ಪಾತ್ರಕ್ಕಾಗಿ ರಿಹರ್ಸಲ್: ಆಡಿಷನ್ ಮೂಲಕ ‘ಪೆಪೆ’ಗೆ ನಾಯಕಿಯಾಗಿ ಆಯ್ಕೆಯಾದ ಕಾಜಲ್ ಕುಂದರ್ ಆರಂಭದಿಂದಲೂ ಪಾತ್ರಕ್ಕಾಗಿ ಹಲವು ರೀತಿಯಲ್ಲಿ ಸಿದ್ಧತೆ ನಡೆಸಿದ್ದಾರಂತೆ. ಗ್ರಾಮೀಣ ಸೊಗಡಿನ ವಿಷಯ ಇದಾಗಿರುವುದರಿಂದ ಅದಕ್ಕೆ ತಕ್ಕಂತೆ ಪಾತ್ರ ನಿರ್ವಹಣೆ ಮಾಡಿದ್ದಾರೆ. ಈ ಬಗ್ಗೆ ಅವರೇ ಹೇಳುವಂತೆ, ‘ನನ್ನ ಪಾತ್ರವು ಕುಟುಂಬ ಆಧಾರಿತವಾಗಿದ್ದು, ಅಲ್ಲಿ ಸಾಕಷ್ಟು ಸಂಭಾಷಣೆ ಬರುತ್ತವೆ. ಅಲ್ಲದೇ ನಾನಾ ಬಗೆಯ ಭಾವನೆಗಳನ್ನು ನನ್ನ ಪಾತ್ರದ ಮೂಲಕ ತೋರಿಸಬೇಕಿತ್ತು. ಇದಕ್ಕೆ ಅಗತ್ಯವಾದ ತರಬೇತಿ ಬೇಕಿತ್ತು. ಆ ಕಾರಣಕ್ಕಾಗಿ ಶೂಟಿಂಗ್ ಫ್ರೀ ಟೈಮ್ನಲ್ಲಿ ಸಾಕಷ್ಟು ರಿಹರ್ಸಲ್ ಮಾಡಿದ್ದೇನೆ. ಹಿರಿಯ ಕಲಾವಿದರಿಂದ ಸಂಧ್ಯಾ ಅರಿಕೆರೆ, ಶಶಿಧರ್ ಭಟ್ ಸಾಕಷ್ಟು ತರಬೇತಿ ನೀಡಿದ್ದಾರೆ. ಸಂಭಾಷಣೆ, ಭಾವನೆಗಳು ಬರಲು ಸಾಕಷ್ಟು ಬಾರಿ ರಿಹರ್ಸಲ್ ಮಾಡಿದ್ದೇನೆ. ಆದರೆ, ಗ್ರಾಮೀಣದ ಸೊಗಡಿನ ಚಿತ್ರ ಇದಾಗಿರುವುದರಿಂದ ಅದಕ್ಕೆ ತಕ್ಕಂತೆ ಸಂಭಾಷಣೆ ಬರಬೇಕಿತ್ತು. ಆ ಕಾರಣಕ್ಕಾಗಿ ಡಬ್ಬಿಂಗ್ ಮಾಡಿಲ್ಲ ಎನ್ನುವ ಕಾಜಲ್, ಈ ಸಿನಿಮಾದ ಪಾತ್ರದ ಮೂಲಕ ಮೊದಲ ಬಾರಿಗೆ ರಕ್ತವನ್ನು ನೋಡಿದ್ದಾರಂತೆ. ಬಹುತೇಕ ಶೂಟಿಂಗ್ ಕೂರ್ಗ್ನಲ್ಲಿ ನಡೆಸಲಾಗಿದ್ದು, ಚಳಿಗಾಲ ಅವಧಿಯಲ್ಲಿನ ಮಳೆಯ ದೃಶ್ಯಗಳು ತುಂಬಾ ಸವಾಲಾಗಿದ್ದವು’ ಎಂದು ಮಾಹಿತಿ ಹಂಚಿಕೊಳ್ಳುತ್ತಾರೆ.
