ಸಚಿವನಲ್ಲದಿದ್ದರೆ ಏರ್​ ಇಂಡಿಯಾ ಕಂಪನಿ ಹರಾಜಿನಲ್ಲಿ ಪಾಲ್ಗೊಳ್ಳುತ್ತಿದ್ದೆ ಎಂದ ಕೇಂದ್ರ ಸಚಿವ ಪಿಯೂಷ್​ ಗೋಯಲ್

ನವದೆಹಲಿ: ನಾನು ಸಚಿವನಾಗಿರದಿದ್ದರೆ ಏರ್​ ಇಂಡಿಯಾ ಹರಾಜು ಪ್ರಕ್ರಿಯೆಯಲ್ಲಿ ಪಾಲ್ಗೊಳ್ಳುತ್ತಿದ್ದೆ ಎಂದು ಕೇಂದ್ರ ಸಚಿವ ಪಿಯೂಷ್​ ಗೋಯಲ್​ ಹೇಳಿದರು.

ಏರ್​ ಇಂಡಿಯಾ ಉತ್ತಮವಾದ ವಿಮಾನಗಳನ್ನು ಹೊಂದಿದ್ದು ಉತ್ತಮ ನಿರ್ವಹಣೆಯಿಂದ ಕೂಡಿವೆ. ಹೀಗಾಗಿ ಏರ್​ ಇಂಡಿಯಾ ಚಿನ್ನದ ಗಣಿಗಿಂತ ಕಡಿಮೆ ಇಲ್ಲ ಎಂಬುದು ನನ್ನ ಭಾವನೆ. ನಾನು ಸಚಿವನಾಗಿರದಿದ್ದರೆ ಏರ್​ ಇಂಡಿಯಾ ಕಂಪನಿ ಹರಾಜು ಪ್ರಕ್ರಿಯೆಯಲ್ಲಿ ಭಾಗವಹಿಸುತ್ತಿದ್ದೆ ಎಂದು ಅವರು ಸ್ವಿಟ್ಜರ್ಲೆಂಡ್‌ನ ದಾವೋಸ್‌ನಲ್ಲಿ ನಡೆಯುತ್ತಿರುವ ವಿಶ್ವ ಆರ್ಥಿಕ (ಡಬ್ಲ್ಯುಇಎಫ್) ವಾರ್ಷಿಕ ಶೃಂಗಸಭೆಯಲ್ಲಿ ಹೇಳಿದರು.

ಸದ್ಯ ಏರ್​ ಇಂಡಿಯಾ ನಷ್ಟದಲ್ಲಿ ಇದೆ. ಹೀಗಾಗಿ ಸಂಸ್ಥೆಯನ್ನು ಕೇಂದ್ರ ಸರ್ಕಾರ ಸಂಪೂರ್ಣವಾಗಿ ಖಾಸಗೀಕರಣಗೊಳಿಸಲು ನಿರ್ಧರಿಸಿದೆ. ಜನವರಿ 7 ರಂದು ಸಂಪುಟ ಸಭೆಯಲ್ಲಿ ಕಂಪನಿಯನ್ನು ಖಾಸಗೀಕರಣಗೊಳಿಸುವ ನಿರ್ಧಾರ ಕೈಗೊಳ್ಳಲಾಯಿತು. ಕೇಂದ್ರ ಸರ್ಕಾರ ಏರ್​ ಇಂಡಿಯಾವನ್ನು ಖಾಸಗೀಕರಣಗೊಳಿಸಲು ನಿರ್ಧಾರ ಪ್ರಕಟಿಸಿದ ನಂತರ ನೌಕರರ ಸಂಘಗಳು ನಾಗರಿಕ ವಿಮಾನಯಾನ ಸಚಿವ ಹರ್ದೀಪ್​ಸಿಂಗ್​ ಪುರಿ ಅವರನ್ನು ಭೇಟಿ ಮಾಡಿ ಬಾಕಿ ಹಣ ಪಾವತಿ ಮಾಡುವಂತೆ ಆಗ್ರಹಿಸಿದವು.

ಮಂತ್ರಿಗಳ ಗುಂಪು ಏರ್ ಇಂಡಿಯಾದ ಹೂಡಿಕೆಗಾಗಿ ಕರಡು ಅಭಿವ್ಯಕ್ತಿ ಅಭಿವ್ಯಕ್ತಿ (ಇಒಐ) ಮತ್ತು ಷೇರು ಖರೀದಿ ಒಪ್ಪಂದ (ಎಸ್‌ಪಿಎ) ಗೆ ಅನುಮೋದನೆ ನೀಡಿತು. ಈ ಕ್ರಮದಿಂದ ಅಸಮಾಧಾನಗೊಂಡ ಏರ್ ಇಂಡಿಯಾ ನೌಕರರ ಸಂಘಗಳು ನಾಗರಿಕ ವಿಮಾನಯಾನ ಸಚಿವ ಹರ್ದೀಪ್ ಸಿಂಗ್ ಪುರಿಯನ್ನು ಭೇಟಿಯಾದವು. ಸಭೆಯಲ್ಲಿ, ಸಚಿವರು ನೌಕರರಿಗೆ ತಮ್ಮ ಬಾಕಿ ಹಣವನ್ನು ಪೂರ್ಣವಾಗಿ ಪಾವತಿಸುವ ಭರವಸೆ ನೀಡಿದರು.

ಏರ್​ ಇಂಡಿಯಾ 2018-19 ರಲ್ಲಿ ಅಂದಾಜು 8,556 ಕೋಟಿ ರೂ. ನಷ್ಟ ಅನುಭವಿಸಿದೆ. (ಏಜೆನ್ಸೀಸ್​)