಸ್ಯವಲ್ಲ, ಅದು ಹಿಂಸೆ. ನಾನು ನಿಮಗೆ ಒಂದು ರಹಸ್ಯವನ್ನು ಹೇಳುತ್ತೇನೆ. ನಾನು ಎಷ್ಟು ಆಕ್ಷನ್ (ದೃಶ್ಯಗಳನ್ನು) ಮಾಡಿದ್ದೇನೆ, ಬಹಳಷ್ಟು ಬಾರಿ ನಾನು ಅದಕ್ಕೆ ಟಾಮ್ ಆ್ಯಂಡ್​​ ಜೆರ್ರಿಯಿಂದ ಸ್ಫೂರ್ತಿ ಪಡೆದಿದ್ದೇನೆ ಎಂದು ತಿಳಿಸಿದರು.

ಅದಷ್ಟೇ ಅಲ್ಲ ನ್ಯಾಷನಲ್​ ಜಿಯೋಗ್ರಫಿಕ್​​ನಿಂದಲೂ ಆ್ಯಕ್ಷನ್​ ಸೀಕ್ವೆನ್ಸ್​​ಗಳಿಗೆ ಸಾಕಷ್ಟು ಸ್ಫೂರ್ತಿಪಡೆಯಬಹುದು. ನ್ಯಾಷನಲ್​ ಜಿಯೋಗ್ರಫಿಕ್​​​​​​ನಲ್ಲಿ ಉತ್ತಮ ಸಾಹಸ ದೃಶ್ಯಗಳನ್ನು ನೋಡಬಹುದು. ಟಾಮ್​ ಆ್ಯಂಡ್​ ಜೆರ್ರಿ ಮತ್ತು ನ್ಯಾಷನಲ್​ ಜಿಯೋಗ್ರಫಿಕ್​​ನಿಂದ ಕಲಿತಿರುವ ಸಾಹಸ ದೃಶ್ಯಗಳನ್ನು ಹೇಳುವುದು ಅಸಾಧ್ಯ ಎಂದು ಹೇಳಿದ್ದಾರೆ.

ಅಕ್ಷಯ್ ಕುಮಾರ್ ಅಭಿನಯದ ಖೇಲ್ ಖೇಲ್ ಮೇ ಚಿತ್ರ ಆಗಸ್ಟ್​​​ 15ರಂದು ಬಿಡುಗಡೆಯಾಗಲಿದೆ. ಸಿನಿಮಾದಲ್ಲಿ ತಾಪ್ಸಿ ಪನ್ನು , ಫರ್ದೀನ್ ಖಾನ್, ವಾಣಿ ಕಪೂರ್, ಆದಿತ್ಯ ಸೀಲ್, ಆಮಿ ವಿರ್ಕ್ ಮತ್ತು ಪ್ರಜ್ಞಾ ಜೈಸ್ವಾಲ್ ತಾರಾಗಣವಿದೆ. (ಏಜೆನ್ಸೀಸ್)​

https://www.vijayavani.net/death-by-hanging-or-encounter-against-rapists-abhishek-banerjee-demands-new-law-after-kolkata-incident