ಅದಾನಿ ಗ್ರೂಪ್​ಗೆ 97 ಸಾವಿರ ಕೋಟಿ ರೂ. ನಷ್ಟ!

ನವದೆಹಲಿ: ಜಗತ್ತಿನ ಯಾವೊಬ್ಬ ಶತಕೋಟ್ಯಧಿಪತಿಯೂ ಕಳೆದುಕೊಳ್ಳದಷ್ಟು ಸಂಪತ್ತನ್ನು ಭಾರತದ ಉದ್ಯಮಿ ಗೌತಮ್​ ಅದಾನಿ ಕೇವಲ ನಾಲ್ಕೇ ದಿನಗಳಲ್ಲಿ ಕಳೆದುಕೊಂಡಿದ್ದಾರೆ.

ಜಾಗತಿಕ ಶತಕೋಟ್ಯಧಿಪತಿಗಳ ಪಟ್ಟಿಯಲ್ಲಿ ಕೆಳಕ್ಕೆ ಕುಸಿದಿದ್ದಾರೆ. ಮೂರು ದಿನಗಳ ಅವಧಿಯಲ್ಲಿ ಅದಾನಿಯವರ ಸಂಪತ್ತಿನಲ್ಲಿ 66,000 ಕೋಟಿ ರೂಪಾಯಿ ನಷ್ಟ ಅನುಭವಿಸಿದ್ದರು. ನಾಲ್ಕನೇ ದಿನ ಈ ನಷ್ಟ 97,000 ಕೋಟಿ ರೂಪಾಯಿಗೆ ಏರಿಕೆಯಾಗಿದ್ದು, ಒಟ್ಟು ಸಂಪತ್ತು 4.7 ಲಕ್ಷ ಕೋಟಿ ರೂಪಾಯಿಗೆ ಇಳಿದಿದೆ.

ಕಳೆದ ವಾರ ಏಷ್ಯಾದ ಅತಿಶ್ರೀಮಂತ ಉದ್ಯಮಿಗಳ ಪಟ್ಟಿಯಲ್ಲಿ ಮುಕೇಶ್​ ಅಂಬಾನಿ ಅವರ ಸಮೀಪಕ್ಕೆ ತಲುಪಿದ್ದ ಅದಾನಿ, ಶುಕ್ರವಾರದಿಂದ ಹಿನ್ನೆಡೆ ಅನುಭವಿಸಲಾರಂಭಿಸಿದ್ದಾರೆ. ಅದಾನಿ ಗ್ರೂಪ್​ನ ಆರು ಲಿಸ್ಟೆಡ್​ ಕಂಪನಿಗಳ ಷೇರುಮೌಲ್ಯ ಕುಸಿಯಲಾರಂಭಿಸಿದೆ.