ಕೀರ್ತಿ ಸುರೇಶ್ ಮದುವೆ ! ಕೈ ಹಿಡಿಯುವ ವರನ ಕುರಿತಾಗಿ ಸ್ಪಷ್ಟತೆ ನೀಡಿದ ನಟಿ...

ಮುಂಬೈ: ಸಿನಿಮಾ ತಾರೆಯರ ಮದುವೆಯ ವದಂತಿಗಳು ಹಬ್ಬುತ್ತಿರುತ್ತವೆ. ಪದೇ ಪದೇ ಇಂತಹ ವದಂತಿಗಳು ಹರಿದಾಡುತ್ತಿದ್ದರೆ ಅದಕ್ಕೆ ಪ್ರತಿಕ್ರಿಯಿಸುವ ಅಗತ್ಯವಿಲ್ಲ. ಟಾಲಿವುಡ್‌ನ ಜನಪ್ರಿಯ ನಾಯಕಿ ಕೀರ್ತಿ ಸುರೇಶ್‌ಗೆ ಸದ್ಯ ಇಂತಹ ಪರಿಸ್ಥಿತಿ ಎದುರಾಗಿದೆ.

ಸಿನಿಮಾಗಳ ಹೊರತಾಗಿ ಇತ್ತೀಚೆಗೆ ಕೀರ್ತಿ ಸುರೇಶ್ ಅವರ ಮದುವೆಯ ಸುದ್ದಿ ಹಲವು ಬಾರಿ ತೆರೆಗೆ ಬರುತ್ತಿದೆ. ಇತ್ತೀಚೆಗಿನ ಸುದ್ದಿ ಏನೆಂದರೆ ಆಕೆ ತನ್ನ ಬಾಲ್ಯದ ಗೆಳಯನನ್ನು ಮದುವೆಯಾಗುತ್ತಿದ್ದಾಳೆ ಎನ್ನಲಾಗಿತ್ತು. ಕೀರ್ತಿ ಸುರೇಶ್ ಅವರು ಈ ಕುರಿತಾಗಿ ಸ್ಪಷ್ಟನೆ ನೀಡಿದ್ದಾರೆ.

ಕೀರ್ತಿ ಸುರೇಶ್ ಮಾತನಾಡಿ, 'ನನ್ನ ವಿರುದ್ಧದ ವದಂತಿಗಳ ಬಗ್ಗೆ ನಾನು ಪ್ರತಿ ಬಾರಿ ಸ್ಪಷ್ಟನೆ ನೀಡುತ್ತೇನೆ. ಆದರೆ ವದಂತಿಯನ್ನು ಜನ ನಿಜ ಎಂದು ಅವರು ಭಾವಿಸುತ್ತಾರೆ. ಅದಕ್ಕಾಗಿಯೇ ನಾನು ಅವರಿಗೆ ಪ್ರತಿಕ್ರಿಯಿಸುವುದಿಲ್ಲ. ನನ್ನ ಆಯ್ಕೆಯ ಚಿತ್ರಗಳು. ನನ್ನ ನಟನೆಯನ್ನು ಟೀಕಿಸಿದರೆ ಖಂಡಿತ ಒಪ್ಪಿಕೊಳ್ಳುತ್ತೇನೆ ಎಂದಿದ್ದಾರೆ.

ನನಗೆ ನನ್ನ ವೈಯಕ್ತಿಕ ಜೀವನದ ಬಗ್ಗೆ ತಿಳಿದಿದೆ. ನನ್ನ ಕುಟುಂಬದ ಬಗ್ಗೆ ಯಾರಾದರೂ ಕಾಮೆಂಟ್ ಮಾಡಿದರೂ ನಾನು ಹೆದರುವುದಿಲ್ಲ. ಅವರ ಕಾಮೆಂಟ್‌ಗಳನ್ನು ನಾನು ಗಂಭೀರವಾಗಿ ಪರಿಗಣಿಸುವ ಅಗತ್ಯವಿಲ್ಲ ಎಂದು ಹೇಳುವ ಮೂಲಕವಾಗಿ ಮದುವೆಯ ಸುದ್ದಿಯನ್ನು ಕೀರ್ತಿ ಸುರೇಶ್ ನಿರಾಕರಿಸಿದ್ದಾರೆ.

ತೆಲುಗು, ತಮಿಳಿನ ಹೊರತಾಗಿ ಇದೀಗ ಕೀರ್ತಿ ಸುರೇಶ್ ಬಾಲಿವುಡ್ ನತ್ತ ಗಮನ ಹರಿಸಿದ್ದಾರೆ. ಹಿಂದಿಯಲ್ಲಿ ಸಿನಿಮಾ ಮಾಡುವುದರಲ್ಲಿ ಬ್ಯುಸಿಯಾಗಿದ್ದಾರೆ. ರಘು ಟಾಟಾ ಚಿತ್ರದಲ್ಲಿ ಕೀರ್ತಿ ಸುರೇಶ್ ಮುಖ್ಯ ಭೂಮಿಕೆಯಲ್ಲಿದ್ದಾರೆ. ನಿರ್ದೇಶಕ ಸುಮನ್ ಕುಮಾರ್ ನಿರ್ದೇಶನದ ಈ ಚಿತ್ರವನ್ನು ಪ್ರತಿಷ್ಠಿತ ಹೊಂಬಾಳೆ ಫಿಲಂಸ್ ಬ್ಯಾನರ್ ನಿರ್ಮಿಸಿದೆ.