ಕೆಲವು ಶಿಕ್ಷಣ ಸಂಸ್ಥೆಗಳು ಫೆಬ್ರವರಿ ಮತ್ತು ಮಾರ್ಚ್ ತಿಂಗಳ ವೇತನವನ್ನೂ ಪಾವತಿಸಿಲ್ಲ. ಈ ಕುರಿತು ಸಾಕಷ್ಟು ದೂರುಗಳು ಬಂದಿವೆ. ಸದ್ಯ ರಾಷ್ಟ್ರೀಯ ತುರ್ತುಪರಿಸ್ಥಿತಿ ಇದ್ದು, ಕೋವಿಡ್ 19 ಕಾರಣಕ್ಕೆ ಇಡೀ ದೇಶ ಒತ್ತಡದಲ್ಲಿದೆ. ಇಂತಹ ಸನ್ನಿವೇಶದಲ್ಲಿ ವೇತನವನ್ನು ತಡೆಹಿಡಿದರೆ ಒತ್ತಡ ಇನ್ನಷ್ಟು ಹೆಚ್ಚಲಿದೆ. ಅಲ್ಲದೆ, ಆ ಉದ್ಯೋಗಿಗಳ ಕುಟುಂಬ ಉಪವಾಸ ಇರಬೇಕಾದೀತು.ಇಂತಹ ಪರಿಸ್ಥಿತಿಯಲ್ಲಿ ಎಲ್ಲ ಉದ್ಯೋಗಿಗಳಿಗೂ ಸರಿಯಾದ ಸಮಯಕ್ಕೆ ವೇತನ ಪಾವತಿಯಾಗಿದೆ ಎಂಬುದನ್ನು ಆಯಾ ಆಡಳಿತ ಮಂಡಳಿ ಖಾತರಿಪಡಿಸಿಕೊಳ್ಳಬೇಕು ಎಂದು ಎಐಸಿಟಿಇ ಚೇರ್ಮನ್ ಅನಿಲ್ ಸಹಸ್ರಬುದ್ಧೆ ಎಐಸಿಟಿಇ ಮಾನ್ಯತೆ ಪಡೆದ ಎಲ್ಲ ಖಾಸಗಿ ಶಿಕ್ಷಣ ಸಂಸ್ಥೆಗಳಿಗೆ ಬರೆದ ಪತ್ರದಲ್ಲಿ ತಿಳಿಸಿದ್ದಾರೆ.
