ಅಶ್ಲೀಲ ಚಿತ್ರಗಳಲ್ಲಿ ನಟನೆ ಆರೋಪ: ನಟಿ ಶ್ವೇತಾ ಮೆನನ್​ ವಿರುದ್ಧದ ಕೇಸ್​ಗೆ ತಡೆ ನೀಡಿದ Court

Court: ಬೋಲ್ಡ್​ ಅವತಾರದ ಮೂಲಕ ಹೆಚ್ಚು ಸುದ್ದಿಯಲ್ಲಿರುವಂತಹ ಮಾಲಿವುಡ್ ನಟಿ ಶ್ವೇತಾ ಮೆನನ್​ ವಿರುದ್ಧ ದಾಖಲಾಗಿದ್ದ ಕೇಸ್​ಗೆ ಕೇರಳ ಹೈಕೋರ್ಟ್ ಗುರುವಾರ​ ತಡೆ ನೀಡಿದೆ.

ತಮ್ಮ ವಿರುದ್ಧ ಕೇಸ್​ ರದ್ದು ಪಡಿಸುವಂತೆ ಶ್ವೇತಾ ಮೆನನ್​ ಸಲ್ಲಿಸಿದ್ದ ಅರ್ಜಿ ವಿಚಾರಣೆ ನಡೆಸಿದ ನ್ಯಾಯಮೂರ್ತಿ ವಿ.ಜಿ. ಅರುಣ್​ ಅವರಿದ್ದ ಪೀಠ ಮಧ್ಯಂತರ ಆದೇಶ ಹೊರಡಿಸಿದೆ. ಅಲ್ಲದೆ, ಪೊಲೀಸರಿಗೆ ಮತ್ತು ದೂರುದಾರರಿಗೆ ನೋಟಿಸ್​​ ಹೊರಡಿಸಿದೆ.

ಲಾಭಗಳಿಸುವ ಉದ್ದೇಶದಿಂದ ಅಶ್ಲೀಲ ಚಲನಚಿತ್ರಗಳಲ್ಲಿ ಮತ್ತು ಜಾಹಿರಾತುಗಳಲ್ಲಿ ಕಾಣಿಸಿಕೊಳ್ಳುತ್ತಿದ್ದಾರೆ ಎಂಬ ಆರೋಪದ ಮೇಲೆ ನಟಿಯ ವಿರುದ್ಧ ಕೊಚ್ಚಿಯ ಎರ್ನಾಕುಲಂ ಪೊಲೀಸರು ಬುಧವಾರ(ಜು.6) ಪ್ರಕರಣ ದಾಖಲಿಸಿದ್ದರು.

ಮಾರ್ಟಿನ್​ ಮನಚೇರಿ ಹೆಸರಿನ ಸಾರ್ವಜನಿಕ ಕಾರ್ಯಕರ್ತ(ಆರ್​ಟಿಐ) ನಟಿಯ ವಿರುದ್ಧ ದೂರು ಸಲ್ಲಿಸಿದ್ದಾರೆ. ಎರ್ನಾಕುಲಂ ಸಿಜೆಐ ನ್ಯಾಯಾಲಯ ಸ್ಥಳೀಯ ಪೊಲೀಸರನ್ನು ಕೈಗೊಳ್ಳುವಂತೆ ಸೂಚಿಸಿದ ಹಿನ್ನೆಲೆ ನಟಿ ಮೆನನ್​ ವಿರುದ್ಧ ಆಶ್ಲೀಲ ತಡೆ ಮತ್ತು ತಂತ್ರಜ್ಞಾನ (ಐಟಿ) ಕಾಯ್ದೆಯಡಿ ಕೇಸ್​ ದಾಖಲಾಗಿದೆ.(ಏಜೆನ್ಸೀಸ್​)

https://www.vijayavani.net/an-fir-has-been-filed-against-actress-shweta-menon