ಪಟ್ಟಣದ ಶ್ರೀ ರಾಘವೇಂದ್ರ ಬಡಾವಣೆಯ ಗಣೇಶೋತ್ಸವದಲ್ಲಿ ಗಣಪತಿ ದರ್ಶನ ನಂತರ ಸಮಿತಿಯಿಂದ ಸನ್ಮಾನ ಸ್ವೀಕರಿಸಿ ಮಾತನಾಡಿ, ಗಣೇಶೋತ್ಸವ ನಮ್ಮ ಸಂಸ್ಕೃತಿ, ಪರಂಪರೆ. ಶಾಂತಿ, ಸೌಹಾರ್ದದಿಂದ ಹಬ್ಬ ಆಚರಿಸಬೇಕು ಎಂದು ತಿಳಿಸಿದರು.
ಲೋಕಸಭಾ ಸದಸ್ಯ ಬಿ.ವೈ.ರಾಘವೇಂದ್ರ ಮಾತನಾಡಿ, ದೇಶದಲ್ಲಿ ಒಗ್ಗಟ್ಟು ಇರಲೆಂದು ಲೋಕಮಾನ್ಯ ಬಾಲಗಂಗಾಧರ ತಿಲಕರು ಗಣೇಶೋತ್ಸವವನ್ನು ಸಾರ್ವಜನಿಕಗೊಳಿಸಿದರು. ಮುಂದಿನ ಪೀಳಿಗೆಗೆ ನಮ್ಮ ಸಂಪ್ರದಾಯಗಳ ಅರಿವು ಇರಬೇಕು ಎಂದರು.
ದೇಶಾದ್ಯಂತ ಅದ್ದೂರಿಯಿಂದ ಗಣೇಶೋತ್ಸವ ನಡೆಯಲು ತಿಲಕರ ಕೊಡುಗೆ ಅಪಾರ. ಹಬ್ಬದ ಮೂಲಕ ತಿಲಕರು ಧರ್ಮೋತ್ಥಾನ ಕಾರ್ಯ ಮಾಡಿದರು. ದೇಶದ ಅಸಂಖ್ಯಾತ ಯುವಪಡೆಗಳು ಗಣೇಶ ಹಬ್ಬ ಆಚರಿಸುತ್ತಿವೆ. ದೊಡ್ಡಪೇಟೆ ವೀರಶೈವ ಸಮಾಜದ ಗಣಪತಿ, ಹಿಂದು ಮಹಾಸಭಾ ಗಣೇಶ, ರಾಘವೇಂದ್ರ ಬಡಾವಣೆ ಗಣಪತಿ, ಓಂ ಗಣಪತಿ, ಗಿಡ್ಡಯ್ಯನ ಗಣಪತಿ ಆಕರ್ಷಕವಾಗಿವೆ ಎಂದು ತಿಳಿಸಿದರು.
ಶ್ರೀ ರಾಘವೇಂದ್ರ ಬಡಾವಣೆ ಗಣೇಶೋತ್ಸವ ಸಮಿತಿ ಅಧ್ಯಕ್ಷ ಹುಲ್ಮಾರ್ ಮಹೇಶ್, ಗಿರೀಶ್ ಭೋಗಿ, ಡಿ.ಎಲ್.ಬಸವರಾಜ್, ಚನ್ನವೀರಪ್ಪ, ಬಿಜೆಪಿ ಯುವ ಮೋರ್ಚಾ ಅಧ್ಯಕ್ಷ ವೀರನ ಗೌಡ, ರಾಘವೇಂದ್ರ, ಚೇತನ್ ಭೋಗಿ, ಉಮೇಶ್, ಶೇಖರ್ ಸುಣಗಾರ್, ರಮೇಶ್, ಪರಶುರಾಮ ಇತರರಿದ್ದರು.
