UI Release: ಇದೇ ಡಿ.20ರಂದು ಜಾಗತಿಕವಾಗಿ ಬಹುತೇಕ ಚಿತ್ರಮಂದಿರಗಳಲ್ಲಿ ತೆರೆ ಕಾಣಲು ಸಜ್ಜಾಗಿರುವ ನಟ ಉಪೇಂದ್ರ ನಟಿಸಿ, ನಿರ್ದೇಶಿಸಿರುವ ಪ್ಯಾನ್ ಇಂಡಿಯಾ ‘ಯುಐ’ ಮೇಲೆ ಸದ್ಯ ಅಪಾರ ನಿರೀಕ್ಷೆಗಳು ಮೂಡಿವೆ. ತಮ್ಮ ಪ್ರತಿ ಚಿತ್ರದ ಕಥೆಯಲ್ಲಿಯೂ ವಿಭಿನ್ನತೆ ಹಾಗೂ ವಿಶೇಷತೆ ಜತೆಗೆ ಒಂದು ಆಳವಾದ ಸಂದೇಶ ಅಡಗಿಸಿಡುವ ಉಪೇಂದ್ರ, ಇದೀಗ 2040ರ ವೇಳೆಗೆ ಜಗತ್ತಿನಲ್ಲಿ ಏನೆಲ್ಲಾ ಬದಲಾವಣೆಗಳು ಆಗಿರುತ್ತದೆ, ಯಾವೆಲ್ಲಾ ರೀತಿ ಜನರು ಬದಲಾಗಲಿದ್ದಾರೆ ಎಂಬುದನ್ನು ಈ ಚಿತ್ರದ ಮೂಲಕ ಜನರಿಗೆ ಅರ್ಥೈಸಲು ಮುಂದಾಗಿದ್ದಾರೆ. ಈಗಾಗಲೇ 'ವಾರ್ನರ್' ರಿಲೀಸ್ನಲ್ಲಿಯೇ ಭರ್ಜರಿ ಸದ್ದು ಮಾಡಿರುವ ಯುಐ, ನೋಡುಗರ ನಿರೀಕ್ಷೆಗಳನ್ನು ದುಪ್ಪಟ್ಟಾಗಿಸಿದೆ. ಇನ್ನು ಇತ್ತೀಚೆಗಷ್ಟೇ ಸಿನಿಮಾದ ಪ್ರೀ-ರಿಲೀಸ್ ಈವೆಂಟ್ ನಡೆದಿದ್ದು, ಚಿತ್ರತಂಡ ಹಲವಾರು ಕುತೂಹಲಕಾರಿ ವಿಷಯಗಳನ್ನು ಹಂಚಿಕೊಂಡಿದೆ.
