Divya Bharati: ಬಣ್ಣದ ಲೋಕವೇ ಒಂದು ರೀತಿ ಮಾಯೆ. ಆರಂಭದಲ್ಲಿ ಒಂದು ಸಿನಿಮಾದಲ್ಲಿ ನಟಿಸಲು ಪಡೆಯುವ ಅವಕಾಶ, ಅದೇ ಚಿತ್ರ ಗೆದ್ದ ಮೇಲೆ ಇರುವುದಿಲ್ಲ. ಏಕೆಂದರೆ, ಜನಪ್ರಿಯತೆ ಮತ್ತು ಅಭಿಮಾನಿಗಳ ಬಳಗ ಒಂದು ಬಾರಿ ಸಿಕ್ಕರೆ, ಆ ಕಲಾವಿದರ ಜನ್ಮವೇ ಸಾರ್ಥಕವಾದಂತೆ. ಮುಂದಿನ ಕೆಲಸಗಳೆಲ್ಲವು ಸರಳ, ಸುಂದರ ಎಂದೇ ಹೇಳಬಹುದು. ಸಿನಿಮಾ ಅಂದಮೇಲೆ ಅಲ್ಲಿ ಕಥೆ, ಚಿತ್ರಕಥೆ, ಸಂಭಾಷಣೆ, ಸಂಗೀತ, ಸಂಕಲನ, ಛಾಯಾಗ್ರಹಣ ಹೇಗೆ ಮುಖ್ಯವೋ, ಹಾಗೆಯೇ ಆ ಚಿತ್ರದ ನಾಯಕ ಮತ್ತು ನಾಯಕಿ ಕೂಡ ಅಷ್ಟೇ ಮುಖ್ಯ. ಇವರಿಬ್ಬರು ಸಿನಿಮಾದ ಮುಖವಾಣಿ ಇದ್ದಂತೆ. ಅದರಲ್ಲೂ ನಟಿಮಣಿಯರ ಬ್ಯೂಟಿ ಪ್ರೇಕ್ಷಕರನ್ನು ಸೆಳೆದು, ಚಿತ್ರವನ್ನು ಕೊಂಡಾಡುವಂತೆ ಮಾಡುವುದರಲ್ಲಿ ಅನುಮಾನವೇ ಇಲ್ಲ. ನಟಿಯರ (Actress) ಬ್ಯೂಟಿಗೆ ಮನಸೋಲುವ ಪುರುಷ ಸಿನಿಪ್ರೇಮಿಗಳು, ನಾವು ಪ್ರೀತಿಸುವ, ಮದುವೆಯಾಗುವ ಹುಡುಗಿ ಇವರಂತೆ ಇದ್ದರೆ ಎಷ್ಟು ಚೆಂದ ಎಂದು ಆಶಿಸುತ್ತಾರೆ. ಈ ಸಾಲಿನಲ್ಲಿ ಪ್ರಮುಖರಾಗಿದ್ದವರು 90ರ ದಶಕದಲ್ಲಿ ಮಿಂಚಿ, ಕಣ್ಮರೆಯಾದ ಬಾಲಿವುಡ್ ನಟಿ ದಿವ್ಯಾ ಭಾರತಿ.
