ಕುಸಿತವಾಗಿದೆ ಅದಾನಿ ಪೋರ್ಟ್ಸ್ ಬೆಲೆ: ಈಗ ಖರೀದಿಗೆ ಸೂಕ್ತ ಕಾಲವೇ?

ಮುಂಬೈ: ಗುರುವಾರ ಅದಾನಿ ಸಮೂಹದ ಬಹುತೇಕ ಷೇರುಗಳು ಏರಿಕೆ ಕಂಡಿವೆ. ಆದರೆ, ಅದಾನಿ ಪೋರ್ಟ್ಸ್ ಆ್ಯಂಡ್​ ಸ್ಪೇಷಲ್​ ಎಕನಾಮಿಕ್​ ಜೋನ್​ ಲಿಮಿಟೆಡ್ (ಅದಾನಿ ಪೋರ್ಟ್ಸ್) ಷೇರುಗಳು ಮಂದಗತಿಯಲ್ಲಿವೆ. ಈ ಷೇರುಗಳು ಗುರುವಾರ ಶೇಕಡಾ 0.18 ಕುಸಿತದೊಂದಿಗೆ 1,352.80 ರೂ. ಮುಟ್ಟಿದವು. ಇದು ಈ ಸ್ಟಾಕ್‌ನ 52 ವಾರಗಳ ಗರಿಷ್ಠ ಬೆಲೆಯಾದ ರೂ 1,607.95 ಕ್ಕಿಂತ ಶೇಕಡಾ 15.87 ರಷ್ಟು ಕಡಿಮೆಯಾಗಿದೆ. ಈ ವಾರದ ಆರಂಭದಲ್ಲಿ, ಅಂದರೆ ಜೂನ್ 3 ರಂದು ಈ ಷೇರು ರೂ 1600 ಮಟ್ಟ ದಾಟಿದೆ.

A&L One ನ ತಾಂತ್ರಿಕ ಮತ್ತು ಉತ್ಪನ್ನಗಳ ಹಿರಿಯ ಸಂಶೋಧನಾ ವಿಶ್ಲೇಷಕ ಓಶೋ ಕೃಷ್ಣನ್ ಅವರು, ಅದಾನಿ ಪೋರ್ಟ್ಸ್ ದೊಡ್ಡ ಕುಸಿತವನ್ನು ಕಂಡಿದೆ. ಸದ್ಯಕ್ಕೆ ಷೇರಿನ ಬೆಲೆ 1150 ರೂಪಾಯಿಯವರೆಗೆ ಕುಸಿತವಾಗುವ ಸಾಧ್ಯತೆಯಿದೆ. ಅಲ್ಪಾವಧಿಯಲ್ಲಿ ಷೇರು ಬೆಲೆ 1,450-1,500 ರೂ. ಮುಟ್ಟಬಹುದು ಎಂದಿದ್ದಾರೆ.

ರೆಲಿಗೇರ್ ಬ್ರೋಕಿಂಗ್​ನ ಹಿರಿಯ ಉಪಾಧ್ಯಕ್ಷ (ರೀಟೇಲ್ ರಿಸರ್ಚ್) ರವಿ ಸಿಂಗ್ ಅವರು, ಷೇರು ಖರೀದಿಯನ್ನು 1,380 ರೂ.ಗಳ ಗುರಿಯೊಂದಿಗೆ 1,250 ರೂ.ಗಳ ಬೆಲೆಯಲ್ಲಿ ಖರೀದಿಸಬೇಕು ಎಂದು ಹೇಳಿದರು. ಸ್ಟಾಪ್ ಲಾಸ್ ಅನ್ನು 1,125 ರೂ.ನಲ್ಲಿ ಇರಿಸಬೇಕು.

ಅದಾನಿಯ ಪೋರ್ಟ್ ಆಪರೇಟರ್ ಆ್ಯಂಡ್​ ಲಾಜಿಸ್ಟಿಕ್ಸ್ ಕಂಪನಿಯು ಮೇ 2024 ರಲ್ಲಿ 35.8 MMT ಸರಕು ಪ್ರಮಾಣವನ್ನು ದಾಖಲಿಸಿದೆ. ಪ್ರಮುಖ ಬಂದರು ಮುಂಡ್ರಾ ಕಳೆದ ತಿಂಗಳು 17.6 MMT ಸರಕುಗಳನ್ನು ನಿರ್ವಹಿಸುವ ಪ್ರಮುಖ ಮೈಲಿಗಲ್ಲನ್ನು ದಾಖಲಿಸಿದೆ. ಹೆಚ್ಚುವರಿಯಾಗಿ, ಅಬುಧಾಬಿ ಪೋರ್ಟ್ಸ್ ಕಂಪನಿಯು ಅದಾನಿ ಪೋರ್ಟ್ಸ್ ಮತ್ತು ಈಸ್ಟ್ ಹಾರ್ಬರ್ ಟರ್ಮಿನಲ್‌ಗಳೊಂದಿಗೆ ಜಂಟಿ ಉದ್ಯಮಕ್ಕೆ (ಜೆವಿ) ಸಹಿ ಹಾಕಿದೆ. ಈ ಜಂಟಿ ಉದ್ಯಮದ ಮೂಲಕ, ಮೂರು ಪಕ್ಷಗಳು ಒಟ್ಟಾಗಿ ಟಾಂಜಾನಿಯಾ ಇಂಟರ್ನ್ಯಾಷನಲ್ ಕಂಟೈನರ್ ಟರ್ಮಿನಲ್ ಸೇವೆಗಳ 95 ಪ್ರತಿಶತವನ್ನು ಸ್ವಾಧೀನಪಡಿಸಿಕೊಂಡಿವೆ. ಒಟ್ಟು ಖರೀದಿ ಬೆಲೆ 39.5 ಮಿಲಿಯನ್ ಡಾಲರ್​ ಮತ್ತು ಜೂನ್ ಅಂತ್ಯದ ವೇಳೆಗೆ ಈ ಒಪ್ಪಂದವು ಮುಕ್ತಾಯಗೊಳ್ಳುವ ನಿರೀಕ್ಷೆಯಿದೆ.

https://www.vijayavani.net/why-did-the-construction-company-share-rise-by-20-in-a-single-day