47ನೇ ವಯಸ್ಸಿನಲ್ಲಿ ನಟಿ ಪ್ರಗತಿಗೆ ಎರಡನೇ ಮದುವೆ; ಈ ಸುದ್ದಿಗೆ ನಟಿ ಹೇಳಿದ್ದೇನು ಗೊತ್ತಾ?

ಚೆನ್ನೈ: ಸದ್ಯ ತೆಲುಗು ಸಿನಿಮಾಗಳಲ್ಲಿ ಕ್ಯಾರೆಕ್ಟರ್ ಆರ್ಟಿಸ್ಟ್ ಆಗಿ ಬ್ಯುಸಿಯಾಗಿರುವ ನಟಿಯರಲ್ಲಿ ಪ್ರಗತಿ ಕೂಡ ಒಬ್ಬರು. ತೆಲುಗು ಅಲ್ಲದೆ, ತಮಿಳು ಮತ್ತು ಕನ್ನಡ ಚಿತ್ರಗಳಲ್ಲಿ ನಟಿ ಹಾಗೂ ಪೋಷಕ ಪಾತ್ರಗಳನ್ನು ನಿರ್ವಹಿಸುವ ಮೂಲಕ ಪ್ರೇಕ್ಷಕರನ್ನು ರಂಜಿಸಿದ್ದಾರೆ. ಪ್ರಗತಿ, ನಿರ್ಮಾಪಕರೊಬ್ಬರನ್ನು ಎರಡನೇ ಮದುವೆಯಾಗಲಿದ್ದಾರೆ ಎನ್ನುವ ಸುದ್ದಿ ಹಬ್ಬಿತ್ತು. ಈ ಕುರಿತಾಗಿ ನಟಿ ಸ್ಪಷ್ಟನೆ ನೀಡಿದ್ದಾರೆ.

ಪ್ರಗತಿ ಅವರ ವೈಯಕ್ತಿಕ ಜೀವನಕ್ಕೆ ಸಂಬಂಧಿಸಿದ ಕೆಲವು ಸುದ್ದಿಗಳು ಇತ್ತೀಚೆಗೆ ಹರಿದಾಡುತ್ತಿವೆ. ಅವರು ಎರಡನೇ ಬಾರಿಗೆ ಮದುವೆಯಾಗಲಿದ್ದಾರೆ ಎಂಬ ವದಂತಿಗಳು ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡುತ್ತಿವೆ. ಹಲವಾರು ಸೋಶಿಯಲ್​​ ಮೀಡಿಯಾ ಪ್ಲ್ಯಾಟ್​​ ಫಾರ್ಮ್​​ಗಳು ಖ್ಯಾತ ನಿರ್ಮಾಪಕರ ಜತೆ ಮತ್ತೆ ಮದುವೆಯಾಗಲು ಯೋಜಿಸುತ್ತಿದ್ದಾರೆ ಎಂದು ಲೇಖನಗಳನ್ನು ಪ್ರಕಟಿಸಿವೆ. ಈ ಸುದ್ದಿಗೆ ಇತ್ತೀಚೆಗಷ್ಟೇ ಪ್ರಗತಿ ಪ್ರತಿಕ್ರಿಯಿಸಿದ್ದಾರೆ.

ನಟಿ ಹೇಳಿದ್ದೇನು?: ನೀವು ಸಿನಿಮಾ ನಟಿ ಎಂಬ ಕಾರಣಕ್ಕೆ ನಿಮಗೆ ಇಷ್ಟವಾದಂತೆ ಲೇಖನಗಳನ್ನು ಬರೆಯುತ್ತೀರಾ? ಸೋಷಿಯಲ್ ಮೀಡಿಯಾದ ಹೊರತಾಗಿ ಕೆಲವು ಮಾಧ್ಯಮಗಳು ನಾನು ಎರಡನೇ ಬಾರಿಗೆ ಮದುವೆಯಾಗುತ್ತಿದ್ದೇನೆ ಎಂದು ಸುದ್ದಿಗಳನ್ನು ಪ್ರಕಟಿಸಿವೆ. ಇದನ್ನು ನೋಡಿದಾಗ ನನಗೆ ತುಂಬಾ ದುಃಖವಾಯಿತು. ಸಾಕ್ಷಿ ಇಲ್ಲದೆ ಇಂತಹ ಸುದ್ದಿ ಬರೆಯುವುದು ಬೇಜವಾಬ್ದಾರಿ. ನಾನು ಸಿನಿಮಾ ನಟಿ ಎಂಬ ಕಾರಣಕ್ಕೆ ನೀವು ಏನು ಬೇಕಾದರೂ ಬರೆಯಬಹುದು ಎಂದು ನೀವು ಭಾವಿಸಿದರೆ, ಇದು ಸಂಪೂರ್ಣವಾಗಿ ತಪ್ಪು. ಇತರರ ವೈಯಕ್ತಿಕ ಬದುಕಿನೊಳಗೆ ನುಸುಳುವ ಹಕ್ಕು ಯಾರಿಗೂ ಇಲ್ಲ. ಇಂತಹ ವಿಚಾರಗಳಲ್ಲಿ ಸ್ವಲ್ಪ ಜವಬ್ದಾರಿಯಿಂದ ವರ್ತಿಸಿ' ಎಂದರು ಪ್ರಗತಿ.

ಪ್ರಗತಿ ಪತಿಯಿಂದ ವಿಚ್ಛೇದನ ಪಡೆದು ಮಗಳೊಂದಿಗೆ ವಾಸವಾಗಿದ್ದಾಳೆ. ಈ ಹಿನ್ನಲೆಯಲ್ಲಿ ಆಕೆ ಎರಡನೇ ಮದುವೆಯಾಗುತ್ತಿದ್ದಾರೆ ಎಂಬ ಸುದ್ದಿ ಆಗಾಗ ಬರುತ್ತಲೇ ಇದೆ. ಈ ವೇಳೆ ಈ ವದಂತಿಗಳು ಹೆಚ್ಚಾದಂತೆ ತನ್ನ ಕೋಪವನ್ನು ವ್ಯಕ್ತಪಡಿಸಿದ್ದಾಳೆ.

ಕಳೆದ ವರ್ಷ, ಪ್ರಗತಿ ಡಿಜೆ ಟಿಲ್ಲು, ಎಫ್ 3, ಗಾಡ್‌ಫಾದರ್, ಸ್ವಾತಿಮುತ್ಯಂ ಮುಂತಾದ ಹಿಟ್ ಚಲನಚಿತ್ರಗಳಲ್ಲಿ ನಟಿಸಿದರು ಮತ್ತು ಇತ್ತೀಚೆಗೆ ಚಿರಂಜೀವಿ ಅಭಿನಯದ ಭೋಲಾ ಶಂಕರ್ ಚಿತ್ರದಲ್ಲಿ ಕಾಣಿಸಿಕೊಂಡರು. ಚಲನಚಿತ್ರಗಳ ಹೊರತಾಗಿ, ಪ್ರಗತಿ ಸಾಮಾಜಿಕ ಮಾಧ್ಯಮದಲ್ಲಿಯೂ ಸಕ್ರಿಯರಾಗಿದ್ದಾರೆ. ಅಲ್ಲಿ ಅವರು ತಮ್ಮ ಫಿಟ್ನೆಸ್ ಮತ್ತು ವ್ಯಾಯಾಮದ ವೀಡಿಯೊಗಳನ್ನು ಹಂಚಿಕೊಳ್ಳುತ್ತಾರೆ.

https://www.vijayavani.net/5-school-students-driver-killed-in-bus-van-collision-in-uttar-pradeshs-budaun