ಅಮೀರ್ ಖಾನ್ ಪುತ್ರನ ಜತೆ ಪಬ್‌ನಲ್ಲಿ ಕುಣಿದು ಕುಪ್ಪಳಿಸಿದ ಸಾಯಿ ಪಲ್ಲವಿ ; ವಿಡಿಯೋ ವೈರಲ್

ಮುಂಬೈ: ನಟಿ ಸಾಯಿ ಪಲ್ಲವಿ  ಜಪಾನೀಸ್ ಪಬ್‌ನಲ್ಲಿ ಅಮೀರ್ ಖಾನ್ ಮಗನೊಂದಿಗೆ ಡ್ಯಾನ್ಸ್ ಮಾಡಿದ್ದಾರೆ. ಈ ವಿಡಿಯೋ ವೈರಲ್ ಆಗುತ್ತಿದೆ.

ಮಲಯಾಳಂ ಸಿನಿಮಾಗಳಿಂದ ಶುರುವಾದ ಸಾಯಿ ಪಲ್ಲವಿ ನಟನೆ ಈಗ ಬಾಲಿವುಡ್‌ಗೂ ತಲುಪಿದೆ. ಸಾಯಿ ಪಲ್ಲವಿ ಅಮೀರ್ ಖಾನ್ ಪುತ್ರ ಜುನೈದ್ ಖಾನ್ ಜೊತೆ ಬಾಲಿವುಡ್ ಗೆ ಪಾದಾರ್ಪಣೆ ಮಾಡುತ್ತಿದ್ದಾರೆ. ‘ಏಕ್ ದಿನ್’ ಎಂದು ಸಿನಿಮಾ ಟೈಟಲ್ ಫೈನಲ್ ಮಾಡಲಾಗಿದೆ. ಸದ್ಯ ಈ ಸಿನಿಮಾದ ಶೂಟಿಂಗ್ ಜಪಾನ್​​ನಲ್ಲಿ ನಡೆಯುತ್ತಿದೆ.

ಲವ್ ಸ್ಟೋರಿ ಕಥಾವಸ್ತುವಿನಲ್ಲಿ ಈ ಸಿನಿಮಾ ತಯಾರಾಗುತ್ತಿದೆ ಎಂದು ವರದಿಯಾಗಿದೆ.  ಇತ್ತೀಚೆಗಷ್ಟೇ ಈ ಚಿತ್ರದ ಇಡೀ ಯೂನಿಟ್ ಅಲ್ಲಿನ ಪಬ್‌ನಲ್ಲಿ ಒಟ್ಟಿಗೆ ಎಂಜಾಯ್ ಮಾಡಿದೆ. ಅದಕ್ಕೆ ಸಂಬಂಧಿಸಿದ ವಿಡಿಯೋಗಳು ಸದ್ಯ ವೈರಲ್ ಆಗುತ್ತಿವೆ.

ಇಡೀ ಚಿತ್ರತಂಡವು ಹಲವು ಹಿಂದಿ ಸೂಪರ್ ಹಿಟ್ ಹಾಡುಗಳಿಗೆ ನೃತ್ಯವನ್ನು ಆನಂದಿಸುತ್ತಿದೆ. ಈ ಸಂಚಿಕೆಯಲ್ಲಿ ಸಾಯಿ ಪಲ್ಲವಿ ಕೂಡ  ಡ್ಯಾನ್ಸ್ ಮಾಡಿ ಎಂಜಾಯ್ ಮಾಡಿದ್ದಾರೆ.

ಜಪಾನ್‌ನಲ್ಲಿ ಈ ಶೆಡ್ಯೂಲ್ ಮುಗಿದಿದ್ದು, ಅದಕ್ಕಾಗಿಯೇ ಚಿತ್ರತಂಡ ಸಂಭ್ರಮಾಚರಣೆಯಲ್ಲಿದೆ ಎಂದು ತಿಳಿದುಬಂದಿದೆ. ಈ ಚಿತ್ರದ ನಂತರ ಸಾಯಿ ಪಲ್ಲವಿ ಮತ್ತೊಂದು ಬಾಲಿವುಡ್ ಪ್ರಾಜೆಕ್ಟ್‌ಗೆ ಸಹಿ ಹಾಕಿದ್ದಾರೆ ಎಂದು ವರದಿಯಾಗಿದೆ. ತೆಲುಗಿನಲ್ಲಿ ನಾಗ ಚೈತನ್ಯ ಜತೆ ‘ತಾಂಡೇಲ್’ ಸಿನಿಮಾ ಮಾಡುತ್ತಿದ್ದಾರೆ. ಅಲ್ಲು ಅರವಿಂದ್ ನಿರ್ಮಾಣದ ಈ ಚಿತ್ರ ಪ್ಯಾನ್ ಇಂಡಿಯಾ ಸಿನಿಮಾವಾಗಿ ಮೂಡಿಬರಲಿದೆ. ಅವರು ಶಿವ ಕಾರ್ತಿಕೇಯನ್ ಅವರೊಂದಿಗೆ 'ಅಮರನ್' ಎಂಬ ತಮಿಳು ಚಿತ್ರವನ್ನೂ ಮಾಡುತ್ತಿದ್ದಾರೆ.

https://www.vijayavani.net/virat-kohli-total-net-worth-rs-1090-crores-claims-report

https://www.vijayavani.net/dolly-chai-wala-really-buy-a-new-lamborghini-video-viral

https://www.vijayavani.net/bomb-threatening-letter-to-blast-rama-mandir-in-nippani

https://www.vijayavani.net/88-year-old-restaurant-where-mukesh-ambani-loves-to-eat-every-week