ನನ್ನ ಹೆಂಡ್ತಿಗೆ ಚಾನ್ಸ್ ಕೊಡಿ! ‘ಮ್ಯಾಕ್ಸ್’ ನಿರ್ಮಾಪಕನ ಬಳಿ ಬೇಡಿಕೆ ಇಟ್ಟ ರಂಭಾ ಗಂಡ ಇಂದ್ರಕುಮಾರ್​ ಪದ್ಮನಾಭನ್..Rambha

14 ವರ್ಷಗಳ ನಂತರ ಮರುಪ್ರವೇಶ..

ಬೆಂಗಳೂರು: ನಟಿ ರಂಭಾ ( Rambha  ) ಪತಿ ಇಂದ್ರಕುಮಾರ್ ಅವರು ‘ಮ್ಯಾಕ್ಸ್’ ಚಿತ್ರದ (Max)ನಿರ್ಮಾಪಕನ ಬಳಿ ಮಾತುಕತೆ ನಡೆಸಿದ್ದು, ಪತ್ನಿಗೆ ಅವಕಾಶ ಕೊಡಿ ಎಂದು ಬೇಡಿಕೆ ಇಟ್ಟಿದ್ದಾರೆ ಎನ್ನಲಾಗಿದೆ.

ಇತ್ತೀಚೆಗೆ ನಡೆದ ಸಿನಿಮೋತ್ಸವದಲ್ಲಿ ‘ಮ್ಯಾಕ್ಸ್’ ನಿರ್ಮಾಪಕ ಕಲೈಪುಲಿ ಧಾನು ಅವರು ಈ ವಿಚಾರವನ್ನು ರಿವೀಲ್ ಮಾಡಿದ್ದಾರೆ ಎನ್ನಲಾಗಿದೆ. ‘ರಂಭಾ ಅವರ ಆಸ್ತಿ ಸುಮಾರು 2 ಸಾವಿರ ಕೋಟಿ ರೂಪಾಯಿ. ಅವರ ಗಂಡ ನನಗೆ ಕರೆ ಮಾಡಿದ್ದರು. ಪತ್ನಿಗೆ ಒಂದು ಚಾನ್ಸ್ ಕೊಡಿ ಎಂದು ಕೇಳಿದರು. ಒಳ್ಳೆಯ ಪ್ರಾಜೆಕ್ಟ್​ನ ಹುಡುಕಿ ಕೊಡುತ್ತೇನೆ ಎಂದು ಅವರಿಗೆ ಭರವಸೆ ನೀಡಿದ್ದೇನೆ’ ಎಂಬುದಾಗಿ ಕಲೈಪುಲಿ ಹೇಳಿದ್ದಾರೆ.

ರಂಭಾ 2010ರಲ್ಲಿ ಕೆನಡಾದಲ್ಲಿ ಸೆಟಲ್ ಆದ ಭಾರತ ಮೂಲದ ಉದ್ಯಮಿ ಇಂದ್ರಕುಮಾರ್​ ಪದ್ಮನಾಭನ್ ಅವರನ್ನು ವಿವಾಹ ಆದರು. ಆ ಬಳಿಕ ರಂಭಾ ಅಲ್ಲಿಯೇ ಸೆಟಲ್ ಆದರು. ಆ ಬಳಿಕ ರಂಭಾ ಸಿನಿಮಾಗಳನ್ನು ಮಾಡಿಲ್ಲ. ಕೆಲವು ರಿಯಾಲಿಟಿ ಶೋಗಳಲ್ಲಿ ಜಡ್ಜ್​ ಆಗಿ ಕಾಣಿಸಿಕೊಂಡಿದ್ದಾರೆ. ಆದಾಗ್ಯೂ ಬಣ್ಣದ ಲೋಕದ ಜೊತೆ ಅವರು ನಂಟು ಬೆಳೆಸುವ ಪ್ರಯತ್ನ ಮಾಡಿಲ್ಲ. ಈಗ ಅವರು ‘ಜೋಡಿ: ಆರ್ ಯೂ ರೆಡಿ’ ಟಿವಿ ಶೋಗೆ ಜಡ್ಜ್​ ಆಗುತ್ತಾರೆ ಎನ್ನಲಾಗಿದೆ. ಈ ಮಧ್ಯೆ ಅವರಿಗೆ ಬಣ್ಣದ ಲೋಕದ ಬಗ್ಗೆ ಆಸಕ್ತಿ ಮೂಡಿದೆ.

ಇಂದ್ರಕುಮಾರ್ ಅವರು ಕೆನಡಾದಲ್ಲಿ ವಿವಿಧ ಉದ್ಯಮ ನಡೆಸುತ್ತಾರೆ. ‘ಮ್ಯಾಜಿಕ್ ವುಡ್ಸ್’ ಇಂಟೀರಿಯರ್ ಕಂಪನಿಯ ಡೈರೆಕ್ಟರ್ ಆಗಿದ್ದಾರೆ. ಇದನ್ನು ಬಿಟ್ಟು ಐದು ಕಂಪನಿಗಳನ್ನು ಅವರು ನಡೆಸುತ್ತಿದ್ದಾರೆ. ಒಂದು ಕಂಪನಿಗೆ ಅವರು ಪತ್ನಿಯ ಹೆಸರನ್ನು ಇಟ್ಟಿದ್ದಾರೆ.

ಕನ್ನಡದಲ್ಲಿ ಮೊದಲು ನಟಿಸಿದ ಸಿನಿಮಾ ‘ಸರ್ವರ್​ ಸೋಮಣ್ಣ’. 1993ರಲ್ಲಿ ಈ ಚಿತ್ರ ರಿಲೀಸ್ ಆಯಿತು. ಜಗ್ಗೇಶ್ ಅವರು ಚಿತ್ರದ ಹೀರೋ. 2006ರಲ್ಲಿ ‘ಗಂಡುಗಲಿ ಕುಮಾರ ರಾಮ’ ಸಿನಿಮಾದಲ್ಲಿ ರಂಭಾ ನಾಯಕಿ ಪಾತ್ರ ಮಾಡಿದ್ದೇ ಕೊನೆ, ಆ ಬಳಿಕ ಕನ್ನಡ ಕಡೆ ಅವರು ಮುಖ ಮಾಡಿಲ್ಲ.

ವೃತ್ತಿಜೀವನ ಉತ್ತಮ ಸ್ಥಿತಿಯಲ್ಲಿದ್ದಾಗ ಅವರು ವಿವಾಹವಾದರು ಮತ್ತು ಚಲನಚಿತ್ರಗಳನ್ನು ತೊರೆದರು. ಅವರು ಸಿನಿಮಾ ಮಾಡದಿದ್ದರೂ, 2,000 ಕೋಟಿ ರೂ.ಗಳ ಆಸ್ತಿಯ ಒಡತಿ. ಅವರು 100 ಕ್ಕೂ ಹೆಚ್ಚು ಚಿತ್ರಗಳಲ್ಲಿ ನಟಿಸುವ ಮೂಲಕ ದಾಖಲೆಯನ್ನು ಸೃಷ್ಟಿಸಿದ್ದಾರೆ. ವರ್ಷಗಳ ಕಾಲ ಕುಟುಂಬವನ್ನು ಮುನ್ನಡೆಸಿದ್ದ ಈ ಸುಂದರಿ, ಈಗ ಸುಮಾರು 14 ವರ್ಷಗಳ ನಂತರ ಮತ್ತೆ ಚಿತ್ರರಂಗಕ್ಕೆ ಬರಲು ಸಿದ್ಧರಾಗಿದ್ದಾರೆ.